ព័ត៌មានជាតិ
សង្ស័យពុលត្រីខកំប៉ុង មនុស្ស៧នាក់ត្រូវបានបញ្ជូនទៅសង្គ្រោះភ្លាមៗ
មនុស្សក្មេង ចាស់ ចំនួន៧នាក់ ត្រូវបានអាជ្ញាធរមូលដ្ឋានបញ្ជូនទៅសង្គ្រោះភ្លាមៗ បន្ទាប់ពីមានអាការៈ ក្អួតចង្អោរ ទន់ដៃទន់ជើង ដែលគេសង្ស័យថា អាចបណ្ដាលមកពី ពុលត្រីខកំប៉ុង ខណៈសមត្ថកិច្ចកំពុងធ្វើការស្រាវជ្រាវ។
ករណីនេះ បានកើតឡើងកាលពីវេលាម៉ោង៦និង៣០នាទី ព្រលប់ថ្ងៃទី១ ខែមេសា ឆ្នាំ២០២១ ម្សិលមិញនេះ នៅចំណុចភូមិ ភិ ឃុំសេសាន្ត ស្រុកអូរយ៉ាដាវ ។
លោកវរសេនីយ៍ឯក សូ សំណាង អធិការនគរបាលស្រុកអូយ៉ាដាវ បានឲ្យដឹងថា ជនរងគ្រោះទាំង៧នាក់ទី១-ឈ្មោះ សល់ សី ភេទប្រុស អាយុ១៦ឆ្នាំ ទី២-ឈ្មោះសល់ ឡេស ភេទប្រុស អាយុ១៥ឆ្នាំ ទី៣-ឈ្មោះ សេវ លីន ភេទស្រី អាយុ១៤ឆ្នាំ ទី៤-ឈ្មោះ សល់ ញូន ភេទប្រុស អាយុ១៣ឆ្នាំ ទី៥-ឈ្មោះ សល់ ដានី ភេទស្រី អាយុ១១ឆ្នាំ ទី៦-ឈ្មោះសល់ សេ ភេទប្រុស អាយុ១៣ឆ្នាំ និងទី៧-ឈ្មោះ សល់ ព្រំ ភេទប្រុស អាយុ១២ឆ្នាំ ជាអ្នករស់នៅក្នុងភូមិ.ឃុំកើតហេតុជាមួយគ្នា។
លោកអធិការដ្ឋាននគរបាលស្រុកអូរយ៉ាដាវបានឲ្យដឹងទៀតថា នៅវេលាម៉ោង៦និង៣០នាទី លោកបានទទួលដំណឹងពីលោកមេភូមិ ភិ ថា មានករណីអ្នកហូបត្រីខពុល ដោយមានអាការៈវិលមុខ ក្អួតទន់ដៃទន់ជើង ហើយសុំការជួយអន្ដរាគមន៍មកលោកឲ្យជួយមកទទួលជនរងគ្រោះនៅចំណុចកំពុងចម្លង ភូមិ ភិ យកមកកាន់មណ្ឌលសុខភាព ស្រុកអូរយ៉ាដាវ។
លោកអធិការដ្ឋាននគរបាលស្រុកអូរយ៉ាដាវ បានបញ្ជាក់ទៀតថា នៅព្រឹកថ្ងៃទី២ ខែមេសា ឆ្នាំ២០២១ លោកចាត់ឲ្យមន្ត្រីរបស់លោកចុះទៅធ្វើកំណត់ហេតុ និងនាំយកសំបកកំប៉ុងត្រីខម៉ាក គឺហ្វខេន មកអធិការដ្ឋានដើម្បីពិនិត្យ។
លោកអធិការបានបញ្ជាក់បន្ថែមទៀតថា បច្ចុប្បន្ននេះពួកគាត់ទាំង៧នាក់បានធូរស្រាលខ្លះហើយ ប៉ុន្ដែគ្រូពេទ្យមិនទាន់អនុញ្ញាតឲ្យវិលត្រលប់ទៅផ្ទះវិញនៅឡើយទេ រង់ចាំតាមដានអាការៈបន្តទៀត៕
អត្ថបទ ៖ វុទ្ធឦសាន
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៩ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៧ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៥ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)