ព័ត៌មានជាតិ

បន្ទាន់ !! រដ្ឋបាលខេត្តសៀមរាប ទទូចបងប្អូនដែលមានជាប់ពាក់ព័ន្ធនឹងស្ត្រីផ្ទុកកូវីដ-១៩ យកសំណាកទៅធ្វើតេស្តជាបន្ទាន់

បានផុស

៥ years មុន

នៅ

ថ្ងៃអង្គារ ៩ មីនា ២០២១

ដោយ

ស្ត្រីមួយរូបមានឈ្មោះ ហ៊ន់ ស៊ីនឿត អាយុ៣២ឆ្នាំ បានធ្វើតេស្តមានវិជ្ជមានកូវីដ១៩ លើកទី១ នៅថ្ងៃទី៩ ខែមីនា ឆ្នាំ២០២១នេះ ដែលមានទីលំនៅភូមិព្រៃវែង ឃុំសំរោងយា ស្រុកពួក ខេត្តសៀមរាប ហើយបច្ចុប្បន្នកំពុងសម្រាកព្យាបាលនៅអគារជំងឺឆ្លង នៃមន្ទីរពេទ្យបង្អែកខេត្តសៀមរាប។

សាមីខ្លួនបានបំភ្លឺថា ខ្លួនបានបម្រើការងារនៅសណ្ឋាគារ ជិន យិនថៃ ខេត្តព្រះសីហនុ ហើយបានធ្វើដំណើរចេញពីខេត្តព្រះសីហនុ មកភ្នំពេញ ហើយបានបន្តដំណើរជិះរថយន្តក្រុងបន្តដំណើរទៅខេត្តសៀមរាប។

បច្ចុប្បន្នរដ្ឋបាលខេត្ត និងក្រុមការងារ និងតាមដានបុគ្គលសង្ស័យមានផ្ទុកកូវីដ១៩ នៅខេត្តសៀមរាប កំណត់មុខសញ្ញាជនដែលជាប់ពាក់ព័ន្ធ និងយកសំណាកទៅធ្វើតេស្ត។

រដ្ឋបាលខេត្ត សូមទទូចបងប្អូនដែលមានជាប់ពាក់ព័ន្ធនឹងស្ត្រីខាងលើដោយផ្ទាល់ ឬប្រយោលសូមទំនាក់ទំនងមកក្រុមការងារប្រចាំការដែលមានទីតាំងស្ថិតនៅសាលាបឋមសិក្សា ដូនស្វា ឃុំសំរោងយា ស្រុកពួក ឬ តាមមណ្ឌលចត្តាឡីស័កសាលាគរុកោសល្យខេត្តសៀមរាប ឬ ទំនាក់ទំនងមក១១៥។

កែសម្រួលដោយ ៖ នាគព័ន្ធ

ព័ត៌មានលម្អិត សូមអានខ្លឹមសារទាំងស្រុងដូចខាងក្រោម ៖