ព័ត៌មានជាតិ
ដឹងច្បាស់ហើយ! ស្ត្រីឆ្លងកូវីដ១៩នៅរោងចក្រ«YW»ឆ្លងពីកូនប្រុសដែលជាអ្នកបើកឡានឲ្យជនជាតិចិន
ភ្នំពេញ ៖ លោក វេជ្ជបណ្ឌិត ងី ម៉េងហេង ប្រធានមន្ទីរសុខាភិបាលរាជធានីភ្នំពេញបានឲ្យដឹងថា ស្ត្រីដែលឆ្លងកូវីដ១៩នៅរោងចក្រកាត់ដេរ«YW»នៅខណ្ឌដង្កោនោះមានអាយុ៤៨ឆ្នាំដែលបានឆ្លងពីកូនរបស់គាត់ជាអ្នកបើកឡានឲ្យជនជាតិចិន។
លោកបានបន្តថារហូតមកដល់ពេលនេះក្រុមឆ្លើយតបបន្ទាន់នៃមន្ទីរសុខាភិបាលរាជធានីភ្នំពេញ បានចុះយកសំណាក អ្នកដែលបានប៉ះពាល់ផ្ទាល់និងប្រយោលជាមួយស្ត្រីនោះប្រមាណជាង៥០០នាក់ហើយដើម្បីយកទៅធ្វើតេស្តរកមេរោគកូវីដ១៩។
បើតាមលោកស្រី គឹម ញិប អភិបាលខណ្ឌដង្កោបានឲ្យដឹងថា ស្ត្រីដែលឆ្លងជំងឺកូវីដ១៩នៅរោងចក្រ«YW»នោះជាស្ត្រីខ្មែរធ្វើការជាមួយជនជាតិចិន។
លោកស្រីបានបន្តថា ជនរងគ្រោះរួមទាំងក្រុមគ្រួសារ ត្រូវបានបញ្ជូនទៅធ្វើចត្តាឡីស័ក និងព្យាបាលនៅមណ្ឌលព្រែកព្នៅអស់ហើយ។
ចំណែក លោក ជួន វុឌ្ឍី ប្រធានមន្ទីរការងារនិងបណ្តុះបណ្តាលវិជ្ជាជីវៈរាជធានីភ្នំពេញបានមានប្រសាសន៍ថា ក្រសួងនៅមិនទាន់បិទរោងចក្រយីហោ«YW»ដែលស្ថិតនៅក្នុងខណ្ឌដង្កោរាជធានីភ្នំពេញដែលមានអ្នកពាក់ព័ន្ធស្ត្រីម្នាក់ឆ្លងជំងឺកូវីដ១៩នៅឡើយទេដោយសារការប៉ះពាល់មានកម្រិតតិចតូចនៅឡើយ។
លោកបានបន្តថា តាមព័ត៌មានដែលលោកទទួលបានជាជំហានដំបូងមានអ្នកពាក់ព័ន្ធជាមួយស្ត្រីដែលឆ្លងនោះចំនួន៧នាក់ ក្នុងនោះមានម្នាក់ប៉ះពាល់ផ្ទាល់និង៦នាក់ទៀតប៉ះពាល់ដោយប្រយោលហើយត្រូវបានក្រុមគ្រូពេទ្យយកសំណាកទៅពិនិត្យរកកូវីដ១៩រួចរាល់ហើយ។
គួរបញ្ជាក់ថា រោងចក្រ វ៉ាយ&ដាប់បាយូ ហ្គាមេន មានទីតាំងស្ថិតនៅផ្លូវលេខ២១៧ភូមិព្រែកជ្រៃសង្កាត់ស្ពានថ្មខណ្ឌដង្កោរាជធានីភ្នំពេញ៕
ដោយ ៖ សំអឿន
-
ព័ត៌មានជាតិ១ សប្តាហ៍ agoដើម្បីបញ្ចៀសការកកស្ទះ អាជ្ញាធរខណ្ឌពោធិ៍សែនជ័យ និងក្រុមហ៊ុនកាណាស៊ីធី ចុះរុះរើរបងពង្រីកផ្លូវបន្ថែម
-
សេដ្ឋកិច្ច២ ថ្ងៃ agoអ្នកជំនាញ៖ វិស័យអចលនទ្រព្យនៅកម្ពុជាមិនទាន់មានសញ្ញាងើបឡើងវិញរហូតដល់បច្ចុប្បន្ននេះ
-
ព័ត៌មានជាតិ៧ ថ្ងៃ agoឱកាសសិស្សនិស្សិត! អាហារូបករណ៍ទេពកោសល្យឌីជីថលតេជោ ៦០០កន្លែង កំពុងបើកទទួលពាក្យ
-
ព័ត៌មានអន្ដរជាតិ២ ថ្ងៃ agoតើឥណ្ឌាពិតជាខ្នងបង្អែកដ៏រឹងមាំ របស់អ៊ីស្រាអែល ដូចអ្វីដែលលោក ណេតាន់យ៉ាហ៊ូ អួតអាងមែនទេ?
-
ព័ត៌មានជាតិ១៤ ម៉ោង agoលេចចេញគំរូស្ពានឆ្លងទន្លេមេគង្គ គ្រោងសាងសង់ដោយជប៉ុនតាមផ្លូវជាតិលេខ ១
-
ព័ត៌មានជាតិ២ ថ្ងៃ agoកម្ពុជា UNODC និងសមាជិកមហាអនុតំបន់ទន្លេមេគង្គឆ្នាំ១៩៩៣ នឹងបន្តរួមគ្នាដោះស្រាយបញ្ហាគ្រឿងញៀនសំយោគ
-
ព័ត៌មានអន្ដរជាតិ១ សប្តាហ៍ agoអ៊ីរ៉ង់ គំរាម «ផ្តល់មេរៀន» ដល់អ៊ីស្រាអែល បើហ៊ានប៉ះ មេដឹកនាំកំពូល របស់ខ្លួន
-
ព័ត៌មានអន្ដរជាតិ១ សប្តាហ៍ agoអាមេរិក យក១ដុល្លារ ជួលដីពីអ៊ីស្រាអែល ៩៩ឆ្នាំ ដើម្បីសង់ស្ថានទូតអចិន្ត្រៃយ៍នៅហ្សេរុយសាឡឹម