ព័ត៌មានជាតិ
ខេត្តកណ្ដាលប្រកាសជ្រើសរើសមន្ត្រីក្របខណ្ឌចំនួន ០៨ កន្លែង សម្រាប់ឆ្នាំ២០២១
រដ្ឋបាលខេត្តកណ្ដាលបានប្រកាសជ្រើសរើសមន្ត្រីក្របខណ្ឌចំនួន០៨ កន្លែង សម្រាប់ឆ្នាំ២០២១ឲ្យចូលបម្រើការងារក្នុងក្របខ័ណ្ឌមន្ត្រីរាជការស៊ីវិលនៅរដ្ឋបាលថ្នាក់ក្រោមជាតិនៅខេត្តកណ្តាល។
លោកគង់ សោភ័ណ្ឌ អភិបាលខេត្តកណ្តាលបានឲ្យដឹងក្នុងសេចក្តីជូនដំណឹង ចុះថ្ងៃទី០២មីនាថា«រដ្ឋបាលខេត្តកណ្ដាលសូមជូនដំណឹងដល់សិស្សនិស្សិតដែលមានបំណងចូលបម្រើការងារក្នុងក្របខ័ណ្ឌមន្ត្រីរាជការស៊ីវិលនៅរដ្ឋបាលថ្នាក់ក្រោមជាតិឲ្យបានជ្រាបថា រដ្ឋបាលខេត្តកណ្ដាលសម្រេចបើកការប្រឡងជ្រើសរើសនិស្សិតបញ្ចូលក្នុងក្របខណ្ឌមន្ត្រីរាជការស៊ីវិលនៅរដ្ឋបាលថ្នាក់ក្រោមជាតិឆ្នាំ២០២១ដើម្បីបម្រើការងារនៅខេត្តកណ្ដាល»។
លោកបានបន្តក្នុងចំណោម០៨កន្លែងនោះ ក្នុងនោះនៅក្របខ័ណ្ឌមន្ត្រីរដ្ឋបាលជាន់ខ្ពស់ចំនួន ៣រូបក្របខ័ណ្ឌមន្ត្រីក្រមការ ៣រូបនិង ក្របខណ្ឌលេខាធិការរដ្ឋបាល២រូប។
លោកអភិបាលខេត្តបានបន្តទៀតថា បេក្ខជនដែលមានបំណងចូលបម្រើការងារនៅសាលាខេត្តកណ្ដាលត្រូវមកទិញពាក្យនិងដាក់ពាក្យសូមចុះឈ្មោះដើម្បីចូលរួមប្រឡងប្រជែងនៅការិយាល័យគ្រប់គ្រងបុគ្គលិកនៃទីចាត់ការគ្រប់គ្រងធនធានមនុស្សសាលាខេត្តកណ្ដាលចាប់ពីថ្ងៃជូនដំណឹងនេះរហូតដល់ថ្ងៃទី០២ខែមេសាឆ្នាំ២០២១ខាងមុខនេះ។
លោកបានបន្ថែមថា ចំពោះបេក្ខជនដែលបានដាក់ពាក្យស្នើសុំប្រឡងក្នុងឆ្នាំ២០២០រួចហើយមិនតម្រូវឲ្យដាក់ពាក្យសុំសិទ្ធិប្រឡងឡើងវិញឡើយ។
លោកបានបញ្ជាក់ថា ចំពោះលក្ខខណ្ឌនៃការជ្រើសរើសបេក្ខជនត្រូវមានសញ្ជាតិខ្មែរមានកាយសម្បទាគ្រប់គ្រាន់មានសុខភាពល្អ។ ករណីបេក្ខជនជាជនពិការសាមីខ្លួនត្រូវមានស្ថានភាពពិការភាពសមស្របដែលអាចបំពេញការងារបាននិងមិនប្រាសចាកសិទ្ធិខាងរដ្ឋប្បវេណីនិងសិទ្ធិជាពលរដ្ឋ ត្រូវមានអាយុយ៉ាងតិច១៨ ឆ្នាំហើយមិនលើសពី២៥ឆ្នាំ។ ការកម្រិតអាយុត្រូវបានរំកិលពី២៥ឆ្នាំដល់៣៥ឆ្នាំចំពោះបេក្ខជនដែលមានសញ្ញាបត្របរិញ្ញាបត្រឬសមូលនិង៤០ឆ្នាំចំពោះបេក្ខជនដែលមានសញ្ញាបត្របរិញ្ញាបត្រជាន់ខ្ពស់ ឬ សមមូល។
រីឯបេក្ខជនដែលមានកំរិតបណ្ដុះបណ្ដាលចាប់ពីសញ្ញាប័ត្រថ្នាក់បណ្ឌិតទៅត្រូវលើកលែងលក្ខខណ្ឌអាយុជន។ បេក្ខជនពិការ ឬ ជាស្ត្រីនិងបេក្ខជនដែលនៅតំបន់ដាច់ស្រយាលត្រូវបានលើកទឹកចិត្តនិងផ្ដល់ការយកចិត្តទុកដាក់នៅក្នុងការប្រកួតប្រជែងនេះ៕
ដោយ ៖ សំអឿន
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៣ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៥ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ