ព័ត៌មានជាតិ

ពូជត្រឡាចថ្មជនជាតិភាគតិចពូនង ក្នុងខេត្តមណ្ឌលគិរី អាចដាំបានទម្ងន់ដល់ ១៥ គីឡូក្រាម

បានផុស

២ ខែ មុន

នៅ

ថ្ងៃចន្ទ ៧ តុលា ២០២៤

ដោយ

ពូជត្រឡាចម្យ៉ាងត្រូវបានពលរដ្ឋជនជាតិដើមភាគតិចពូនងក្នុងខេត្តមណ្ឌលគិរីដាំបានទម្ងន់រហូតដល់ ១០ គីឡូក្រាម និងអាចធំលូតលាស់ដល់ទម្ងន់ ១៥ គីឡូក្រាម។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងដំណើរទស្សនកិច្ចនៅតំបន់ការពារធម្មជាតិកែវសីមាក្នុងខេត្តមណ្ឌលគិរីកាលពីពេលថ្មីៗនេះ ក្រុមអ្នកសារព័ត៌មានជាច្រើនស្ថាប័ន បានចុះទៅស្វែងយល់ពីការដាំដុះដំណាំកសិកម្មរបស់ពលរដ្ឋជនជាតិដើមភាគតិចពូនងនៅភូមិពូត្រុំ សង្កាត់រមនា ក្រុងសែនមនោរម្យ។ ក្នុងដំណើរចុះស្វែងយល់ពីជីវភាព និងការរស់នៅតាមភូមិរបស់ជនជាតិដើមភាគតិចនៅភូមិភាគឦសាន ពលរដ្ឋជនជាតិដើមភាគតិចក៏បានបង្ហាញពីពូជត្រឡាចមួយប្រភេទ ដែលមានទម្ងន់រហូតដល់ ១០ គីឡូក្រាម។

ពូជត្រឡាចនេះ បើតាមជនជាតិដើមពូនងប្រាប់ថា អាចដាំបានទម្ងន់រហូតដល់ ១៥ គីឡូក្រាម។ ជាមួយទម្ងន់និងរូបរាងធំជាងពូចត្រលាចធម្មតាជាទូទៅ ពលរដ្ឋជនជាតិដើមភាគតិចបានអះអាងថា ជាពូជត្រលាចដាំតជំនាន់ពីដូនតារបស់ជនជាតិភាគតិច ហើយមិនមានដាំនៅតំបន់ផ្សេងទៀតនោះទេ៕