ព័ត៌មានជាតិ
ទឹកស្អុយដក់លើផ្លូវបេតុងចូលវត្តតាភេម ប្រជាពលរដ្ឋស្នើសុំអាជ្ញាធរមានវិធានការបន្ទាន់
ប្រជាពលរដ្ឋរស់នៅផ្លូវបេតុង ជាប់របងបញ្ជាការដ្ឋានទ័ពពិសេសឆ័ត្រយោង ៩១១ ផ្លូវចូលវត្តតាភេម បានស្នើសុំឱ្យអាជ្ញាធរមូលដ្ឋានពិនិត្យ និងដោះស្រាយបញ្ហាទឹកស្អុយដែលដក់លើផ្លូវបេតុងជាបន្ទាន់ ខណៈស្ថានភាពនេះកំពុងបង្កការលំបាកក្នុងការធ្វើចរាចរណ៍របស់ប្រជាជន និងប៉ះពាល់ដល់សុខភាពសាធារណៈ ជាពិសេសការធ្វើដំណើរសិស្សទៅមកសាលារៀន។
ទីតាំងនេះស្ថិតនៅបណ្ដោយផ្លូវបេតុង វត្តតាមភេម ជាប់របងបញ្ជាការដ្ឋានទ័ពពិសេសឆ័ត្រយោង ៩១១ ភូមិត្រពាំងទួល សង្កាត់កំបូល ខណ្ឌកំបូល រាជធានីភ្នំពេញ។
អ្នកស្រី រិន ផល្លី អាជីវករលក់ដូរបណ្ដោយផ្លូវបេតុងនេះ បានលើកឡើងថា ទឹកដក់នេះលិចចេញពីក្នុងអណ្ដូងលូ កកស្ទះ និងក្លិនស្អុយ ពួកគាត់ពិបាកក្នុងការលក់ដូរខ្លាំងណាស់ ជាពិសេសសិស្សសាលា ដោយពេលខ្លះត្រូវដើរគេចទឹករហូតដល់ពាក់កណ្ដាលផ្លូវក៏មាន អ្នកស្រី បារម្ភខ្លាចមានគ្រោះថ្នាក់ថែមទៀតផង។
អ្នកស្រីបន្តថា កន្លងមក ធ្លាប់មានខាងសង្កាត់មកធ្វើការបូម តែបន្ទាប់មកក៏នៅតែហូរចេញមកដដែល ព្រោះគ្រាន់តែបូម តែមិនបានរកមុខត្រូវហូរចេញទេ។
អ្នកស្រីបានបង្ហើបទៀតថា ពេលទឹកដក់ម្ដងៗ តែងតែមានម្ចាស់ផ្ទះមួយរស់នៅនឹងកែងផ្លូវ ដែលមានតួនាទីជាប្រជាការពារសង្កាត់កំបូល យកដី និងក្រណាត់ មកទប់មិនឱ្យទឹកហូរកាត់ចូលក្នុងលូគាត់ទេ ធ្វើឱ្យទឹកដក់កាន់តែធំ។ បន្ថែមនោះ ពេលប្រជាពលរដ្ឋដែលមានទឹកដក់នៅមុខផ្ទះ រៃលុយគ្នាហៅឡានបូមលូមកបូម ក៏ផ្ទះលោកប្រជាការពារសង្កាត់នោះ មិនព្រមឱ្យបើកគម្របអណ្ដូងលូឱ្យឡានបូមនោះទេ។
ដោយឡែក លោក ប៉ែន សុវណ្ណៈ ប្រជាពលរដ្ឋម្នាក់ ក៏បានឱ្យដឹងដែរថា ពេលភ្លៀងក៏ដក់ ពេលថ្ងៃក្តៅក៏ក្លិន ពិបាកក្នុងការរស់នៅ និងអាចបង្កជាជំងឺផ្សេងៗ ដោយសារតែទឹកកខ្វក់ថែមទៀតផង។ លោកថា ពលរដ្ឋបានជូនដំណឹងទៅអាជ្ញាធរម្តងហើយម្តងទៀត តែក៏មិនទាន់ឃើញមានវិធានការនៅឡើយទេលើកនេះ។
ប្រជាពលរដ្ឋជាច្រើន សង្ឃឹមថា អាជ្ញាធរមូលដ្ឋាន នឹងចុះពិនិត្យផ្ទាល់ និងចាត់វិធានការ សម្អាតបណ្ដាញលូ ឬសាងសង់ប្រព័ន្ធបង្ហូរទឹកឱ្យបានប្រសើរឡើង ដើម្បីធានាការរស់នៅល្អប្រសើរជូនជាសាធារណៈ។
ទាក់ទិននឹងបញ្ហានេះ លោក ឃឹម ស៊ុនសូដា អភិបាលខណ្ឌកំបូល បានប្រាប់ កម្ពុជាថ្មី ថា លោកអរគុណដែលបានផ្តល់ព័ត៌មាន និងរូបភាព។ លោកនឹងចាត់ឱ្យក្រុមការងារចុះពិនិត្យករណីនេះជាបន្ទាន់៕
អត្ថបទ ៖ សំណាង
ទឹកស្អុយដក់លើផ្លូវបេតុងចូលវត្តតាភេម ប្រជាពលរដ្ឋស្នើសុំអាជ្ញាធរមានវិធានការបន្ទាន់
ដំណាំដំឡូងមីកសិករ រំពឹងទទួលផលឡើងវិញ ក្រោយមានភ្លៀងធ្លាក់បន្តបន្ទាប់
ធនាគារ ABA ពង្រឹងភាពឈានមុខនៅលើទីផ្សារជាមួយលទ្ធផលហិរញ្ញវត្ថុដ៏រឹងមាំ ក្នុងឆ្នាំ២០២៤
សម្ដេចតេជោ ថា វត្តមានរបស់ទីម័រ នឹងធ្វើឱ្យប្រជាជាតិអាស៊ានកាន់តែធំធាត់
រដ្ឋមន្ត្រីការពារជាតិអាមេរិក បញ្ជាឲ្យកាត់បន្ថយនាយឧត្តមសេនីយ៍ផ្កាយ៤ ចំនួន ២០%
រុស្ស៊ី បិទព្រលានយន្តហោះធំទាំងអស់នៅមូស្គូ ក្រោយអ៊ុយក្រែន បញ្ជូនដ្រូនវាយប្រហារទ្រង់ទ្រាយធំ ២យប់ជាប់គ្នា
សត្តឃាតដ្ឋានជ្រូក ក្នុងភូមិតាឡី ហាក់ចង់លាក់បាំងព័ត៌មានរឿងកម្មករឆក់ខ្សែភ្លើងស្លាប់នៅទីតាំងខ្លួន
គម្រោងវិនិយោគ ហេដ្ឋារចនាសម្ព័ន្ធប្រព័ន្ធលូ ក្នុងរាជធានីភ្នំពេញ សម្រេចបានប្រមាណ ៨០%
សម្ដេចតេជោ៖«ខ្ញុំមិនមែនត្រឹមតែកសាងប្រទេសពីបាតដៃទទេទេ រឿងអាស៊ានក៏ខ្ញុំចាប់ផ្ដើមពីលេខសូន្យដែរ ទោះបីមានឧបសគ្គ ក៏ខ្ញុំចូលអាស៊ានឱ្យបាន»
កម្ពុជានៅមិនទាន់មានឆ្លងជំងឺអង់ត្រាក់ (ពិសធ្យូង)នៅលើសត្វ ឬមនុស្សនៅឡើយទេ
-
សន្តិសុខសង្គម៥ ថ្ងៃ agoស្គាល់អត្តសញ្ញាណអ្នកបើកបររថយន្តបង្កគ្រោះថ្នាក់ស្លាប់មនុស្ស ៤ នាក់ នៅស្រុកស្នួល
-
ព័ត៌មានជាតិ៣ ថ្ងៃ agoមណ្ឌលគិរី! ជន្លង់ម្រេចរបស់កសិករ ត្រូវបានសមត្ថកិច្ចរឹបអូសដោយពុំមានមូលហេតុ
-
ព័ត៌មានជាតិ១ សប្តាហ៍ agoបន្ថែមពីថវិកា៧០លានរៀល កុមារី ស៊ុន ស្រីតី ទទួលបានផ្ទះ ដីទំហំជាងកន្លះហិកតា ដែលដាំស្វាយរួចរាល់
-
ព័ត៌មានអន្ដរជាតិ២ ថ្ងៃ agoរុស្ស៊ីព្រមានអ៊ុយក្រែន បើហ៊ានវាយប្រហារថ្ងៃ៩ឧសភា ក្រុងកៀវទំនងមិនអាចរស់ដល់ថ្ងៃ១០ឧសភាទេ
-
សន្តិសុខសង្គម៥ ថ្ងៃ agoថៃបិទច្រកអានសេះ ដោយមិនជូនដំណឹងប្រាប់មុន
-
ព័ត៌មានអន្ដរជាតិ៤ ថ្ងៃ agoបាតុករថៃចេញតវ៉ា ខណៈគណៈកម្មាធិការព្រំដែនទូទៅកម្ពុជា-ថៃជួបប្រជុំនៅបាងកក
-
ព័ត៌មានអន្ដរជាតិ៦ ម៉ោង agoរុស្ស៊ី បិទព្រលានយន្តហោះធំទាំងអស់នៅមូស្គូ ក្រោយអ៊ុយក្រែន បញ្ជូនដ្រូនវាយប្រហារទ្រង់ទ្រាយធំ ២យប់ជាប់គ្នា
-
ព័ត៌មានជាតិ៤ ថ្ងៃ agoសមត្ថកិច្ចចាត់ទុកការចែកចាយលុយបង្កប់សារប្រឆាំងរដ្ឋជាសកម្មភាពបដិវត្តន៍ព័ណ៌ និងកំពុងចាត់វិធានការ