ព័ត៌មានជាតិ
អាជ្ញាធរខេត្តមណ្ឌលគិរី ស្ថាបនាសួនច្បារដ៏ធំប្រវែង ២ ពាន់ម៉ែត្រ នៅអតីតដីព្រលានយន្តហោះ
អាជ្ញាធរខេត្តមណ្ឌលគិរី កំពុងកែលម្អហេដ្ឋារចនាសម្ព័ន្ធផ្លូវថ្នល់ខ្វាត់ខ្វែងតាមបណ្ដាក្រុងស្រុក និងកំពុងតែស្ថាបនាសួនច្បារដ៏ធំមានប្រវែងជិត ២ ពាន់ម៉ែត្រ នៅចំកណ្តាលក្រុងសែនមនោរម្យ ដែលទីតាំងនេះគឺជាអតីតព្រលានយន្តហោះកាលពីមុន។
លោក នាង វណ្ណះ ប្រធានរដ្ឋបាលសាលាខេត្តមណ្ឌលគិរីបានប្រាប់កម្ពុជាថ្មីនៅថ្ងៃទី ១៣ ខែវិច្ឆិកា ឆ្នាំ ២០២៤ ថា មួយរយៈចុងក្រោយនេះ អាជ្ញាធរខេត្តមណ្ឌលគិរីបានកំពុងស្ថាបនាប្រព័ន្ធផ្លូវថ្នល់តាមបណ្ដាក្រុងស្រុក ជាពិសេសឧទ្យានសួនច្បារដ៏ធំមហិមានៅចំកណ្តាលក្រុងសែនមនោរម្យតែម្តង។
ក្រៅពីការសាងសង់សួនច្បារដ៏ធំដែលនឹងលើកសម្រស់មុខមាត់ខេត្ត លោក នាង វណ្ណះ បានបន្ថែមថា តាំងពីដើមឆ្នាំ២០២៤ អាជ្ញាធរខេត្តក៏បានកែលម្អស្ថាបនាផ្លូវថ្នល់តាមបណ្ដាក្រុងស្រុកចំនួន ៦ គម្រោងបន្ថែមទៀតដែលរួមមាន៖
១. ជួសជុលផ្លូវក្រាលក្រួសក្រហមនៅឃុំស្រែអំពូម
២. ជួសជុលផ្លូវចាក់កៅស៊ូ DBST នៅភូមិពូត្រំ សង្កាត់មនោរម្យ
៣. ជួសជុលផ្លូវចាក់បេតុង នៅសង្កាត់សុខដុម
៤. ជួសជុលផ្លូវចាក់កៅស៊ូ DBST នៅភូមិឡៅកាសង្កាត់សុខដុម
៥. បំពាក់បង្គោលភ្លើងសូឡាចំនួន ១១៥ ដើម តាមដងផ្លូវ
៦. ជួសជុលផ្លូវចាក់បេតុងឆ្អឹងដែកនៅសង្កាត់មនោរម្យ។
បើតាមមន្រ្តីរដ្ឋបាលខេត្តមណ្ឌលគិរី នាថ្ងៃអនាគតខេត្តនៅភាគឦសាននេះនឹងប្រែមុខមាត់កាន់តែស្រស់បំព្រង តាមរយៈសមិទ្ធផលនានាដែលនឹងលេចរូបរាង ដែលនឹងអាចទាក់ទាញភ្ញៀវទេសចរជាតិនិងអន្តរជាតិកាន់តែច្រើនថែមទៀត៕
អត្ថបទ៖រៀម សុខហេង
-
ព័ត៌មានជាតិ៣ ថ្ងៃ agoសមត្ថកិច្ចឃាត់ខ្លួនជនសង្ស័យជនជាតិថៃ២នាក់និងខ្មែរម្នាក់ ករណីជួញដូរសារធាតុញៀន
-
ព័ត៌មានជាតិ១ សប្តាហ៍ agoតំណាងអយ្យការសម្រេចចោទប្រកាន់លោកផ្កាយបីនិងលោកផ្កាយពីរ រួមអ្នកពាក់ព័ន្ធ៤នាក់ផ្សេងទៀត
-
ព័ត៌មានជាតិ១ ថ្ងៃ agoស្ថានទូតអូស្ត្រាលីប្រចាំកម្ពុជាឆ្លើយតបនឹងហេតុការណ៍ទាហានថៃផ្ទុះអាវុធកាលពីថ្ងៃទី២៩ ខែមេសា
-
ព័ត៌មានជាតិ២ ថ្ងៃ agoទាហានថៃបាញ់កាំភ្លើង៩គ្រាប់ មុខអនុព័ន្ធយោធាអាម៉េរិក ចិន រុស្ស៊ី ជប៉ុន ដែលចុះសង្កេតការណ៍នៅអូរស្មាច់
-
ព័ត៌មានអន្ដរជាតិ១៣ ម៉ោង agoរដ្ឋបាលលោក ត្រាំ បកស្រាយថា «សង្គ្រាមចប់ហើយ» ដើម្បីគេចពីការសុំច្បាប់សភា
-
សន្តិសុខសង្គម១ សប្តាហ៍ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ
-
ព័ត៌មានជាតិ៥ ថ្ងៃ agoអាជ្ញាធរទាត់ចោលព័ត៌មានដែលផ្សាយថា ថៃបានឈ្លានពានចូលទឹកដីខ្មែរនៅខេត្តប៉ៃលិន
-
ព័ត៌មានអន្ដរជាតិ៦ ថ្ងៃ agoចាប់ខ្លួនបានហើយ! ខ្មាន់កាំភ្លើង ដែលប៉ុនប៉ងបាញ់ប្រហារលោក ត្រាំ នៅសេតវិមាន