ព័ត៌មានជាតិ

លោក ហេង សួរ លើកទឹកចិត្តភាគីចិនបង្កើនការវិនិយោគអភិវឌ្ឍន៍ធនធានមនុស្ស នៅកម្ពុជា បន្ថែមទៀត

បានផុស

១ year មុន

នៅ

ថ្ងៃអង្គារ ១៣ ឧសភា ២០២៥

ដោយ

លោក ហេង សួរ រដ្ឋមន្ត្រីក្រសួងការងារ និងបណ្ដុះបណ្ដាលវិជ្ជាជីវៈ បានលើកទឹកចិត្តភាគីចិនបង្កើនការវិនិយោគលើការអភិវឌ្ឍធនធានមនុស្សនៅកម្ពុជាបន្ថែម ដើម្បីបំពាក់បំប៉នជំនាញឲ្យស្របនឹងបរិបទឌីជីថលភាវូបនីយកម្ម ពង្រីកផលិតភាពការងារកាន់តែខ្ពស់ ពិសេសបង្កើនការទាក់ទាញវិនិយោគិនបរទេសមកបណ្ដាក់ទុនវិនិយោគនៅកម្ពុជាផងដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការលើកទឹកចិត្តនេះ ក្នុងឱកាស លោក ហេង សួរ ជួបពិភាក្សាការងារជាមួយ លោក ZHAO HAIYAN (ចាវ ហាយយាន) អគ្គទីប្រឹក្សា នៃស្ថានទូតសាធារណរដ្ឋប្រជាមានិតចិន ទទួលបន្ទុកកិច្ចការកុងស៊ុលប្រចាំនៅព្រះរាជាណាចក្រកម្ពុជា នៅវិទ្យាស្ថានជាតិពហុបច្ចេកទេសកម្ពុជា (NPIC) កាលពីព្រឹកថ្ងៃទី ១៣ ខែឧសភា ឆ្នាំ ២០២៥។ ជំនួបនេះដែរ គឺមុនពិធីបើកសម្ពោធដាក់ឲ្យដំណើរការ «រោងជាងឌីជីថល និងបញ្ញាសិប្បនិម្មិត» នៅវិទ្យាស្ថានជាតិពហុបច្ចេកទេសកម្ពុជា (NPIC)។

នាឱកាសនោះដែរ លោករដ្ឋមន្ត្រី បានជំរុញលើកទឹកចិត្តឲ្យភាគីចិនចូលរួមវិនិយោគបន្ថែមលើការកសាងធនធានជំនាញនៅកម្ពុជាបន្ថែមទៀត ដើម្បីអាចឲ្យកម្ពុជាមានសមត្ថភាពកាន់តែខ្ពស់ក្នុងការបង្កើនផលិតភាពការងារ និងរក្សាបានការទាក់ទាញការវិនិយោគបន្ថែមទៀតមកកម្ពុជា។

ជាមួយគ្នានេះ លោករដ្ឋមន្ត្រី បានលើកឡើងពីទស្សនៈរួមគ្នារវាងកម្ពុជា-ចិនលើការលើកកម្ពស់ និងអភិវឌ្ឍន៍សមត្ថភាពជំនាញធនធានមនុស្ស ក្រោមកិច្ចសហការរវាងក្រុមហ៊ុនឯកជនរបស់ចិន និងក្រសួងការងារ និងបណ្ដុះបណ្ដាលវិជ្ជាជីវៈកម្ពុជា។

ជាការឆ្លើយតប លោកអគ្គទីប្រឹក្សាទូត ZHAO HAIYAN ក៏បានបញ្ជាក់ថា រដ្ឋាភិបាលសាធារណរដ្ឋប្រជាមានិតចិន នៅតែជួយជ្រោមជ្រែង និងគាំទ្រទៅដល់ប្រជាពលរដ្ឋ និងប្រទេសកម្ពុជា ដើម្បីឲ្យកម្ពុជា កាន់តែរីកចម្រើនជាបន្តបន្ទាប់៕

សេចក្ដីជូនដំណឹង៦ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា