ព័ត៌មានអន្ដរជាតិ

ទីបំផុត សិង្ហបុរី មានអ្នកឆ្លង Omicron ក្នុងសហគមន៍ហើយ

បានផុស

៥ years មុន

នៅ

ថ្ងៃសៅរ៍ ១១ ធ្នូ ២០២១

ដោយ

ក្រសួងសុខាភិបាលសិង្ហបុរីប្រកាសថា ខ្លួនបានធ្វើតេស្ដវិជ្ជមានវីរុសបំប្លែងខ្លួន Omicron ជាករណីឆ្លងក្នុងសហគមន៍លើកដំបូង។

អ្នកជំងឺគឺជាស្ត្រីសិង្ហបុរីអាយុ២៤ឆ្នាំ ដែលធ្វើការជាអ្នកបម្រើសេវានៅអាកាសយានដ្ឋាន និងមិនបានធ្វើដំណើរទៅក្រៅប្រទេសនោះទេ។ ប៉ុន្តែនាងត្រូវបានគេចាត់ទុកថាជាក្រុមមានហានិភ័យ ព្រោះពួកគេត្រូវធ្វើការនិងមានទំនាក់ទំនងជាមួយអ្នកធ្វើដំណើរជាច្រើននាក់។

នាងបានទទួលការចាក់វ៉ាក់សាំងគ្រប់ដូស ហើយមិនចេញរោគសញ្ញាអ្វីឡើយ។

កាលពីថ្ងៃអង្គារកន្លងទៅថ្មីៗនេះ ប្រទេសសិង្ហបុរីក៏បានបញ្ជាក់ពីករណីឆ្លងវីរុសបំប្លែងខ្លួន Omikron ផ្សេងទៀតផងដែរ។ ករណីនោះគឺជាអ្នកធ្វើដំណើរមកពីប្រទេសអាល្លឺម៉ង់ ហើយបានចាក់វ៉ាក់សាំង៣ដូសរួចរាល់។

មុននេះ សិង្ហបុរីបានរាយការណ៍ថា មានករណីឆ្លងមេរោគ Omikron សរុប ៣ករណី ដែលសុទ្ធសឹងតែមកពីបរទេស។ ក្រសួងសុខាភិបាលសិង្ហបុរីជឿជាក់ថា នឹងបន្តរកឃើញការឆ្លងមេរោគ Omikron កាន់តែច្រើនឡើងៗ ហើយបានព្រមានសាធារណជនឲ្យមានការប្រុងប្រយ័ត្ន។

បច្ចុប្បន្ន សិង្ហបុរីមានពលរដ្ឋរបស់ខ្លួនចំនួន៩៦ភាគរយ បានទទួលថ្នាំបង្ការកូវីដ ហើយកំពុងជំរុញឲ្យគ្រប់គ្នាទៅចាក់វ៉ាក់សាំងដូសទីបី ដើម្បីទប់ទល់ជាមួយវីរុសបំប្លែងខ្លួន Omicron៕

ប្រែសម្រួល៖ Vann Vann

ប្រភព៖ Thairath

ចុចអាន៖ សិង្ហបុរី ដាក់ កម្ពុជា ក្នុងបញ្ជីចូលប្រទេស មិនចាំបាច់ធ្វើចត្តាឡីស័ក

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត