ព័ត៌មានជាតិ

លោក ហេងសួរ ៖ មានកម្មករជិត៤០ម៉ឺននាក់បានស្ម័គ្រចិត្តចុះឈ្មោះចាក់វ៉ាក់សាំងកូវីដ១៩

បានផុស

៥ years មុន

នៅ

ថ្ងៃអង្គារ ៦ មេសា ២០២១

ដោយ

ភ្នំពេញ ៖ មន្ត្រីជាន់ខ្ពស់នៃក្រសួងការងារនិងបណ្តុះបណ្តាលវិជ្ជាជីវៈបានឲ្យដឹងថា គិតមកត្រឹមថ្ងៃទី០៥ ខែមេសា ឆ្នាំ២០២១នេះ មានកម្មករ កម្មការិនីប្រមាណជិត៤០ម៉ឺននាក់ហើយ បានស្ម័គ្រចិត្តចុះឈ្មោះ ចាក់វ៉ាក់សាំងការពារជំងឺកូវីដ-១៩។

លោក ហេងសួរ រដ្ឋលេខាធិការនិងជាប្រធានអនុគណៈកម្មការចំពោះកិច្ចចាក់វ៉ាក់សាំងកូវីដ១៩ជូនបងប្អូនកម្មករបានឲ្យដឹងថា នៅថ្ងៃ០៧មេសាស្អែកនេះ ក្រុមគ្រូពេទ្យនឹងចុះចាក់វ៉ាក់សាំងដល់បងប្អូនកម្មករចំនួន៣ទីតាំងធំៗទី១នៅសួនឧស្សាហកម្មកាណាឌីយ៉ាផ្លូវវេងស្រេង ទី២សួនឧស្សាហកម្មISIតំបន់រោងចក្រដំបូលខៀវ ផ្លូវវេងស្រេង និង ទី៣តំបន់សេដ្ឋកិច្ចពិសេសភ្នំពេញផ្លូវជាតិលេខ៤។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកបានបន្តថា សម្រាប់ថ្ងៃទី៩ ខែមេសា ២០២១នឹងបន្តចាក់ចំនួន៤ទីតាំងធំៗទៀតគឺទី១នៅសួនឧស្សាហកម្មវឌ្ឍនៈ ១ផ្លូវវេងស្រេងទី២ រោងចក្រសិនចូវផ្លូវវេងស្រេងទី៣សួនឧស្សាហកម្មវឌ្ឍន២ ផ្លូវជាតិលេខ៣និងរោងចក្រម៉ាវែល។

លោកបានបន្តទៀតថា យុទ្ធនាការចាក់វ៉ាក់សាំងនេះនឹងគ្រប់ដណ្តប់កម្មករប្រមាណ៧ម៉ឺននាក់ក្នុងនោះនៅតំបន់សេដ្ឋកិច្ចភ្នំពេញមានប្រមាណ៣ម៉ឺននាក់ តំបន់វឌ្ឍនៈ១ប្រមាណ១ម៉ឺននាក់និងតាមរោងចក្រផ្សេងៗទៀតនៅខណ្ឌឬស្សីកែវនិងខណ្ឌកំបូលខណៈបច្ចុ ប្បន្នក្រសួងមានវ៉ាក់សាំងស៊ីណូវ៉ាក់ក្នុងដៃប្រមាណ២០ម៉ឺសដូសសម្រាប់ចាក់ជួនកម្មករ។

លោកបានឲ្យដឹងទៀតថា ក្រសួងការងារមានក្រុមគ្រូពេទ្យចល័តចំនួន៦០ក្រុមក្នុង១ក្រុមចំនួន៨នាក់ដោយចាក់បាន៤០០ដូសក្នុង១ថ្ងៃ។ ក្នុងនោះគ្រូពេទ្យចំនួន៣០ក្រុមនឹងចល័តចាក់វ៉ាក់សាំងចំនួន២០ម៉ឺនដូសក្នុងមួយខែជូនបងប្អូនកម្មករនិយោជិតនៅតាមរោងចក្រសហគ្រាសក្នុងដែលរាជធានីភ្នំពេញ។

ដោយឡែកក្រុមគ្រូពេទ្យចំនួន៣០ក្រុមផ្សេងទៀតនិងចល័តចាក់វ៉ាក់សាំងជូនបងប្អូនកម្មករនិយោជិតនៅតាមរោងចក្រសហគ្រាសតាមបណ្តាលខេត្តផ្សេងទៀតតាមការចាំបាច់និងតាមចំនួនវ៉ាក់សាំងដែលមាន៕

ដោយ ៖ សំអឿន