ព័ត៌មានជាតិ
គ្រប់ស្ត្រីសម្រាលកូននៅមន្ទីរពេទ្យខេត្តកោះកុង សុទ្ធតែទទួលបានចំណេះដឹងពីការបំបៅកូនដោយទឹកដោះសុទ្ធ
ប្រធានមន្ទីរពេទ្យបង្អែកខេត្តកោះកុង លើកឡើងថា គ្រប់ស្ត្រីដែលមកសម្រាលកូននៅក្នុងមន្ទីរពេទ្យ សុទ្ធតែទទួលបានការអប់រំណែនាំអំពីអត្ថប្រយោជន៍បំបៅកូនដោយទឹកដោះរបស់ម្ដាយ ដើម្បីធ្វើឱ្យស្ត្រី និងទារកមានសុខភាពល្អ។
អំឡុងពេលស្ត្រីមកសម្រាកសម្រាលកូន ក្រុមគ្រូពេទ្យជំនាញនៅមន្ទីរពេទ្យបង្អែកខេត្ត បានផ្តោតការយកចិត្តទុកដាក់ខ្ពស់លើការបណ្ដុះបណ្ដាលអប់រំពីរបៀបថែទាំសុខភាពម្តាយ និងទារក ពិសេសការចូលរួមបំបៅទឹកដោះរបស់ម្តាយទៅកាន់ទារកតែម្ដង។
លោកវេជ្ជបណ្ឌិត ហៃ ឡៃសុន ប្រធានមន្ទីរពេទ្យបង្អែកខេត្តកោះកុង អះអាងរសៀលថ្ងៃទី ២១ ខែសីហា ឆ្នាំ ២០២៤ ថា ពី ១ ឆ្នាំ ទៅ ១ ឆ្នាំ អត្រាស្ត្រីមកពិនិត្យសម្រាលកូនបានកើនឡើងគួរឱ្យកត់សម្គាល់ ដែលនេះ ដោយសារតែពួកគាត់មានទំនុកចិត្តខ្ពស់លើក្រុមគ្រូពេទ្យ និងថ្នាក់ដឹកនាំមន្ទីរពេទ្យផ្ទាល់។ ឆ្លើយតបតាមចក្ខុវិស័យរបស់ក្រសួងសុខាភិបាល មន្ទីរពេទ្យរបស់លោកមានបេសកកម្មចង់ប្រែក្លាយជាមន្ទីរពេទ្យស្រឡាញ់ទារក ដោយជំរុញឱ្យស្ត្រីជាម្តាយបំបៅទឹកដោះរបស់ម្តាយផ្ទាល់ ក្រោមកិច្ចសហការពីអង្គការដៃគូនានា។
បើតាមលោកវេជ្ជបណ្ឌិត ហៃ ឡៃសុន បច្ចុប្បន្ន ក្រុមគ្រូពេទ្យផ្នែកស្ត្រី និងទារក បានផ្សព្វផ្សាយអប់រំជាប្រចាំពីការបំបៅទឹកដោះម្តាយ និងយល់ដឹងពីវិធីធ្វើឱ្យទឹកបំបៅមានគ្រប់គ្រាន់សម្រាប់ទារកបៅ គ្រាបញ្ហាមានសារៈសំខាន់ខ្លាំងណាស់។ ករណីអាការសុខភាពទារកទើបកើតមិនស្រួលព្រោះតែបៅទឹកដោះម្តាយ គ្រូពេទ្យមានជំនាញច្បាស់លាស់ និងគ្រឿងសម្ភារៈវេជ្ជបណ្ឌិតគ្រប់គ្រង ពិនិត្យព្យាបាលយ៉ាងល្អប្រសើរ។
អ្វីដែលសំខាន់នោះ មន្ទីរពេទ្យបង្អែកខេត្តកោះកុង រាល់គ្រប់ស្ត្រីដែលមកសម្រាលកូនមានជីវភាពក្រីក្រ នឹងទទួលបានសេវាពិនិត្យព្យាបាលឥតគិតថ្លៃឡើយ ស្របពេលមានបណ្ណសមធម៌ និងបណ្ណប.ស.ស តាមលក្ខខណ្ឌនានា កំណត់ដោយរាជរដ្ឋាភិបាល ក៏ដូចជាក្រសួងសុខាភិបាល។
ក្នុងថ្ងៃទិវាសប្ដាហ៍ពិភពលោក នៃការបំបៅកូនដោយទឹកដោះម្តាយ សម្រាប់ទាំងអស់គ្នា លោកស្រី ជិន សេដ្ឋា ប្រធានគម្រោងជាន់ខ្ពស់អង្គការ Alive&thrive បានឱ្យដឹងថា ការបំបៅទារកដោយទឹកដោះម្តាយ ពិតជាបានផ្តល់សារប្រយោជន៍ច្រើនដោយមិនចាំបាច់ចំណាយថវិកា ពេលវេលាច្រើន ទៅលើម្សៅទឹកដោះគោដែលប៉ះពាល់សុខភាពទារក។ ជាពិសេស ទឹកដោះម្តាយមានសារធាតុចិញ្ចឹមជាច្រើន អាចការពារសុខភាពទារកបានល្អប្រសើរ និងទប់ស្កាត់ការកង្វះអាហារូបត្ថម្ភលើកុមារ។
លោកស្រី ជិន សេដ្ឋា បន្ថែមថា នៅពេលដែលស្ត្រីជាម្តាយមានជំងឺប្រចាំកាយ ឬពុំមានទឹកដោះគ្រប់គ្រាន់សម្រាប់ទារកបៅ គឺដំណោះស្រាយខ្លះដែលផ្តល់ដោយគ្រូពេទ្យតាមលទ្ធភាពជាក់ស្ដែងថា ត្រូវប្រើម្សៅទឹកដោះគោ ឬយ៉ាងណា។ ប៉ុន្តែអនុវត្តតាមគោលការណ៍ណែនាំពីរបៀបចិញ្ចឹម មិនអនុញ្ញាតឱ្យចេញវេជ្ជបញ្ជាទៅទិញពីទីផ្សារមកប្រើប្រាស់នោះទេ ជំនួសមកវិញពីការរៀបចំព្យាបាលវិញ។
គួរជម្រាបថា ការបំបៅទឹកដោះសុទ្ធដោយម្តាយ គឺចាប់ពីអាយុ ០ ខែ ដល់ ៦ ខែ ប៉ុន្តែការបំបៅតែទឹកមួយមុខគត់ក៏មិនល្អដែរ ដោយត្រូវថែមបញ្ចូលនូវអាហារគ្រប់គ្រឿងទៀត។ ការបំបៅកូនដោយទឹកដោះម្តាយតែ ១ មុខគត់ រយៈពេល ៦ ខែដំបូង បន្ទាប់ពីសម្រាល មានអត្ថប្រយោជន៍ និងការណែនាំដោយយូនីសេហ្វ និងអង្គការសុខភាពពិភពលោកក្តី ក៏អត្រា នៃការអនុវត្តបានថយចុះក្នុងរយៈពេល ១ ទសវត្សរ៍ចុងក្រោយនេះ។
ការស្ទង់មតិប្រជាសាស្ត្រ និងសុខភាពកម្ពុជា បង្ហាញថា អត្រា នៃការបំបៅកូនដោយទឹកដោះតែ ១ មុខ បានធ្លាក់ចុះពី ៧៤% ក្នុងឆ្នាំ ២០១០ មកនៅ ៦៥% ក្នុងឆ្នាំ ២០១៤ និងបន្តធ្លាក់មកនៅត្រឹម ៥០% នៅឆ្នាំ ២០២១-២០២២៕
អត្ថបទ ៖ សិរីវឌ្ឍនៈ
-
សន្តិសុខសង្គម៦ ថ្ងៃ agoទុរេនរាប់តោននៅផ្សារភូពុយ អនុញ្ញាតឱ្យបន្តលក់ ក្រោយមន្ត្រីជំនាញប្រមូលសំណាក និងសាកសួរប្រភពនាំចូល
-
សេដ្ឋកិច្ច៤ ថ្ងៃ agoរដ្ឋាភិបាលហាមឃាត់ក្រុមហ៊ុនផលិតស្រា និងភេសជ្ជៈផ្ដល់រង្វាន់តាមក្រវិលកំប៉ុង ចាប់ពីដើមខែតុលា ឆ្នាំនេះ
-
ព័ត៌មានជាតិ៣ ថ្ងៃ agoក្រសួងវប្បធម៌ ព្រមានចាត់វិធានការច្បាប់លើជនដែលនៅតែបន្តកែច្នៃ ប្រើគ្រឿងលម្អយកគំរូគ្រឿងឥស្សរិយយស«ព្រះរាជមហាកណ្ឋាភណ្ឌគ្រងរាជសម្បត្តិ»
-
ព័ត៌មានជាតិ៥ ថ្ងៃ agoអ្នកជំនាញ ទាញសញ្ញាបន្ទាត់ក្រហម វិបត្តិនយោបាយផ្ទៃក្នុងថៃអាចផ្ទេរមកជម្លោះព្រំដែនសារជាថ្មី
-
ព័ត៌មានជាតិ៦ ម៉ោង agoក្រសួងសុខាភិបាល ត្រៀមបង្ការ និង ទប់ស្កាត់ការនាំចូលជំងឺឆ្លង ហាន់តា នៅអាកាសយានដ្ឋានអន្តរជាតិតេជោ
-
ព័ត៌មានជាតិ៣ ថ្ងៃ agoថៃលុបMoU 2001៖ សម្ដេចតេជោប្រាប់ថៃថា កុំបបួលកម្ពុជាចរចាទ្វេភាគីទៀត ត្រូវដឹកដៃគ្នាទៅរកយន្តការអន្តរជាតិ
-
ព័ត៌មានជាតិ៧ ម៉ោង agoប្រព័ន្ធហ្វឹកហ្វឺនអាវុធជាអំណោយរបស់ឥណ្ឌា នឹងរួមចំណែកលើកកម្ពស់សមត្ថភាពកងទ័ពជើងគោកកម្ពុជា
-
កីឡា៣ ថ្ងៃ agoអ្នកគាំទ្រប្រមាណ ៧ ពាន់នាក់ទស្សនាការប្រកួតមិត្តភាព រវាងក្រុមតារាកម្ពុជា និងសសយក ខេត្តបន្ទាយមានជ័យ