ព័ត៌មានជាតិ

អាជ្ញាធរខណ្ឌទួលគោក ចុះពិនិត្យទីតាំងស្តុក និងក្លាសេផ្លែឈើ ១ កន្លែង ក្រោយមានការស្នើសុំពីប្រជាពលរដ្ឋ

បានផុស

៩ ខែ មុន

នៅ

ថ្ងៃអង្គារ ២២ កក្កដា ២០២៥

ដោយ

អាជ្ញាធរខណ្ឌទួលគោក បានដឹកនាំមន្ត្រីក្រោមឱវាទ ចុះពិនិត្យមើលទីតាំងស្តុក និងក្លាសេផ្លែឈើ ១ កន្លែង ដែលធ្វើឲ្យប៉ះពាល់ដល់ប្រជាពលរដ្ឋជាអ្នកជិតខាងមានជញ្ជាំងផ្ទះជាប់គ្នា។

ជាក់ស្ដែង លោក ស៊ឹម សុផង់ អភិបាលរង នៃគណៈអភិបាលខណ្ឌទួលគោក បានដឹកនាំវេទិកាសាធារណៈ ស្ថិតនៅភូមិ ៣ សង្កាត់បឹងសាឡាង ខណ្ឌទួលគោក រាជធានីភ្នំពេញ ដែលមានសមាសភាពចូលរួមសរុប ៦១ នាក់ ស្រី ៣៦ នាក់។ ក្នុងវេទិកានោះ មានសំណូមពរមួយរបស់អ្នកស្រី ប៉ូយ គឹមលន់ អាយុ ៨១ ឆ្នាំ ស្នាក់នៅផ្ទះលេខ ៦៨ ផ្លូវ ៣៧៩ ភូមិ ៣ ស្ដីពីបញ្ហាជ្រាបទឹកធ្ងន់ធ្ងរ ខូចជញ្ជាំងផ្ទះ ងាយពុកផុយ ដែលបង្កដោយទីតាំងបន្ទប់ស្តុក និងក្លាសេផ្លែឈើ ស្ថិតនៅផ្ទះជាប់គ្នា។

បន្ទាប់ពីបញ្ចប់វេទិកាសាធារណៈ លោកអភិបាលរងខណ្ឌទួលគោក បានដឹកនាំមន្ត្រីជំនាញ រួមជាមួយអាជ្ញាធរពាក់ព័ន្ធ ចុះពិនិត្យភ្លាមៗ ដើម្បីដោះស្រាយបញ្ហាជូនប្រជាពលរដ្ឋក្នុងមូលដ្ឋានឲ្យទាន់ពេលវេលា។

ក្នុងនោះដែរ បន្ទាប់ពីបានចុះត្រួតពិនិត្យទីតាំងជាក់ស្ដែងរួចហើយ លោកបានដាក់បទបញ្ជាឲ្យ លោក ហែន កន ចៅសង្កាត់បឹងសាឡាង និងលោក គឹម កូលីដូ នាយប៉ុស្តិ៍រដ្ឋបាលសង្កាត់ ចុះធ្វើកំណត់ហេតុបញ្ឈប់ ដោយទុករយៈពេល ១ ខែ ជាកំហិត៕

អត្ថបទ ៖ ម៉េង