ព័ត៌មានជាតិ

អំណោយគ្រឿងឧបភោគនិងសម្ភារៈការពារជំងឺកូវីដ១៩ ចែកដល់សាលាឃុំនិងទីតាំងធ្វើចត្តាឡីស័ក

បានផុស

៥ years មុន

នៅ

ថ្ងៃពុធ ២៤ មីនា ២០២១

ដោយ

លោកស្រី ដួង វណ្ណា តំណាងដ៏ខ្ពង់ខ្ពស់ លោកជំទាវកិត្តិសង្គហបណ្ឌិតម៉ែន សំអន ប្រធានក្រុមការងារចុះជួយខេត្តស្វាយរៀងនាព្រឹកថ្ងៃទី២៤មីនា២០២១ បានដឹកនាំសហការី ព្រមទាំងអាជ្ញាធររួមមានលោកហែម សារិទ្ធអភិបាលស្រុកស្វាយ ជ្រំ នាំអំណោយនិងសម្ភារៈការពារប្រយុទ្ធប្រឆាំងនឹងជំងឺរាតត្បាតកូវីដ១៩។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងនាមលោកជំទាវកិត្តិសង្គហបណ្ឌិតម៉ែន សំអន លោកស្រីដួង វណ្ណា បានថ្លែងថា មន្ត្រីអាជ្ញាធរទាំងអស់ត្រូវតែអនុវត្តន៍នូវអនុសាសន៍ដ៍ថ្លៃថ្លានិងមុឺងម៉ាត់របស់សម្តេចតេជោឲ្យបានខ្ជាប់ខ្ជួននិងគ្រប់ពេលវេលាគឺ ៣កុំ ៣ ការពារ ឲ្យបានគ្រប់ពេលវេលា។ វិធានការណ៍ ៣ការពារ រួមមាន៖ ទី១.ពាក់មាស់ ,ទី២.លាងដៃ ,ទី៣.រក្សាគម្លាតសុវត្ថិភាពសង្គម គម្លាតសុវត្ថិភាពបុគ្គល ចាប់ពី១ម៉ែត្រកន្លះ ឡើងទៅ ឲ្យបានគ្រប់គ្នានិងគ្រប់ទីកន្លែង។

សម្តេចបញ្ជាក់ថា ចំណុចបីការពារនេះសំខាន់ខ្លាំងណាស់ធ្វើដូច្នេះទើបអាចយកឈ្នះលើជំងឺកូវីដ-១៩ បានដោយជោគជ័យ។ ដោយឡែកវិធានការណ៍៣កុំរួមមាន ៖

ទី១.កុំចូលទៅកន្លែងបិទជិតគ្មានខ្យល់ចេញចូល និងប្រើម៉ាស៊ីនត្រជាក់ច្រើនពេក ,ទី២.កុំទៅកន្លែងមានមនុស្សច្រើនកុះករ ,ទី៣.កុំប៉ះពាល់គ្នា កុំចាប់ដៃគ្នា កុំគៀកស្មាគ្នា កុំអោបគ្នាជាដើម។

ព្រមជាមួយគ្នានេះសម្តេចអគ្គមហាសេនាបតីតេជោ ហ៊ុន សែន ក៏បានសុំការយោគយល់ពីប្រជាជននៅតាមបណ្តាខេត្ត បើសិនជាអាចពន្យារពេលក្នុងការធ្វើដំណើរមកកាន់ទីក្រុងភ្នំពេញ សូមពន្យារសិន ដើម្បីទុកឱកាសឲ្យរាជធានីភ្នំពេញដោះស្រាយបញ្ហាជៀសវាងការកកស្ទះចរាចរណ៍ ដែលនេះជាមូលហេតុមួយក្នុងចំណោមមូលហេតុនៃការចំលងពីគ្នាទៅវិញទៅមកផងដែរ ចំពោះអ្នកនៅទីក្រុងភ្នំពេញ បើមិនចាំបាច់ទេសូមមេត្តាកំចេញមកក្រៅផ្ទះ សូមរួមគ្នាបង្ការទប់ស្កាត់កូវីដ-១៩ ទាំងអស់គ្នា។

អំណោយដ៏ថ្លៃថ្លារបស់លោកជំទាវកិត្តិសង្គហបណ្ឌិតម៉ែន សំអន រួមមាន អង្ករ ម៉ាស មី អាល់កុលរបាំងការពារមុខស្រោមជើងនិងថវិកា របស់លោកជំទាវ មកចែកជូនដល់ឃុំ ចំបក់និងឃុំឈើទាល សម្រាប់កងកម្លាំងការពារ ប្រើប្រាស់ក្នុងពេលដែលនៅយាមការពារអ្នកធ្វើចត្តាឡីស័កនៅផ្ទះ និងពេទ្យបង្អែកស្រុកស្វាយ ជ្រំ ជូនថវិកាដល់ស្ត្រីជនជាតិវៀតណាម ២នាក់ដែលកំពុងសម្រាកព្យាបាលជិតជាសះស្បើយហើយ៕

អត្ថបទ៖ វិមាន

Related Topics:អំណោយ