ព័ត៌មានជាតិ

វីឡាទោរបស់ លន បញ្ហា សាងសង់ចំណាយខ្ទង់ជាង ៤ម៉ឺនដុល្លារសន្សំពីប្រដាល់

បានផុស

១ year មុន

នៅ

ថ្ងៃព្រហស្បតិ៍ ៨ ឧសភា ២០២៥

ដោយ

អ្នកប្រដាល់ដើមកំណើតពីខេត្តព្រៃវែង លន បញ្ញា កំពុងសាងសង់ប្រភេទវីឡាទោផ្ទាល់ខ្លួនដែលត្រូវចំណាយថវិកាប្រហែលជាង ៤ម៉ឺនដុល្លារអាមេរិកដែលសន្សំពីប្រដាល់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ពិធីសែនព្រេនពេលចាប់ផ្ដើមសាងសង់

បញ្ញា បានឲ្យដឹងថា ផ្ទះដែលកំពុងសាងសង់នេះនៅខាងឈូកវ៉ា សង្កាត់គោករកា ខណ្ឌព្រែកព្នៅ រាជធានីភ្នំពេញ មិនឆ្ងាយប៉ុន្មានពីផ្ទះគ្រូ ធន់ សុភា ។ ចំពោះថវិកាសាងសង់គឺរូបគេចំណាយប្រហែលជាង ៤ម៉ឺនដុល្លារអាមេរិកនេះមិនបូកតម្លៃដី និងការទិញសម្ភារផ្សេងៗចូលក្នុងផ្ទះនោះទេ។

ផ្ទះរបស់ បញ្ញា កំពុងសាងសង់

កូនសិស្សលោក ធន់ សុភា រូបនេះបន្ថែមទៀតថា ផ្ទះរបស់ខ្លួននេះចាប់សាងសង់អំឡុងពាក់កណ្ដាលខែមីនា និងត្រូវបញ្ចប់ទាំងស្រុងអំឡុងខែកក្កដាខាងមុខ។ លន បញ្ញា បញ្ជាក់ទៀតថា ថវិកាទាំងអស់នេះគឺរូបគេសន្សំពីប្រដាល់ប្រហែលបីបួនឆ្នាំរួមជាមួយប្រាក់ខែជាទាហានរបស់ខ្លួន។

បញ្ញា និងភរិយា

បញ្ជាក់ដែរថា លន បញ្ញា ជាកូនសិស្សលោក ធន់ សុភា នៃក្លឹបប្រដាល់ធន់សុភាគុនខ្មែរ។ រូបគេជាអ្នកប្រដាល់លំដាប់ A នៅកម្ពុជានាពេលបច្ចុប្បន្ននេះ។ អ្នកប្រដាល់រូបនេះបានសាងស្នាដៃជាច្រើនក្នុងវិស័យកីឡាមួយនេះដូចជាឈ្នះមេដាយស៊ីហ្គេម ២លើកជូនកម្ពុជា និងការផ្សព្វផ្សាយគុនខ្មែរទាំងក្នុងស្រុក និងក្រៅស្រុក។ រូបគេទទួលបានការអាណិតស្រឡាញ់ចូលចិត្តជាខ្លាំងពីគ្រូៗប្រដាល់ដោយសារការខំប្រឹងតស៊ូ ព្យាយាម និងគោរពការហ្វឹកហាត់ស្រឡាញ់អាជីពរបស់ខ្លួន៕

អត្ថបទដោយ៖ នួន ស៊ីណា