ព័ត៌មានជាតិ
មន្ត្រីជាន់ខ្ពស់ ប.ស.ស ជំរុញអង្គភាពក្រោមឱវាទ កែលម្អ និងដោះស្រាយបញ្ហាប្រឈម ផ្ដល់សេវាជូនពលរដ្ឋប្រកបដោយគុណភាព
មន្ត្រីជាន់ខ្ពស់ នៃបេឡាជាតិសន្តិសុខសង្គម បានជំរុញដល់គ្រប់អង្គភាពក្រោមឱវាទទាំងអស់ ត្រូវតែរួមគ្នាកែលម្អ និងខិតខំរិះរកគ្រប់មធ្យោបាយ ដើម្បីដោះស្រាយបញ្ហាប្រឈម និងចំណុចខ្វះខាត សំដៅធានាការផ្តល់សេវាសន្តិសុខសង្គមប្រកបដោយគុណភាព រហ័ស និងប្រសិទ្ធភាពខ្ពស់។
ថ្លែងក្នុងកិច្ចប្រជុំផ្ទៃក្នុងប្រចាំខែ ដើម្បីដោះស្រាយបញ្ហាប្រឈមរបស់អង្គភាពក្រោមឱវាទបេឡាជាតិសន្តិសុខសង្គម កាលពីព្រឹកថ្ងៃទី ១៦ តុលា នេះ នៅសាលប្រជុំសន្តិភាពទីស្នាក់ការកណ្ដាល ប.ស.ស លោក ម៉េង ហុង ប្រតិភូរាជរដ្ឋាភិបាលទទួលបន្ទុកជាអគ្គនាយក ប.ស.ស នៃក្រសួងការងារ និងបណ្ដុះបណ្ដាលវិជ្ជាជីវៈ បានលើកឡើងថា កិច្ចប្រជុំផ្ទៃក្នុងរបស់បេឡាជាតិសន្តិសុខសង្គមនាពេលនេះ ដើម្បីត្រួតពិនិត្យលទ្ធផលការងារសម្រេចបាន និងទិសដៅអនុវត្តបន្ត ព្រមទាំងពិនិត្យតាមដានវឌ្ឍនភាព នៃការអនុវត្តអនុសាសន៍ណែនាំរបស់ លោករដ្ឋមន្ត្រី និងការអនុវត្តផែនការសកម្មភាពសម្រាប់ឆ្នាំ ២០២៤ ដែលមាននៅក្នុងផែនការយុទ្ធសាស្ត្រអភិវឌ្ឍន៍វិស័យការងារ សន្តិសុខសង្គម និងបណ្ដុះបណ្ដាលវិជ្ជាជីវៈ ឆ្នាំ ២០២៤-២០២៨។
នៅក្នុងកិច្ចប្រជុំផ្ទៃក្នុងនេះ លោកប្រតិភូរាជរដ្ឋាភិបាល បានជំរុញដល់គ្រប់អង្គភាពក្រោមឱវាទទាំងអស់ ត្រូវតែរួមគ្នាកែលម្អ និងខិតខំរិះរកគ្រប់មធ្យោបាយ ដើម្បីដោះស្រាយបញ្ហាប្រឈម ចំណុចខ្វះខាត ដើម្បីធ្វើយ៉ាងណាសម្រេចឱ្យបាននូវគោលដៅដែលបានកំណត់ក្នុងផែនការយុទ្ធសាស្ត្រអភិវឌ្ឍន៍វិស័យការងារ សន្តិសុខសង្គម និងបណ្ដុះបណ្ដាលវិជ្ជាជីវៈ និងអនុសាសន៍ណែនាំរបស់លោករដ្ឋមន្ត្រី សំដៅធានាការផ្តល់សេវាសន្តិសុខសង្គមប្រកបដោយគុណភាព រហ័ស និងប្រសិទ្ធភាពខ្ពស់៕
អត្ថបទ ៖ សំអឿន
-
ព័ត៌មានអន្ដរជាតិ១៥ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ៦ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
សេចក្ដីជូនដំណឹង២ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ