ព័ត៌មានជាតិ
លោកជា ចាន់តូ ណែនាំដល់ព្រះសង្ឃនិងពលរដ្ឋ ត្រូវរួមគ្នាបន្តថែរក្សាសន្តិភាពឲ្យបានល្អ
ភ្នំពេញ ៖ លោកជា ចាន់តូ បានណែនាំដល់ព្រះសង្ឃ និង ប្រជាពលរដ្ឋ រស់នៅឃុំពៅវ៉ើយ ក្នុងស្រុកស្ទោង ខេត្តកំពង់ធំ ត្រូវរួមគ្នាបន្តថែរក្សាសន្តិភាពឲ្យបានល្អ ដើម្បីការពារសមិទ្ធផលដែលជាកេរ្តិ៍ដំណែលបុរាណ និង រាល់សមិទ្ធផល ដែលបានកសាងក្រោយថ្ងៃរំដោះឲ្យគង់វង្សសម្រាប់ទុកឲ្យកូនចៅជំនាន់ក្រោយៗបានស្គាល់និងបានរស់នៅប្រកបដោយភាពសុខសាន្ត។
ការអំពាវនាវរបស់លោក ជា ចាន់តូ ជាសមាជិកអចិន្ត្រៃយ៍គណបក្សប្រជាជនកម្ពុជានិងជាប្រធានក្រុមការងារថ្នាក់ជាតិចុះជួយស្រុកស្ទោងនេះបានធ្វើឡើងក្នុងឱកាសដែលលោកនិងសហការីចុះសាកសួរសុខទុក្ខព្រះសង្ឃនិងប្រជាពលរដ្ឋរស់នៅឃុំពៅវ៉ើយ ដែលជាឃុំមួយស្ថិតនៅកណ្ដាលបឹងទន្លេសាបក្នុងស្រុកស្ទោង។
លោកជា ចាន់តូ បានបន្តទៀតថា «គ្មានអ្វីមានតម្លៃជាងសុខសន្តិភាពនោះទេ។ ដូចនេះបើសិនយើងការពារសន្តិភាពបានយើងអាចរក្សាការពារទ្រព្យសម្បត្តិនិងរាល់សមិទ្ធផលដែលយើងមានបានគង់វង្សនិងឲ្យយើងកាន់តែមានលទ្ធភាពនិងមានឱកាសបន្តកសាងនិងអភិវឌ្ឍន៍សមិទ្ធថ្មីៗបន្ថែមទៀតក្នុងនោះរួមទាំងវិស័យពុទ្ធចក្រផងដែរ»។
លោកបានលើកឧទាហរណ៍មកបញ្ជាក់ថា «ជាក់ស្ដែងដូចព្រះវិហារថ្មីវត្តពៅវ៉ើយដ៏ស្កឹមស្កៃដែលអណ្តែតលើផ្ទៃទឹកបឹងទន្លេសាបនេះជាសក្ខីភាពស្រាប់។តើយើងបាននឹកស្មានថា តំបន់ដាច់ស្រយាលមួយនេះ ទទួលបានការរីកចម្រើនដូចសព្វថ្ងៃនេះទេ ទាំងនេះមិនបានមកដោយសារគុណបុណ្យសន្តិភាពនិងកាដឹកនាំប្រកបដោយគតិបណ្ឌិតសម្ដេចតេជោហ៊ុន សែន និងការចូលរួមពីមហាកម្លាំងសាមគ្គីរបស់ប្រជាពលរដ្ឋទើបយើងមានអ្វីៗដូចសព្វថ្ងៃនេះ»។
ជាមួយគ្នានេះដែរ លោក ជា ចាន់តូ បានសំណូមពរដល់ព្រះសង្ឃសូមបន្តយកព្រះទ័យនិងយកចិត្តទុកដាក់ថែរក្សាព្រះសុខភាពនិងសុខភាពឲ្យបានល្អព្រោះសុខភាពមានតម្លៃណាស់ ពិសេសនៅកំឡុងពេលដែលជំងឺកូវីដ១៩មិនទាន់រលាយពីផែនដីយើងនៅឡើយនោះ។ ដូចនេះត្រូវតែប្រុងប្រយ័ត្នឲ្យខ្ពស់ក្នុងនោះរួមទាំងឥទ្ធិពលនៃជំនន់ទឹកភ្ញៀវកន្លងទៅថ្មីៗនេះ អាចមានជំងឺផ្សេងៗដែរផង។
នៅក្នុងឱកាសនោះលោក ជា ចាន់តូ បានប្រគេនទយ្យវត្ថុដល់ព្រះសង្ឃវត្តពៅវ៉ើយរួមមានបច្ច័យអង្ករ២បាវ,ទឹកសុទ្ធ១០កេស,មី១០កេស,កូកា១០កេស,ទឹកផ្លែឈើ១០កេស ស្ករស ១បាវ,ទឹកដោះគោ១ កេសធំ,ទឹកស៊ីអ៊ីវ ២០ដបនិងទឹកត្រី ២០ដប។សម្រាប់ប្រជាពលរដ្ឋដែលបានចូលរួមម្នាក់ៗទទួលបានសារុងនិងថវិកាផងដែរ៕
ដោយ ៖ សំអឿន
-
ព័ត៌មានអន្ដរជាតិ៣ ថ្ងៃ agoធ្លាក់យន្តហោះឯកជនមួយនៅអាមេរិក បណ្តាលឱ្យមនុស្សក្នុងយន្តហោះ ស្លាប់ទាំងអស់
-
កីឡា៧ ថ្ងៃ agoល្ងាចនេះ U19 កម្ពុជា ប៉ះ ថៃ វគ្គពាក់កណ្តាលផ្តាច់ព្រ័ត្រ ខណៈជួបគ្នាចុងក្រោយ ថៃ ខកចិត្តម្តងហើយ
-
ព័ត៌មានអន្ដរជាតិ៦ ថ្ងៃ agoឥណ្ឌា តវ៉ាយ៉ាងខ្លាំង ចំពោះអាមេរិកដែលវាយប្រហារនាវាដឹកប្រេងបណ្តាលនាវិកឥណ្ឌា ៣នាក់ស្លាប់
-
សន្តិសុខសង្គម២ ថ្ងៃ agoត្រួតពិនិត្យទីតាំងខុនដូ ១ កន្លែង រកឃើញជនជាតិវៀតណាម ៦ នាក់ ពាក់ព័ន្ធ Online Scams នៅខណ្ឌ ៧ មករា
-
អត្ថាធិប្បាយ១ សប្តាហ៍ agoវិចារណកថាចក្ខុវិស័យកែទម្រង់យោធាកម្ពុជា៖ ពីកម្លាំងបរិមាណ ឆ្ពោះទៅកងទ័ពជំនាញឌីជីថល និងមនសិកាការពារជាតិ
-
ព័ត៌មានអន្ដរជាតិ២ ថ្ងៃ agoយន្តហោះទម្លាក់គ្រាប់បែកនុយក្លេអ៊ែរ អាមេរិក B-52 ធ្លាក់នៅ កាលីហ្វ័រញ៉ា ស្លាប់សមាជិកអាកាសយានិក ៨នាក់
-
ព័ត៌មានជាតិ៣ ថ្ងៃ agoអាជ្ញាធរខណ្ឌទួលគោក បន្តចុះត្រួតពិនិត្យទីតាំងលក់គ្រឿងទេស ត្រី សាច់បង្កក៤ទីតាំងបន្ថែមទៀត
-
ព័ត៌មានអន្ដរជាតិ១ ថ្ងៃ agoទីបំផុត ថៃ ព្រមទៅ UN ដោយជ្រើសរើសអ្នកជំនាញ ២រូប ដើម្បីតតាំងជាមួយកម្ពុជា ក្រោមយន្តការ UNCLOS