ព័ត៌មានជាតិ
ឆ្នាំ២០០៦ ជប៉ុន ផ្តល់ថវិកា ២០ លានដុល្លារ ជួយអភិវឌ្ឍន៍តំបន់ត្រីកោណ កម្ពុជា-ឡាវ-វៀតណាម
មេដឹកនាំកម្ពុជាសម្តេចធិបតី ហ៊ុន ម៉ាណែត បានរំលឹកថា នៅឆ្នាំ ២០០៦ រាជរដ្ឋាភិបាលជប៉ុន បានផ្តល់ថវិកាចំនួន ២០ លានដុល្លារ សម្រាប់ជួយក្នុងកិច្ចសហប្រតិបត្តិការអភិវឌ្ឍន៍តំបន់ត្រីកោណ កម្ពុជា-ឡាវ-វៀតណាម។
នាយករដ្ឋមន្ត្រីបានគូសបញ្ជាក់ថា ជប៉ុនបានយល់ពីតម្លៃនៃកិច្ចសហការប្រតិបត្តិការតំបន់អភិវឌ្ឍត្រីកោណ កម្ពុជា-ឡាវ-វៀតណាម (CLV EDA) ហើយជប៉ុនក៏ជាអ្នកគាំទ្រតាំងពីដើមទីមក។
សម្តេចបានលើកករណីមានជនជាតិខ្មែរម្នាក់ ដែលព្រួយបាត់បង់អធិបតេយ្យភាពបានសួរទៅជប៉ុន ដោយខាងជប៉ុនបានពន្យល់ឆ្លើយតបថា «អាហ្នឹងមិនបានធ្វើឲ្យបាត់បង់អធិបតេយ្យភាពកម្ពុជានោះទេ ដោយសារជប៉ុនជាអ្នកជួយកសាងអភិវឌ្ឍផែនការមេហ្នឹង»។
ពាក់ព័ន្ធការយកទឹកដីជប៉ុនធ្វើបាតុកម្មផ្ដួលរំលំរាជរដ្ឋាភិបាលស្របច្បាប់ សម្ដេចប្រមុខរដ្ឋាភិបាលក៏ឲ្យក្រសួងការបរទេសឱ្យសួររដ្ឋាភិបាលជប៉ុនតើយល់យ៉ាងណា?
សម្តេចថា មានបុគ្គលម្នាក់ទៅពីរនាក់ នៅកូរ៉េនិងជប៉ុនបានព្យាយាមបំផុសបំផុលឲ្យធ្វើបាតុកម្មក្នុងស្រុក។ សម្តេចបានលើកពីបុគ្គលដែលជាអ្នកបំផុលបំផុសនៅជប៉ុនម្នាក់ ដែលទើបតែធានាគ្រួសារចេញទៅរស់នៅផងដែរ។
«ឥលូវភស្តុតាងមានហើយ តើជប៉ុនគាំទ្រដែរទេដែលយកទឹកដីជប៉ុនផ្ដួលរំលំរដ្ឋាភិបាលស្របច្បាប់។ ពីព្រោះមានសារបញ្ជាក់ច្បាស់លាស់ហើយ យើងត្រូវតែប្តូររដ្ឋាភិបាល។ ខ្ញុំឃើញគេបង្ហោះបែបហ្នឹង»។
នៅក្នុងពិធីជួបសំណេះសំណាលជាមួយអាចារ្យ អាចារិនីទូទាំងប្រទេសលើកទី ៩ ចំនួន ១ ០០០ នាក់ នៅព្រឹកមិញនេះ នាយករដ្ឋមន្ត្រីកម្ពុជាក៏បានបញ្ជាក់បន្ថែមជុំវិញកិច្ចសហប្រតិបត្តិការអភិវឌ្ឍន៍តំបន់ត្រីកោណ កម្ពុជា-ឡាវ-វៀតណាមថា មានទស្សនៈ ៣ ក្រុមផ្សេងគ្នា គឺទីមួយក្រុមអ្នកកង្វល់ចង់ឲ្យដកខ្លួនចេញពីកិច្ចសហប្រតិបត្តិការនេះ។ ទីពីរគឺក្រុមដែលយល់ពីតម្លៃនិងចង់ឲ្យមានការអភិវឌ្ឍបន្ត និងក្រុមទី ៣ គឺក្រុមដែលស្ងាត់ស្ងៀម។
សម្រាប់សម្ដេចធិបតី ក្រុមទី៣ មានចំនួនច្រើនលើសលុបជាងគេ។ ក្រុមទី ៣ ដែលមានចំនួនច្រើនលើសលុបមិនចង់ឃើញប្រទេសជាតិមានការបែកបាក់ បាត់បង់ស្ថិរភាព តែក៏ចង់បានការធានាថាប្រទេសជាតិនឹងបន្តរីកចម្រើន និងទឹកដីមិនបាត់បង់។
សម្ដេចធិបតី ហ៊ុន ម៉ាណែត បានបញ្ជាក់យ៉ាងដូច្នេះថា បើសង្ស័យថាអនាគតទឹកដីអាចបាត់បង់ អាចបោះឆ្នោតទម្លាក់បាន ៥ ឆ្នាំ ម្ដង តាមរយៈសន្លឹកឆ្នោតដែលកំណត់ដោយរដ្ឋធម្មនុញ្ញ។
«បើសិនរដ្ឋាភិបាលអាណត្តិនេះ ធ្វើឲ្យបាត់បង់ទឹកដី ធនធានធម្មជាតិក្នុងខេត្តទាំង ៤ ខ្ទេចអស់ដោយគ្មានហេតុផលច្បាស់លាស់ គឺឆ្នាំ ២០២៨ សិទ្ធិពលរដ្ឋអាចបោះឆ្នោតទម្លាក់តែម្តង កុំឲ្យពិបាក»។
សម្ដេចទទួលស្គាល់ថា ការអនុវត្តកិច្ចការទាំងអស់នេះត្រូវការពេលវេលា។ ប៉ុន្តែអ្វីជាបំណងចំពោះមុខគឺពលរដ្ឋទាំងអ្នកគាំទ្រនិងមិនគាំទ្រមិនចង់ឃើញប្រទេសជាតិមានការបែកបាក់ បង្កើតការមិនទុកចិត្តគ្នា ឈានទៅដុតប្រទេស នាំឲ្យពិបាករកស៊ី ប៉ះពាល់ដល់ជីវភាពរស់នៅប្រចាំថ្ងៃ។
«បងប្អូនគិតទៅមើល បើខ្មែរបែកបាក់ នឹងធ្វើឲ្យខ្មែរកាន់តែខ្សោយ លែងពឹងផ្អែកលើកម្លាំងខ្លួនឯងបាន ដោយសារការបែកចែកកម្លាំងត្រួតត្រាផ្សេងគ្នា»។ សម្តេចបញ្ជាក់។
ប្រមុខដឹកនាំកម្ពុជា ក៏ប្តេជ្ញានឹងរក្សាការពារទឹកដីអធិបតេយ្យក្នុងខេត្តទាំង ៤ នៅភាគឦសាន និងបន្តជំរុញអភិវឌ្ឍន៍ឱ្យកាន់តែរីកចម្រើនសម្រាប់កូនខ្មែរជំនាន់ក្រោយ៕
តារាខ្មែរណាខ្លះ ដែលស្ថិតនៅប្រទេសថៃពេលកំពុងជួបគ្រោះរញ្ជួយដី?
ប្រទះឃើញសពអណ្តែតទឹក ទើរនៅគល់ស្ពានទន្លេមេគង្គក្រចេះ
ករណីនៅផ្លូវល្បឿនលឿន សមត្ថកិច្ច ថា ផ្ដើមពីករណីឆក់ តែជនសង្ស័យម្នាក់ដើម្បីគេចខ្លួន ក៏ភ្ជង់យកឡានពលរដ្ឋទៅ
កម្ពុជាមិនទាន់មានចម្លើយពីការចូល BRICS ទេ
ឌីជេ ក្តិប បំផុសអ្នកសិល្បៈជួយសង្រ្កាន្តតាមវិទ្យាល័យដោយពុំគិតប្រាក់កម្រៃ
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ
របាយការណ៍ចុងក្រោយបំផុតអំពីការបំផ្លិចបំផ្លាញ និងរងគ្រោះ ព្រោះការរញ្ជួយដីនៅអាស៊ីអាគ្នេយ៍
សពអ្នកឧកញ៉ា ហ៊ុន សាន នឹងត្រូវដង្ហែទៅបញ្ចុះនៅវត្តច័ន្ទបុរីវង្ស ព្រឹកថ្ងៃទី២ ខែមេសា
តើគ្រោះរញ្ជួយដីកើតនៅមីយ៉ាន់ម៉ាប៉ះពាល់និងជះឥទ្ធិពលដល់ណាខ្លះ?
-
ព័ត៌មានអន្ដរជាតិ១ ថ្ងៃ agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម២ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ១ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៥ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម២៣ ម៉ោង agoការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម៤ ម៉ោង agoជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ