ព័ត៌មានជាតិ
អាជ្ញាធរខណ្ឌមានជ័យ ចុះរៀបចំសណ្ដាប់ធ្នាប់មុខមន្ទីរពេទ្យរុស្ស៉ី ជាលើកទី ២
កម្លាំងគណៈបញ្ជាការឯកភាពខណ្ឌមានជ័យ បានចុះរៀបចំសណ្ដាប់ធ្នាប់តាមបណ្ដោយផ្លូវលេខ ២៧១ មុខមន្ទីរពេទ្យខ្មែរ-សូវៀត ហៅ មន្ទីរពេទ្យរុស្ស៉ី ដើម្បីណែនាំឲ្យម្ចាស់អាជីវករលក់ដូរមានរបៀបរៀបរយ ទុកចន្លោះផ្លូវអ្នកថ្មើរជើងដើរ ចៀសវាងស្ទះចរាចរណ៍ និងប៉ះពាល់សណ្ដាប់ធ្នាប់។
អាជ្ញាធរបានឲ្យដឹងថា ដោយមានការចង្អុលបង្ហាញណែនាំពី លោក សេង គន្ធ អភិបាល នៃគណៈអភិបាលខណ្ឌមានជ័យ កាលពីព្រឹកថ្ងៃទី ២៣ ខែធ្នូ ឆ្នាំ ២០២៤ នេះ គណៈបញ្ជាការឯកភាពខណ្ឌមានជ័យ ដឹកនាំដោយ លោក កែវ សំណាង អភិបាលរងខណ្ឌមានជ័យ និងគណៈបញ្ជាការឯកភាព សង្កាត់ស្ទឹងមានជ័យទី ២ បានចុះសហការរៀបចំសណ្ដាប់ធ្នាប់ និងណែនាំដល់ប្រជាពលរដ្ឋដែលលក់ដូរនៅមុខមន្ទីរពេទ្យរុស្ស៊ី ជាលើកទី ២ ដើម្បីទុកចិញ្ចើមផ្លូវសម្រាប់អ្នកថ្មើរជើងដើរ និងសម្រួលដល់ការកកស្ទះចរាចរណ៍។
អាជ្ញាធរបានបន្តថា ក្នុងប្រតិបត្តិការចុះរៀបចំសណ្ដាប់ធ្នាប់ និងណែនាំអាជីវករខាងលើនេះ ធ្វើឡើងជាលើកទី ២ ហើយ ដោយឃើញថា ប្រជាពលរដ្ឋអាជីវករលក់ដូរមានការចូលរួមដាក់លក់ទៅតាមគំនូសដែលអាជ្ញាធរមូលដ្ឋានបានបាញ់កំណត់ទីតាំងក្នុងការលក់ដូរយ៉ាងល្អ។
អាជ្ញាធរ បានអរគុណដល់អាជីវករទាំងអស់ដែលចូលរួមសហការ ដោយសង្ឃឹមថា ពួកគាត់នឹងបន្តការសហការទៅមុខទៀត ដើម្បីសណ្ដាប់ធ្នាប់ល្អ បញ្ចៀសការកកស្ទះចរាចរណ៍៕
អត្ថបទ ៖ សុខា
-
ព័ត៌មានជាតិ៦ ថ្ងៃ agoត្រីជាង ២ តោន ងាប់នៅតំបន់អភិរក្សតាមោក ខេត្តសៀមរាប ដោយសារទឹករាក់ និង អាកាសធាតុក្តៅខ្លាំង
-
ព័ត៌មានជាតិ៦ ថ្ងៃ agoក្រសួងមហាផ្ទៃទាត់ចោលការផ្សាយថា កម្ពុជាឲ្យជនជាតិអាហ្វ្រិកដែលផុតកំណត់ ត្រូវចាកចេញមុនថ្ងៃទី៣១ ខែឧសភា ឆ្នាំ២០២៦
-
ព័ត៌មានជាតិ៦ ថ្ងៃ agoរដូវវស្សាប្រុងប្រយ័ត្ន! គ្រោះរន្ទះបាញ់សម្លាប់គោ ១៩ក្បាល នៅស្រុកលំផាត់ ខេត្តរតនគិរី
-
ព័ត៌មានអន្ដរជាតិ៣ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
ព័ត៌មានអន្ដរជាតិ៧ ថ្ងៃ agoនាវាចម្បាំងថ្មីរបស់ចិន នឹងដាក់ឱ្យធ្វើសមយុទ្ធ លើកដំបូង នៅក្បែរកោះជប៉ុន
-
សន្តិសុខសង្គម៥ ថ្ងៃ agoឆ្លងចរន្តអគ្គិសនីឆេះរោងចក្រផលិតស័ង្កសី គាបស្នោ ១ កន្លែង រងការខូចខាត នៅសង្កាត់ត្រពាំងក្រសាំង
-
ព័ត៌មានអន្ដរជាតិ១ សប្តាហ៍ agoអាមេរិក យល់ព្រមឱ្យប៉ូឡូញផ្តើមផលិតមីស៊ីលក្នុងស្រុក ដើម្បីការពារដែនអាកាស
-
សេដ្ឋកិច្ច២ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ