ព័ត៌មានជាតិ
ធនាគារ អេស៊ីលីដាប្រកាសដាក់ឲ្យប្រើប្រាស់ជាផ្លូវការស្វ័យសេវាធនាគារនៅស្រុកវាលវែងហើយ
ភ្នំពេញ ៖ ធនាគារ អេស៊ីលីដាភីអិលស៊ីបានប្រកាសដាក់ឲ្យប្រើប្រាស់ជាផ្លូវការស្វ័យសេវាធនាគារនៅស្រុកវាលវែងខេត្តពោធិ៍សាត់ហើយនៅថ្ងៃទី១៨ ខែមីនា ឆ្នាំ២០២១នេះ ដើម្បីបម្រើដល់អតិថិជនក្នុងការដកប្រាក់ ដាក់ប្រាក់និងបើកគណនីទៅតាមតម្រូវការ។
តាមប្រសាសន៍លោកស្រី សុខ សោភា នាយិកាប្រតិបត្តិជាន់ខ្ពស់ទីផ្សារ នៃធនាគារអេស៊ីលីដាបានឲ្យដឹងថា «ការដាក់ឲ្យប្រើប្រាស់សេវាកម្មធនាគារដោយប្រវត្តិនៅស្រុកវាលវែងនេះដោយសារស្រុកវាលវែងជាស្រុកសម្បូរទៅដោយធនធានធម្មជាតិមានជាតំបន់ទេសចរណ៍ធម្មជាតិច្រើនដែលមានទេសភាពល្អស្រស់ត្រកាលនារដូវរំហើយពិសេសជាតំបន់ដែលមានសក្តានុពលសេដ្ឋកិច្ចដ៏សំខាន់មួយនៅក្នុងខេត្តពោធិ៍សាត់ដោយសារវាមានព្រំប្រទល់ដែនជាប់នឹងព្រំដែនថៃមានទេសចរជាតិអន្តរជាតិឆ្លងកាត់យ៉ាងច្រើន»។
ទន្ទឹមនឹងនេះធនាគារអេស៊ីលីដាក៏បាននឹងកំពុងរៀបចំទីកន្លែងបម្រើសេវាកម្មជូនដល់អតិថិជនឆ្លាតវៃរបស់ខ្លួន នូវសេវាកម្មធនគារស្វ័យប្រវត្តិ ៥០ កន្លែងនៅទូទាំងប្រទេសសម្រាប់ឆ្នាំ២០២១នេះផងដែរ។
លោកស្រីបានបន្តថា ទីតាំងទាំង ៥០ កន្លែងដែលគ្រោងដាក់ឲ្យដំណើរការសេវាកម្មធនាគារស្វ័យប្រវត្តិនឹងដាក់ពង្រាយគ្រប់ទីកន្លែង ជាពិសេសតំបន់ប្រជុំជនដើម្បីបង្ករលក្ខណៈងាយស្រួលជូនអតិថិជនសម្រាប់ការប្រើប្រាស់សាច់ប្រាក់របស់គាត់តាមតម្រូវការបន្ថែមពីលើការប្រើប្រាស់តាមអេស៊ីលីដាម៉ូបាល ។ សំរាប់ទីតាំងអតិថិជន និងសារធារណៈជន អាចរកមើលបានលើហ្គូហ្គលម៉េប (google map)។
លោកស្រីបានឲ្យដឹងទៀតថា «សម្រាប់ម៉ាស៊ីននឹងដាក់ទៅតាមតំរូវការជាក់ស្តែងក្នុងតំបន់នីមួយៗ ។ អេស៊ីលីដាបានឈានមុខមុនគេក្នុងការបំពាក់ម៉ាស៊ីនទំនើបបច្ចេកវិទ្យាចុងក្រោយ នៅកម្ពុជា ដោយបង្កើតនូវភាពលេចធ្លោរ និងទាន់សម័យសំរាប់អតិថិជន សាធារណជន និងបណ្តាដៃគូពាណិជ្ជកម្មរបស់យើង ដែលរួមមាន ម៉ាស៊ីនដាក់ប្រាក់-ដកប្រាក់, ម៉ាស៊ីនដកប្រាក់, ម៉ាស៊ីនបើកគណនី, ម៉ាស៊ីនបើកគណនីមានកាលកំណត់ និងម៉ាស៊ីនដាក់កាបូបប្រាក់សម្រាប់ដៃគូដែលមានការចរាចរណ៍ក្រដាស់ប្រាក់ច្រើនប្រភេទទៀតផង»។
គួរបញ្ជាក់ថា ធនាគារអេស៊ីលីដាដែលជាធនាគារខ្មែរពាណិជ្ជធំជាងគេបំផុតនៅប្រទេសកម្ពុជាតែងតែធ្វើអ្វីៗបម្រើទៅតាមតម្រូវការរបស់អតិថិជនក្នុងការប្រើប្រាស់សាច់ប្រាក់ទៅតាមពេលវេលាដែលគាត់ត្រូវការ មិនថាពេលណា ឫកន្លែងណាទេ គឺងាកឃើញៗគ្រប់កន្លែង បើហួសមួយកន្លែង ដល់មួយកន្លែងទៀតដោយមិនចាំបាច់ត្រឡប់ក្រោយឡើយ។
អេស៊ីលីដាមានមោទនភាពដែលមានឱកាសក្នុងការបម្រើសេវាកម្មហិរញ្ញវត្ថុជូនអតិថិជន, សាធារណជន គ្រប់ជាតិសាសន៍ ប្រកបដោយកាយ វាចារ ចិត្តស្មោះស្ម័គ្រ និងមានក្រមសីលធម៌វិជ្ជាជីវៈខ្ពស់បំផុត៕
វេទិកា JASTIP របស់ជប៉ុននឹងជួយកម្ពស់វិស័យវិទ្យាសាស្ត្រ បច្ចេកវិទ្យា និងនវានុវត្តន៍នៅកម្ពុជា
មកដឹងពានរង្វាន់ទាំង ៩ មានប្រាក់រង្វាន់ច្រើនបំផុតរដូវកាលនេះ ខណៈ UCL ឈរលេខ៣
តារាល្បីៗដែលគេរំពឹងថា នឹងចូលរួមពិធីមង្គលការរបស់មហាសេដ្ឋី Jeff Bezos
មន្ត្រីជាន់ខ្ពស់ ប.ស.ស ជំរុញអ្នកធ្វើការតាមផ្ទះចុះឈ្មោះចូលជាសមាជិក ប.ស.ស បន្ថែម ដើម្បីទទួលបានការគាំពារពីសង្គម
អ្នកនាំពាក្យ ៖ គិតត្រឹមម៉ោងនេះពុំទាន់មានព័ត៌មានថាពលករខ្មែររងគ្រោះ ដោយគ្រោះរញ្ជួយដីនៅថៃនៅឡើយទេ
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
ការខូចខាតបឋម ព្រោះគ្រោះរញ្ជួយដីដ៏ខ្លាំងក្លាដែលវាយប្រហារអាស៊ីអាគ្នេយ៍
នាយករដ្ឋមន្ត្រីថៃ ដាក់ចេញបទបញ្ជាបន្ទាន់ដើម្បីគ្រប់គ្រង់គ្រោះរញ្ជួយដី
របាយការណ៍ចុងក្រោយបំផុតអំពីការបំផ្លិចបំផ្លាញ និងរងគ្រោះ ព្រោះការរញ្ជួយដីនៅអាស៊ីអាគ្នេយ៍
-
ព័ត៌មានអន្ដរជាតិ២០ ម៉ោង agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម២ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ១ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
កីឡា១ សប្តាហ៍ agoកញ្ញា សាមឿន ញ៉ែង ជួយឲ្យក្រុមបាល់ទះវិទ្យាល័យកោះញែក យកឈ្នះ ក្រុមវិទ្យាល័យ ហ៊ុនសែន មណ្ឌលគិរី
-
ព័ត៌មានអន្ដរជាតិ៥ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៣ ថ្ងៃ agoតើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?