ព័ត៌មានជាតិ
ប្រធានមន្ទីរសុខាភិបាល ៖ ខេត្តកែប ខិតខំទប់ស្កាត់អូមីក្រុង មិនឲ្យឆ្លងចូលសហគមន៍
មន្ត្រីជំនាញសុខាភិបាលខេត្តកែប បានអះអាងថា នៅក្នុងខេត្តកែប ស្ថានភាពជំងឺកូវីដ-១៩ មានការថមថយចុះមួយរយៈ ។ ក៏ប៉ុន្តែពេលនេះ មានអង្គភាពមួយចំនួនក្នុងខេត្តកែប រងនូវការចម្លងវីរុសអូមីក្រុងមកពីខាងក្រៅ តែមិនធ្ងន់ធ្ងរនោះទេ។ ជាមួយគ្នានេះ មន្ត្រីជំនាញនឹងខិតខំធ្វើយ៉ាងណា ទប់ស្កាត់មិនឲ្យមានការរីករាលដាល មេរោគបំប្លែងខ្លួនថ្មីអូមីក្រុង នៅក្នុងសហគមន៍ណាមួយឡើយ។
លោក ម៉ែន សុធីរ ប្រធានមន្ទីរសុខាភិបាលខេត្តកែប មានប្រសាសន៍ប្រាប់ភ្នាក់ងារកម្ពុជាថ្មី កាលពីថ្ងៃទី ១៦ ខែកុម្ភៈថា អំឡុងពេលថ្មីៗនេះ មានករណីឆ្លងជំងឺកូវីដ-១៩ ប្រភេទអូមីក្រុងមកពីខាងក្រៅ តាមរយៈអង្គភាព នៃស្ថាប័នមួយចំនួនក្នុងខេត្តកែប។ ប៉ុន្តែមន្ត្រីសុខាភិបាល បានគ្រប់គ្រងយ៉ាងល្អដោយអនុញ្ញាតឲ្យគាត់ព្យាបាល តាមវិធីអប់រំ ថែទាំសុខភាព តាមគោលការណ៍បច្ចេកទេស របស់មន្ទីរសុខាភិបាល ដោយអ្នកជំងឺគ្មានបញ្ហាអ្វី គួរឲ្យកត់សម្គាល់ឡើយ។
ប្រធានមន្ទីរសុខាភិបាលខេត្តកែប លោក ម៉ែន សុធីរ បានឲ្យដឹងបន្តថា ក្នុងរយៈពេលនេះ ផ្នែកសុខាភិបាល ទប់ស្កាត់មិនឲ្យមានការរីករាលដាល នៅក្នុងសហគមន៍ណាមួយឡើយ គឺត្រូវគ្រប់គ្រងឲ្យបានល្អ ថែមទាំងបានបន្តអប់រំ ផ្សព្វ ផ្សាយណែនាំថែមទៀត អំពីគោលការណ៍សុខាភិបាល និងទៅដល់ក្រុមគោលដៅនៅតាមទីប្រជុំជន និយាយរួម គឺផ្សព្វផ្សាយដល់អាជីវកម្មទេសចរណ៍ទាំងអស់ រាប់ទាំងសណ្ឋាគារ ផ្ទះសំណាក់ ភោជនីយដ្ឋាន អាហារដ្ឋាន។ល។
លោកថា ក្នុងដំណាក់កាលនេះដែរ មន្ត្រីជំនាញក៏មានការណែនាំបន្ថែមទៀត នូវការជំរុញចាក់វ៉ាក់សាំង នៅគ្រប់មណ្ឌលសុខភាព មន្ទីរពេទ្យបង្អែក ពិសេសការចុះចាក់វ៉ាក់សាំងជាបន្តបន្ទាប់ នៅគ្រប់មូលដ្ឋាន នៃខេត្តកែបទាំងមូល។ បើគិតត្រឹមថ្ងៃទី ១៥ ខែកុម្ភៈ ឆ្នាំ ២០២២ ការចាក់វ៉ាក់សាំងដូសទី ១ ជូនប្រជាពលរដ្ឋបានចំនួន ៧នាក់ ចាក់វ៉ាក់សាំងដូសទី ២ បានចំនួន ៥នាក់ ចាក់វ៉ាក់សាំងដូសទី ៣ បានចំនួន ១៩១នាក់ និងចាក់វ៉ាក់សាំង ដូសទី ៤ បានចំនួន ៣១នាក់។
សូមជម្រាបថា បច្ចុប្បន្ននេះខេត្តកែប ក្រោមការដឹកនាំរបស់លោក សោម ពិសិដ្ឋ អភិបាលខេត្តកែប ពិតជាប្រែមុខមាត់ថ្មី ហើយក្នុងសម័យកាលជំងឺកូវីដ-១៩ លោកអភិបាលខេត្ត តែងតែចុះជាប់ជាមួយ ប្រជាពលរដ្ឋ ជាពិសេសគិតគូរពីទុក្ខលំបាក របស់ប្រជាពលរដ្ឋនៅគ្រប់មូលដ្ឋាន និងការជួយទំនុកបំរុងដល់ចាស់ជរា ជនពិការ ដោយគ្មានរើសអើង គ្មានប្រកាន់ពូជសាសន៍ ពណ៌សម្បុរនោះឡើយ៕
អត្ថបទ៖ សេង ណារិទ្ធ
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៧ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៧ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង
-
ព័ត៌មានអន្ដរជាតិ១ សប្តាហ៍ ago
ថ្ងៃពិសេសកូនប្រុសម្ដង ភរិយាសេដ្ឋី Ambani ពាក់គ្រឿងអលង្ការតម្លៃ ៦៦.៥ លានដុល្លារបង្អួតភ្នែកមហាជន