ព័ត៌មានជាតិ

ខ្ចីម៉ូតូគេជិះបែជាយកទៅលក់ត្រូវសមត្ថកិច្ចតាមឃាត់ខ្លួនមកវិញ

បានផុស

៣ years មុន

នៅ

ថ្ងៃសៅរ៍ ១៣ មីនា ២០២១

ដោយ

នារីជាជនសង្ស័យម្នាក់ ត្រូវបានកម្លាំងសមត្ថកិច្ចនៃការិយាល័យជំនាញតាមស្រាវជ្រាវចាប់ខ្លួនបានក្រោយទទួលបានពាក្យបណ្តឹងពីជនរងគ្រោះលើករណីឆបោក ដែលជនសង្ស័យខ្ចីម៉ូតូជនរងគ្រោះហើយយកលក់រួចគេចខ្លួន។

ការឃាត់ខ្លួននេះបានធ្វើឡើងកាលថ្ងៃទី១២ ខែមីនា ឆ្នាំ២០២១ នៅត្រង់ចំណុចភូមិអូរក្រូច ឃុំបឹងរាំង ស្រុកកំរៀង ខេត្តបាត់ដំបង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជនសង្ស័យមានឈ្មោះ សារ៉ាយ ធិតាលី ហៅ(ភូ)ភេទស្រីអាយុ១៤ឆ្នាំ រស់នៅភូមិល្វាទេ ឃុំត្រាងស្រុក កំរៀងខេត្តបាត់ដំបង។ ចំណែកជនរងគ្រោះមានឈ្មោះ ទូច ចាន់ ភេទប្រុសអាយុ៤៣ឆ្នាំរស់នៅភូមិភ្នំចាំចាប ឃុំបឹងរាំង ស្រុកកំរៀង។រីឯម៉ូតូដែលបាត់បង់ម៉ាកហុងដាឌ្រីម ពណ៌ខ្មៅស៊េរីឆ្នាំ២០១៥។

សមត្ថកិច្ចបន្តថា កាលពីថ្ងៃទី៣ ខែមីនា ឆ្នាំ២០២១ចំណុចក្រុមទី១៩ ក្នុងភូមិដូង ឃុំបឹងរាំង ស្រុកកំរៀងកន្លងមកជនសង្ស័យខ្ចីម៉ូតូរបស់ជនរងគ្រោះជិះហើយគេចខ្លួនថែមទាំងយកម៉ូតូខាងលើនេះទៅលក់បាត់តែម្តង។

នៅចំពោះមុខសមត្ថកិច្ចជនសង្ស័យបានឆ្លើយសារភាពថា ខ្លួនពិតជាបានខ្ចីម៉ូតូរបស់ជនរងគ្រោះជិះយកលក់ពិតប្រាកដមែនដោយយកទៅលក់នៅឯខេត្តបន្ទាយមានជ័យ។ ករណីនេះកម្លាំងនគរបាលកំពុងរៀបចំសំណុំរឿងដើម្បីបញ្ជូនទៅកាន់ការិយាល័យជំនាញនៃស្នងការខេត្តដើម្បីអនុវត្តបន្តតាមនីតិវិធី៕

អត្ថបទ ៖ សៅ សារិទ្ធ

Related Topics:ករណីឆបោក