ព័ត៌មានជាតិ
អ្នកលក់ដូរតាមផ្សារ នឹងទទួលអាទិភាពចាក់វ៉ាក់សាំងកូវីដ១៩
សម្តេចតេជោហ៊ុន សែន នាយករដ្ឋមន្រ្តីកម្ពុជាបានប្រកាសមុននេះ ឲ្យគណៈកម្មការចំពោះកិច្ចរៀបចំក្នុងការចាក់វ៉ាក់សាំងលើអ្នករកស៊ីមុខរបរក្រៅប្រពន្ធនៅតាមទីផ្សារ មានអ្នកលក់ត្រី បន្លែសាច់ អ្នកដឹកជញ្ជូនផ្សេងៗ។
សម្តេចតេជោមានប្រសាសន៍ថា ភ្នំពេញបានក្លាយជាចំណុចក្តៅ នៃការឆ្លងរាលដាលនិងជាទីកន្លែងដែលត្រូវទប់ស្កាត់ការចម្លងកូវីដ ១៩។ គណៈកម្មការចំពោះកិច្ចដែលមានលោកជំទាវ ឱ វណ្ណឌីន និងលោកឃួន ស្រេង ត្រូវរៀបចំឲ្យបានឆាប់រហ័សបំផុត ដើម្បីចាក់វ៉ាក់សាំងកូវីដ ១៩ ដល់អ្នកលក់បន្លែបង្ការ អ្នករកស៉ី ដែលមានផលប៉ះពាល់ងាយឆ្លងក្នុងទីផ្សារ ហើយអ្នករត់កង់បី អ្នកតាក់ស៉ី អ្នកដឹកជញ្ជួនពីកន្លែងមួយទៅកាន់កន្លែងមួយត្រូវទទួលបានការចាក់ថ្នាំបង្ការ។
បើតាមប្រមុខរដ្ឋាភិបាល ផ្អែកលើកចំនួនវ៉ាក់សាំងដែលមានយ៉ាងហោចណាស់ អាចចាក់បាន ២០ ម៉ឺននាក់នៅរាជធានីភ្នំពេញ។
កម្ពុជាទើបតែទទួលបានវ៉ាក់សាំងស៊ីណូវ៉ាក់ចំនួន ១.៥លានដូស ដែលជាការបញ្ជាទិញផ្ទាល់ពីរាជរដ្ឋាភិបាលកម្ពុជា និង៧០ម៉ឺនដូសទៀតរបស់ក្រុមហ៊ុនស៊ីណូហ្វាម (៣០ម៉ឺនដូសសម្រាប់ក្រសួងការពារជាតិ និង៤០ម៉ឺនដូស សម្រាប់ក្រសួងសុខាភិបាល) ជាជំនួយពីរដ្ឋាភិបាលចិន កាលពីថ្ងៃ ៣១ មីនា ២០២១។
កម្ពុជាមានគម្រោងចាក់វ៉ាក់សាំងដល់ប្រជាពលរដ្ឋឱ្យបានរហូតដល់ជាង ១០លាននាក់។ ដើម្បីសម្រេចផែនការនេះ កម្ពុជាបានដាក់ចេញផែនការ និងកំពុងស្វះស្វែងរកវ៉ាក់សាំងជាបន្តបន្ទាប់ទៀតតាមរយៈប្រទេសជាមិត្ត និងតាមរយៈយន្តការខូវ៉ាក់៕
-
សេចក្ដីជូនដំណឹង៥ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៤ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច៦ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
កីឡា៧ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
សន្តិសុខសង្គម៥ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម
-
ព័ត៌មានអន្ដរជាតិ៦ ថ្ងៃ agoពូទីន គេចមិនឆ្លើយរឿងកាន់អំណាចដល់ឆ្នាំ២០៣៦ ហើយប្រាប់ថា «មានតែព្រះទេទើបដឹង»
-
ព័ត៌មានជាតិ៧ ថ្ងៃ agoសម្តេចធិបតី៖ ទម្លាប់ខ្ញុំវាយតម្លៃការងារផ្អែកលើលទ្ធផលជាក់ស្តែង មិនមើលតែរបាយការណ៍ល្អៗពីថ្នាក់ក្រោមនោះទេ
-
ព័ត៌មានជាតិ១ សប្តាហ៍ agoផ្លូវទៅតំបន់អេកូទេសចរណ៍អារ៉ែង ឈានទៅចាក់ក្រាលកៅស៊ូស្ទើរបញ្ចប់ ១០០%