ព័ត៌មានជាតិ

លឺសម្លេងធុងហ្គាសធ្លាយខ្យល់ ដើរចូលទៅមើលផ្ទុះខ្ទេចសាច់មើលមិនយល់

បានផុស

៥ years មុន

នៅ

ថ្ងៃសៅរ៍ ១៣ មីនា ២០២១

ដោយ

បុរសម្នាក់បានស្លាប់ភ្លាមៗមើលសឹងមិនយល់ ខណៈដែលបុរសរូបនោះដើរទៅឈ្ងោកមើលធុងហ្គាសដែលកំពុងលេចខ្យល់ ហើយក៏ស្រាប់តែផ្ទុះឡើងតែម្តងដែលធ្វើឲ្យរាងកាយរហែកដូចជ្រៀកងៀត និងដុំសាច់ខ្លះទៀតប៉ើងរាប់សិបម៉ែត្រ ។

ហេតុការណ៍ដ៏រន្ធត់នេះ បានកើតឡើងកាលពីវេលាម៉ោង៥និង៤០នាទី ល្ងាចថ្ងៃទី១២ ខែមីនា ឆ្នាំ២០២១ នៅចំណុចផ្ទះលោកគ្រូពេទ្យ ឃឹម សាម៉ុន ភេទប្រុស អាយុ៥៨ឆ្នាំ រស់នៅ ក្នុងភូមិឈើទាល ឃុំសិរីមានជ័យ ស្រុកសំពៅលូន ខេត្តបាត់ដំបង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជនរងគ្រោះដែលបានបាត់បង់ជីវិតមានឈ្មោះ ម៉េង ហឹង ភេទប្រុស អាយុ២៣ឆ្នាំ ដែលជាអ្នករស់នៅក្នុងផ្ទះនេះដែរ ។

តាមប្រភពពីកន្លែងកើតហេតុបានឲ្យដឹងថា ខណៈដែលជនរងគ្រោះមកពីចម្ការវិញប្រពន្ធបានប្រាប់ថា ឲ្យទៅមើលធុងហ្គាសតិចមើល ព្រោះមានឮសម្លេងចេញខ្យល់ ពេលនោះជនរងគ្រោះក៏បានចូលទៅមើលស្រាប់តែធុងហ្គាសនោះផ្ទុះឡើងលាន់លឺដូចគ្រាប់មីនបណ្តាលឲ្យជនរងគ្រោះរយៈខ្លួនដូចងៀត និងស្លាប់នៅកន្លែងកើតហេតុតែម្តង ។

ក្នុងករណីនេះដែរ បានធ្វើឲ្យដំបូលផ្ទះបាយទាំងមូលដែលមានទំហំ ៧គុណ១០ម៉ែត្រ បានរបើកទាំងស្រុង ដោយឡែកជើងម្ខាងបានប៉ើងទៅលើដំបូលផ្ទះអ្នកស្រុកចម្ងាយប្រមាណ៥០ម៉ែត្រ ពីកន្លែងកើតហេតុ។

បច្ចុប្បន្ន សមត្ថកិច្ចកំពុងធ្វើការស្រាវជ្រាវ និងស៊ើបអង្កេតក្នុងករណីនេះ ដើម្បីឲ្យដឹងថា តើមូលហេតុអ្វីបានបណ្ដាលឲ្យធុងហ្គាសនោះផ្ទុះ។ ប៉ុន្តែនៅក្នុងបញ្ហានេះក៏មានប្រភពមួយបានធ្វើការសន្និដ្ឋានក្រៅផ្លូវការថា អាចបណ្តាលមកពីការបញ្ចូលហ្គាសទៅក្នុងធុងលើសគីឡូ ព្រោះធុងហ្គាសនេះ ទើបតែយកមកពីកន្លែងបញ្ចូលហ្គាសថ្មីៗ ។ បច្ចុប្បន្នសពជនគ្រោះត្រូវបានរៀបចំនិងធ្វើបុណ្យទៅតាមប្រពៃណីនៅនិងកន្លែងកើតហេតុនោះតែម្តង ៕

អត្ថបទ ៖ សោ និយមរដ្ឋ