ព័ត៌មានជាតិ

នគរបាលខណ្ឌសែនសុខ បន្តផ្សព្វផ្សាយគោលនយោបាយភូមិ-សង្កាត់ មានសុវត្ថិភាព និងពន្យល់ពីផលប៉ះពាល់ នៃគ្រឿងញៀន ជូនពលរដ្ឋ

បានផុស

២ years មុន

នៅ

ថ្ងៃចន្ទ ៩ ធ្នូ ២០២៤

ដោយ

អធិការនគរបាលខណ្ឌសែនសុខ និងកងកម្លាំងនគរបាលប៉ុស្តិ៍ទឹកថ្លា ចុះផ្សព្វផ្សាយគោលនយោបាយភូមិ-សង្កាត់ មានសុវត្ថិភាព និងពន្យល់ពីផលប៉ះពាល់ នៃគ្រឿងញៀន ជូនដល់ប្រជាពលរដ្ឋ នៅថ្ងៃឈប់សម្រាក ដើម្បីថែរក្សាសន្តិសុខ សំដៅដល់ការកាត់បន្ថយបទល្មើសផ្សេងៗ ក្នុងមូលដ្ឋាន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នគរបាលបានឱ្យដឹងថា ដោយអនុវត្តតាមទិសដៅការងាររបស់ លោកឧត្ដមសេនីយ៍ឯក ជួន ណារិន្ទ អគ្គស្នងការរង និងជាស្នងការនគរបាលរាជធានីភ្នំពេញ កាលពីថ្ងៃទី ០៨ ខែធ្នូ ឆ្នាំ ២០២៤ កម្លាំងប៉ុស្តិ៍នគរបាលរដ្ឋបាល នៃអធិការដ្ឋាននគរបាលខណ្ឌសែនសុខ ចុះពិនិត្យរដ្ឋបាលតាមបន្ទប់ជួល និងផ្សព្វផ្សាយពីគោលនយោបាយភូមិ-សង្កាត់ មានសុវត្ថិភាព (ផលប៉ះពាល់ នៃការប្រើប្រាស់សារធាតុញៀន បញ្ហាក្មេងទំនើង) ដល់ប្រជាពលរដ្ឋ។

សូមបញ្ជាក់ថា គោលនយោបាយ ភូមិ-ឃុំ-សង្កាត់ មានសុវត្ថិភាព មានលក្ខណៈសម្បត្តិ ០៧ យ៉ាង រួមមាន ៖ ១.ផ្តល់សេវាសាធារណៈជាពិសេស សេវារដ្ឋបាលប្រកបដោយគុណភាព តម្លាភាព និងទទួលបានជំនឿចិត្ត។ ២.គ្មានបទល្មើស លួច ឆក់ ប្លន់ គ្រឿងញៀន ល្បែងស៊ីសងខុសច្បាប់ និងបទល្មើសគ្រប់ប្រភេទ។ ៣.មានសណ្ដាប់ធ្នាប់សាធារណៈល្អ ជាពិសេសគ្មានគ្រោះថ្នាក់ចរាចរណ៍។ ៤.គ្មានអំពើអនាចារ គ្មានការជួញដូរមនុស្ស ពិសេសស្ត្រី និង កុមារ ប្រកបដោយគុណភាព និងប្រសិទ្ធភាព។ ៥.ដោះស្រាយវិវាទនៅតាមមូលដ្ឋានក្រៅប្រព័ន្ធតុលាការប្រកបដោយគុណភាព និងប្រសិទ្ធភាព។ ៦.មានអនាម័យ សោភ័ណភាពល្អ និងបរិស្ថានល្អ និង ៧.ឆ្លើយតបបានទាន់ពេលវេលាចំពោះគ្រោះមហន្តរាយ និងរាល់ជំងឺឆ្លងរាតត្បាតកាចសាហាវប្រកបដោយប្រសិទ្ធភាព៕

អត្ថបទ ៖ សំណាង