ព័ត៌មានជាតិ

ក្រសួងសង្គមកិច្ចគាំទ្រសកម្មភាពរបស់UNICEF បានចូលរួមផ្តល់ជំនួយដល់កុមារនិងមនុស្សចាស់

បានផុស

៥ years មុន

នៅ

ថ្ងៃអង្គារ ២ មីនា ២០២១

ដោយ

ថ្នាក់ដឹកនាំនាយកដ្ឋានសុខុមាលភាពសង្គមនៃក្រសួងសង្គមកិច្ច អតីតយុទ្ធជន និងយុវនីតិសម្បទា សម្តែងនូវការសាទរនិងគាំទ្រចំពោះសកម្មភាពមនុស្សធម៌របស់អង្គការUNICEFដែលបានរួមចំណែកជាមួយរាជរដ្ឋាភិបាលក្នុងការជួយដល់កុមារ មនុស្សនិងសង្គមជាតិជាច្រើនទៀត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នេះជាការលើកឡើងរបស់លោក ឈួរ សុបញ្ញា ប្រធាននាយកដ្ឋានសុខុមាលភាពសង្គមរបស់ក្រសួងសង្គមកិច្ច អតីតយុទ្ធជន និងយុវនីតិសម្បទាក្នុងកិច្ចប្រជុំជាមួយអង្គការ UNICEFថ្ងៃទី០២ កុម្ភៈ ឆ្នាំ២០២១ រួមជាមួយក្រុមការងារហិរញ្ញវត្ថុ ស្ដីពី ការអនុវត្តការងារហិរញ្ញវត្ថុឆ្នាំ២០២១ នេះ។

ក្នុងនាមក្រសួងសង្គមកិច្ច ដែលជាសរសេរទ្រូងរបស់កម្ពុជាលោក ឈួរ សុបញ្ញា បានថ្លែងនូវការគាំទ្រទាំងស្រុងចំពោះកិច្ចប្រជុំនេះ ហើយសូមឲ្យមានការបន្តចូលរួមពីតំណាងមន្ទីរសង្គមកិច្ច អតីតយុទ្ធជន និងយុវនីតិសម្បទា ខេត្តមន្ត្រីបង្គោលទទួលបន្ទុកសុខុមាលភាពកុមារនៃមន្ទីរ ការិយាល័យសង្គមកិច្ច និងសុខុមាលភាពសង្គមក្រុង ស្រុក រួមទាំងអង្គការជាដៃគូ។ លោកប្រធាននាយកដ្ឋានបានបន្ថែមថា ផែនការនេះមានការជួយបច្ចេកទេសពីក្រសួង និងមន្ទីរ សង្គមកិច្ច អតីតយុទ្ធជន និងយុវនីតិសម្បទរួមគ្នាដើម្បីលើកកម្ពស់ផែនការសកម្មភាពរំកិល២០២១-២០២២ និងការថែទាំកុមារនៅតាមគ្រួសារ និងសមាហរណកម្មកុមារពីមណ្ឌលថែទាំនានា។

លោក ឈួរ សុបញ្ញាបានថ្លែងថា បន្ទាប់ពីមានការអំពាវនាវក្រសួងសង្គមកិច្ចរួចមកសកម្មភាពរបស់CTPជាប្រចាំថ្ងៃនៃការទទួលផលរបស់ស្ត្រីមានផ្ទៃពោះ និងកុមារអាយុក្រោម២ឆ្នាំក្នុងគ្រួសារក្រីក្រគ្រប់មូលដ្ឋានបានមកទទួលនូវកម្មវិធីឧបត្ថម្ភសាច់ប្រាក់របស់រាជរដ្ឋាភិបាលដល់ដៃផ្ទាល់ជាហូរហែរតែម្ដងដោយនៅថ្នាក់រាជធានី មានរដ្ឋបាលរាជធានី មានមន្ទីរសង្គមកិច្ច អតីតយុទ្ធជន និងយុវនីតិសម្បទា និងនៅខេត្តមន្ទីរសុខាភិបាលហើយនៅថ្នាក់ឃុំ សង្កាត់ មានរដ្ឋបាលឃុំ សង្កាត់ និងមូលដ្ឋានសុខាភិបាលសាធារណៈ។

សូមបញ្ជាក់ថា កម្មវិធីនេះ ត្រូវបានប្រើប្រាស់យន្តការអនុវត្តជាលក្ខណៈអន្តរស្ថាប័ន ដែលមានការចូលរួមពីក្រសួង ស្ថាប័នទាំងនៅថ្នាក់ជាតិ និងថ្នាក់ក្រោមជាតិ ដែលក្នុងនោះនៅថ្នាក់ជាតិមានក្រសួងសង្គមកិច្ច អតីតយុទ្ធជន និងយុវនីតិសម្បទា ក្រសួ ងមហាផ្ទៃ ក្រសួងសុខាភិបាល ក្រសួងសេដ្ឋកិច្ច និងហិរញ្ញវត្ថុ ក្រសួងផែនការ និងអគ្គលេខាធិការដ្ឋាននៃក្រុមប្រឹក្សាជាតិគាំពារសង្គម។ នៅថ្នាក់រាជធានី ខេត្ត មានរដ្ឋបាលរាជធានី ខេត្ត មន្ទីរសង្គមកិច្ច អតីតយុទ្ធជន និងយុវនីតិសម្បទា និងមន្ទីរសុខាភិបាលរាជធានី ខេត្ត និងនៅថ្នាក់ឃុំ សង្កាត់ មានរដ្ឋបាលឃុំ សង្កាត់ និងមូលដ្ឋានសុខាភិបាលសាធារណៈដែលនៅក្បែរ៕

អត្ថបទ៖ វិមាន