ព័ត៌មានជាតិ

ថ្ងៃនេះខេត្តព្រះសីហនុមិនមានអ្នកឆ្លងជំងឺកូវីដ១៩ថ្មីជាលើកដំបូង

បានផុស

៣ years មុន

នៅ

ថ្ងៃសុក្រ ១២ មីនា ២០២១

ដោយ

ក្រសួងសុខាភិបាលបានប្រកាសឲ្យដឹងថា នៅថ្ងៃនេះខេត្តព្រះសីហនុមិនមានអ្នកឆ្លងកូវីដ១៩ថ្មីជាលើកដំបូង។ ប៉ុន្តែមានអ្នកជំងឺជាសះស្បើយរហូតដល់១២នាក់។

ចំណែករាជធានីភ្នំពេញនៅតែបន្តកើនឡើងដដែលគឺរកឃើញ២៨នាក់ ខេត្តកណ្តាលមាន១៦នាក់កោះកុង៨នាក់ ព្រៃវែង៧នាក់ និងកំពង់ធំ១នាក់ ក្នុងចំណោមឆ្លងសហគមន៍ចំនួន៦០នាក់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រសួងសុខាភិបាលបានបន្តថា នៅព្រឹកនេះក្រសួងរកឃើញអ្នកឆ្លងថ្មីចំនួន៦២នាក់ទៀតក្នុងនោះករណីឆ្លងសហគមន៍ចំនួន៦០នាក់និងអ្នកដំណើរពីបរទេសចំនួន០២នាក់ព្រមទាំងមានអ្នកជាសះស្បើយចំនួន២១នាក់ផងដែរ។

ខេត្តព្រះសីហនុដែលធ្លាប់មានឆ្លងច្រើន នៅថ្ងៃនេះបែរជាមិនមានអ្នកឆ្លងថ្មីសូម្បីតែ១នាក់និងមានអ្នកជាសះស្បើយចំនួន១២នាក់ និងនៅសល់អ្នកជំងឺកំពុងសម្រាកព្យាបាលនៅមន្ទីរពេទ្យចំនួន១០៤នាក់ទៀត។

គួរបញ្ជាក់ថា គិតត្រឹមព្រឹកថ្ងៃទី១២ ខែមីនា ឆ្នាំ២០២១ កម្ពុជាមានអ្នកជំងឺកូវីដ១៩សរុបចំនួន១២២ នាក់ក្នុងនោះមានអ្នកជាសះស្បើយ៦១៩នាក់និងកំពុងសម្រាកព្យាបាលនៅតាមមន្ទីរពេទ្យចំនួន៦០៤នាក់ក្នុងនោះមានអ្នកជំងឺ១នាក់បានស្លាប់៕

អត្ថបទ ៖ សំអឿន

Related Topics:រដ្ឋបាលខេត្តព្រះសីហនុ

Up Next

ស្វាយរៀងមួយទៀត ផ្អាកពីធីមង្គលការ និងជួបជុំ

Don't Miss

កម្លាំងសឹករងខេត្តតាកែវឃាត់ខ្លួនជនជាតិចិន៥នាក់ដែលព្យាយាមឆ្លងដែនមកកម្ពុជាគេចវេសពីការធ្វើចត្តាឡីស័ក