ព័ត៌មានជាតិ

ក្មេងស្រីអាយុ១៤ឆ្នាំកំពុងដេកលក់ស្មានតែយល់សប្តិ ធាក់១ជើងរត់ប្រាប់ម្តាយ

បានផុស

៥ years មុន

នៅ

ថ្ងៃព្រហស្បតិ៍ ៤ មីនា ២០២១

ដោយ

បុរសម្នាក់ត្រូវបានសមត្ថកិច្ចចុះឃាត់ខ្លួនភ្លាមៗក្រោយពីម្តាយក្មេងស្រីរងគ្រោះប្តឹងដោយចោទប្រកាន់ពីបទប្រទូស្តកេរខ្មាសកូនស្រីរបស់ខ្លួន។

សមត្ថកិច្ចបានឲ្យដឹងថាករណីខាងលើនេះបានកើតឡើងកាលពីថ្ងៃទី៣ ខែមីនាឆ្នាំ២០២១នៅវេលាម៉ោង៤:៣០នាទីទៀបភ្លឺនៅចំណុចភូមិចំបក់ ឃុំហប់ ស្រុកគាស់ក្រឡខេត្តបាត់ដំបង។ ប្រព្រឹត្តដោយជនសង្ស័យឈ្មោះ និង សាវ័ន ភេទប្រុស អាយុ៤៨ឆ្នាំ។ ចំណែកជនរងគ្រោះឈ្មោះជា.ធីតា ភេទស្រីអាយុ១៤ឆ្នាំ អ្នកទាំងពីររស់នៅភូមិឃុំកើតហេតុជាមួយគ្នាខាងលើ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើយោងតាមសម្តីម្តាយក្មេងស្រីរងគ្រោះបានឲ្យដឹងថា មុនកើតហេតុកូនស្រីរបស់ខ្លួននៅកំពុងដេកលក់លើផ្ទះខណៈដែលនៅវេលាកើតហេតុ ខ្លួនបានភ្ញាក់មុនកូនដូចសព្វដងដើម្បីធ្វើការងាររបរចិញ្ចឹមជីវិតប្រចាំថ្ងៃ ហើយពេលខ្លួនចុះពីលើផ្ទះមិនបានបិទទ្វានោះទេ ស្រាប់តែមួយសន្ទុះក្រោយមកឃើញកូនស្រីរបស់ខ្លួនរត់មកប្រាប់រឿងរ៉ាវដែលបានកើតឡើងស្របពេលជនសង្ស័យនៅលើផ្ទះនៅឡើយផង។ ហើយភ្លាមៗនោះខ្លួនក៏បានទៅប្តឹងសមត្ថកិច្ចមកនាំខ្លួនជនសង្ស័យដែលកំពុងនៅលើផ្ទះខ្លួនតែម្តង។

ចំណែកក្មេងស្រីរងគ្រោះក៏បានរៀបរាប់ប្រាប់សមត្ថកិច្ចដែរថា ខ្លួនកំពុងដេកលង់លក់ក៏ស្រាប់តែមានជនសង្ស័យខាងលើឡើងលើផ្ទះហើយធ្វើសកម្មភាពអោបថើបខ្លួន ហើយពេលនោះខ្លួនស្មានថាយល់សប្ដិបែបនេះពេលដឹងខ្លួនហើយបើកភ្នែកឡើងក៏ឃើញជនសង្ស័យកំពុងអោបថើប ពេលនោះខ្លួនភ័យពេកក៏បានធាក់ជនសង្ស័យ១ជើងហើយស្ទុះចុះរត់ទៅប្រាប់ម្តាយខ្លួនតែម្តង។