ព័ត៌មានជាតិ
ផ្លូវក្រវាត់ព្រំដែនសាងសង់ចម្ងាយត្រឹម ១០ ទៅ ៣០ ម៉ែត្រ ពីបង្គោលព្រំដែន
នាយករដ្ឋមន្ត្រីកម្ពុជាសម្តេចធិបតី ហ៊ុន ម៉ាណែត បានអះអាងថា ផ្លូវក្រវាត់ព្រំដែនដែលកម្ពុជាបានសាងសង់ កន្លែងខ្លះមានចម្ងាយត្រឹម ១០ ទៅ ៣០ ម៉ែត្រពីបង្គោលព្រំដែនប៉ុណ្ណោះ។
ការគូសបញ្ជាក់បែបនេះ ក្នុងឱកាសដែលប្រមុខដឹកនាំកម្ពុជាចូលរួមក្នុងពិធីជួបសំណេះសំណាល និងពិសាភោជនាហាររៀបចំឡើងដោយសមាគមឧកញ៉ាកម្ពុជា និងសមាគមអ្នកអភិវឌ្ឍន៍លំនៅឋានកម្ពុជា កាលពីរសៀលថ្ងៃទី ០២ ខែសីហា ឆ្នាំ២០២៤។
សម្តេចធិបតី ហ៊ុន ម៉ាណែត បានថ្លែងថា តាមរយៈផ្លូវក្រវាត់ព្រំដែន ពលរដ្ឋអាចជិះរថយន្តធ្វើដំណើរមើលឃើញបង្គោលព្រំដែនបានយ៉ាងកៀក ដែលកន្លែងខ្លះមានចម្ងាយត្រឹម ១០ ទៅ ៣០ ម៉ែត្រប៉ុណ្ណោះ។
ប្រមុខដឹកនាំកម្ពុជាបានបន្តថា ក្នុងពេលជួបជជែកជាមួយប្រជាពលរដ្ឋរស់នៅតាមបន្ទាត់ព្រំដែនកាលពីពេលថ្មីៗនេះ ពលរដ្ឋបានលើកពីការស្ថាបនាផ្លូវតាមក្រវាត់ព្រំដែន ដែលពីមុនអត់ទាន់មានផ្លូវ ពលរដ្ឋចង់ធ្វើដំណើរពីភូមិមួយទៅភូមិមួយ ត្រូវសុំផ្លូវចូលតាមទឹកដីប្រទេសវៀតណាម។ ប៉ុន្តែក្រោយមានផ្លូវក្រវាត់ព្រំដែន ពលរដ្ឋអាចធ្វើដំណើរពីភូមិមួយទៅភូមិមួយដោយមិនបាច់សុំផ្លូវចូលតាមប្រទេសវៀតណាមទៀតទេ។
សម្តេចបន្តថា ពលលរដ្ឋខេត្តក្រចេះ ស្ទឹងត្រែង មណ្ឌលគិរី និងរតនគិរី នឹងត្រូវតភ្ជាប់គ្នាតាមរយៈផ្លូវក្រវាត់ព្រំដែន ខណៈដែលសម្តេចក៏បានចារឱ្យកងវិស្វកម្មខិតខំពុះពារបន្តស្ថាបនាផ្លូវក្រវាត់ព្រំដែនឱ្យទៅដល់តំបន់មុំ ៣ កន្ទុយនាគ។
ក្នុងឱកាសនោះដែរ មេដឹកនាំកម្ពុជាក៏បង្ហាញវឌ្ឍនភាពនៃការស្ថាបនាផ្លូវក្រវាត់ព្រំដែនតាមបណ្តាខេត្តភាគឦសាន ដែលក្នុងនោះខេត្តក្រចេះស្ថាបនាផ្លូវក្រវាត់ព្រំដែនបានប្រវែង ៧៨ គីឡូម៉ែត្រ ដែលបញ្ចប់ទាំងស្រុង។ ខេត្តមណ្ឌលគិរីសាងសង់បានប្រវែង ១៥៥ គីឡូម៉ែត្រលើ ៣១៩ គីឡូម៉ែត្រ និងខេត្តរតនគីរីបានប្រវែង ៨៩ គីឡូម៉ែត្រលើប្រវែង ២២០ គីឡូម៉ែត្រ និងកំពុងបន្តជំរុញសាងសង់ឲ្យដល់តំបន់កន្ទុយនាគ។
ទាក់ទងកិច្ចការពារបូរណភាពទឹកដី សម្តេចធិបតីបានបានគូសបញ្ជាក់ថា ត្រូវតែបោះបង្គោលព្រំដែនឲ្យបានច្បាស់លាស់។
សម្តេចបានលើកឡើងយ៉ាងដូច្នេះថា «បង្គោលព្រំដែនពីមុនក្នុងខេត្តភាគឦសានមិនមានទេ។ បង្គោលព្រំដែនមានតែពីកំពតទៅកំពង់ចាម ហើយពីកំពង់ចាមទៅកន្ទុយនាគខេត្តរតនគិរីអត់មានទេ មានតែព្រំដែនរដ្ឋបាល។ ប៉ុន្តែយើងបានបោះបង្គោលព្រំដែនពីឆ្នាំ ២០០៧ មក។ ការបោះបង្គោលដើម្បីកំណត់ព្រំប្រទេសនិងប្រទេស»។
នៅក្នុងរយៈពេល ២៥ ឆ្នាំ នៃការបោះបង្គោលព្រំដែននៅខេត្តភាគឦសានជាប់ជាមួយប្រទេសវៀតណាម ខេត្តក្រចេះពីឆ្នាំ២០០៦ ដល់ ២០១៨ បានបោះបង្គោលមេបានចំនួន ១១ បង្គោល និងបង្គោលព្រំដែនបំពេញបន្ថែមបានចំនួន ១៤៤ បង្គោល។
ខេត្តមណ្ឌលគិរី ពីឆ្នាំ ២០០៧ ដល់ ២០១៨ បានបោះបង្គោលមេបានចំនួន ៣៥ បង្គោល និងបង្គោលបំពេញបន្ថែមបានចំនួន ៣៧៥ បង្គោល និងបង្គោលតម្រុយបានចំនួន ១១ បង្គោល និងខេត្តរតនគិរី បានបោះបង្គោលមេបានចំនួន ៤០ បង្គោល បង្គោលបំពេញបន្ថែមបានចំនួន ១៥៣ បង្គោល និងបង្គោលតម្រុយបានចំនួន ៤ បង្គោល។
សម្តេចថា បង្គោលរាប់រយដែលបានបោះមកនេះ ដើម្បីបញ្ជាក់ពីសុឆន្ទៈរបស់រាជរដ្ឋាភិបាលក្នុងការពារបូរណភាពទឹកដី ដែលដើម្បីអនាគតវែងឆ្ងាយសម្រាប់អ្នកជំនាន់ក្រោយ។
មិនត្រឹមតែបោះបង្គោលព្រំដែននោះទេ បើតាមនាយករដ្ឋមន្រ្តីកម្ពុជា រាជរដ្ឋាភិបាលក៏មានគោលនយោបាយអភិវឌ្ឍន៍នៅតាមតំបន់ព្រំដែន ដើម្បីលើកទឹកចិត្តនិងជំរុញឲ្យពលរដ្ឋឲ្យទៅរស់នៅកាន់តែច្រើន។
ឆ្លើយតបទៅសំនួររបស់កម្ពុជាក្នុងសន្និសីទពីវឌ្ឍនភាព ៥ ឆ្នាំរបស់ក្រសួងការពារជាតិនៅទីស្តីការគណៈរដ្ឋមន្រ្តីកន្លងទៅលោក ឈុំ សុជាតិ អ្នកនាំពាក្យក្រសួងការពារជាតិបានបញ្ជាក់ថា «ឥលូវនេះយើងអាចធ្វើដំណើរមួយជុំស្រុកខ្មែរបាន។ បើយើងចេញដំណើរពីខេត្តកោះកុង អាចដើរមួយជុំប្រទេសតាមផ្លូវក្រវាត់ព្រំដែន គ្រាន់តែកន្លែងខ្លះផ្លូវរងការខូចខាតដោយអន្លើដែលត្រូវធ្វើការជួសជុល តែនិយាយរួមគឺ ៩០% យើងអាចធ្វើដំណើរបាន»។
លោកបន្តថា ក្រៅពីការបំពេញការងារស្នូលលើកិច្ចការពារសន្តិសុខជាតិ កងយុទ្ធពលខេមរភូមិន្ទបានរួមចំណែកកសាងហេដ្ឋារចនាសម្ព័ន្ធ ក្នុងនោះបានស្ថាបនាផ្លូវយុទ្ធសាស្ត្រតាមបន្ទាប់ព្រំដែនជាមួយប្រទេសជិតខាងបានរាប់រយគីឡូម៉ែត្រ។
កាលពីឆ្នាំ ២០០៩ រដ្ឋាភិបាលបានបញ្ចេញថវិកាជាតិក្នុងការស្ថាបនាផ្លូវយុទ្ធសាស្ត្រតាមបណ្តោយព្រំដែនកម្ពុជា-ថៃ ចាប់ពីខេត្តបន្ទាយមានជ័យរហូតដល់ខេត្តស្ទឹងត្រែងមានប្រវែងសរុប ១.២៨៧ គីឡូម៉ែត្រ ដែលបានដាក់សម្ពោធនៅឆ្នាំ ២០១២។
បើតាមលោក ឈុំ សុជាតិ ការស្ថាបនាផ្លូវតាមក្រវាត់ព្រំដែន ជាយុទ្ធសាស្រ្តក្រៅពីជួយសម្រួលកងកម្លាំងដែលឈរជើងការពារបូរណភាពទឹកដី និងចូលរួមលើកស្ទួយជីវភាពពលរដ្ឋរស់នៅតាមបន្ទាត់ព្រំដែន៕
អភិបាលខណ្ឌច្បារអំពៅ ដាក់គ្រឿងចក្រកាយប្រឡាយបង្ហូទឹករំដោះបាន ៤ភូមិ បន្ទាប់ពីភ្លៀងធ្លាក់ខ្លាំងនាប៉ុន្មានថ្ងៃនេះ
Bentley បង្ហាញរថយន្តស្ព័រ Continental GT Speed ដំបូងនៅកម្ពុជា ផ្លាស់ប្ដូរអ្វីដែលអ្នកធ្លាប់ដឹងពីប្រភេទរថយន្ត GT
គិតត្រឹមឆមាសទី១ ឆ្នាំនេះ រដ្ឋាភិបាលផ្តល់ប័ណ្ណសមធម៌ដល់អ្នកជំងឺអេដស៍ជិត ៤ម៉ឺននាក់
Metfone និង EBC សហការគ្នាដើម្បីពន្លឿនការផ្លាស់ប្តូរឌីជីថលក្នុងវិស័យអប់រំ
ម៉ាឡេស៊ីឆ្លាតខ្លាំង យករូប Fan Bingbing អង្គុយញ៉ាំទុរេន កេនទេសចរ ចិន បុកទៅលេងព្រមគ្នា
សាលាដំបូងរាជធានី បំភ្លឺជុំវិញការចាប់ខ្លួនលោក សាន អឿន
ប្រជាពលរដ្ឋស្រែកថា ផ្លូវលំបាក តែមន្ទីរអភិវឌ្ឍន៍ជនបទតបវិញថា កំពុងតែសិក្សា
ក្រុមហ៊ុនផលិតរថយន្តមួយ ចាប់អារម្មណ៍វិនិយោគនៅកម្ពុជា ដើម្បីផ្គត់ផ្គង់ទីផ្សារក្នុងស្រុក តំបន់ និងអន្តរជាតិ
ការសម្រេចចិត្តខុស បានធ្វើឲ្យមហាសេដ្ឋី ចិន ម្នាក់ ធ្លាក់ខ្លួនដេកតាមផ្លូវ ដើររើសអេតចាយចិញ្ចឹមជីវិត
ជប៉ុន ព្រមានថា មហាគ្រោះរញ្ជួយដីនាពេលអនាគត អាចសម្លាប់មនុស្សដល់ទៅជាង ២៣ម៉ឺននាក់ ឯណោះ
-
ព័ត៌មានជាតិ៣ ថ្ងៃ agoក្លាយជាមេបញ្ជាការរងអាវុធហត្ថរាជធានី២០ថ្ងៃ កូនប្រុសលោក រ័ត្ន ស្រ៊ាង ត្រូវទៅកាន់តួនាទីថ្មីជាមេបញ្ជាការអាវុធហត្ថខេត្តសៀមរាបវិញម្ដង
-
សេដ្ឋកិច្ច១ សប្តាហ៍ agoខេត្ត៤ របស់កម្ពុជានៅក្នុងតំបន់អភិវឌ្ឍត្រីកោណ CLV មានគម្រោងវិនិយោគ ១០៥ សរុបទឹកប្រាក់ ៣,៧ ពាន់លានដុល្លារ
-
ព័ត៌មានជាតិ២ ថ្ងៃ agoអាកាសធាតុអំណោយផល ចំណោតដែលរអិលផុងខ្លាំងផ្លូវជាតិលេខ ៤៨ ត្រូវកែសម្រួលល្អឡើងវិញ
-
ជីវិតកម្សាន្ដ១ សប្តាហ៍ agoថៃ អតិជាតិបុត្រ ចេញមុខទទួលរឿងជំពាក់លុយគេ និងសន្យាសងម្ចាស់បំណុល
-
វប្បធម៌ ជំនឿ៥ ថ្ងៃ agoកៀកថ្ងៃសែនក្បាលទឹក ឆ្នាំទាំង ៣នេះ កាន់តែមានលាភសំណាងច្រើន ទាក់ទងលុយកាក់
-
ចរាចរណ៍៦ ថ្ងៃ agoគ្រោះថ្នាក់ចរាចរណ៍ នៅស្រុកសំរោង បណ្តាលឱ្យប្តី ប្រពន្ធ និងកូនតូចៗ២នាក់ ស្លាប់គួរឱ្យរន្ធត់
-
សន្តិសុខសង្គម២១ ម៉ោង agoសាលាដំបូងរាជធានី បំភ្លឺជុំវិញការចាប់ខ្លួនលោក សាន អឿន
-
សន្តិសុខសង្គម៤ ថ្ងៃ agoស្ពានបាឡេឆ្លងកាត់រវាងឃុំអារក្សត្នោត ទៅឃុំទួលសំបួរ នៃស្រុកស្ទឹងត្រង់ ត្រូវបានទឹកជំនន់ទឹកភ្លៀងហូរច្រោះបាក់ស្រុតហើយ