ព័ត៌មានជាតិ

កម្មករ-កម្មការិនី រោងចក្រ “ឌីន ហាន” ដែលមិនព្រមទៅយកសំណាកកូវីដ-១៩ មិនត្រូវអនុញ្ញាតឲ្យ ចូលបម្រើធ្វើការវិញឡើយ

បានផុស

៥ years មុន

នៅ

ថ្ងៃព្រហស្បតិ៍ ៨ មេសា ២០២១

ដោយ

ភ្នំពេញ ៖ អាជ្ញាធររាជធានីភ្នំពេញបានសូមឲ្យបងប្អូនកម្មករ-កម្មការនី និង ក្រុមគ្រួសារ ឬ អ្នកស្នាក់នៅក្នុងទីសំណាក់តែមួយនៃរោងចក្រកាត់ដេរ “ឌីន ហាន” ដែលមិនទាន់បានអញ្ជើញទៅយកសំណាកត្រូវរួសរាន់ទៅយកសំណាងធ្វើតេស្តរកកូវីដ-១៩ ជាបន្ទាន់នៅវិទ្យាល័យបឹងត្របែក វិទ្យាល័យបាក់ទូក ឬ សាលាបឋមសិក្សាសុភមង្គល និង ត្រូវអនុវត្តវិធានការចត្តាឡីស័កក្នុងរយៈពេល១៤ថ្ងៃ ឲ្យបានត្រឹមត្រូវស្របតាមការណែនាំរបស់ក្រសួងសុខាភិបាល។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ចំពោះកម្មករកម្មការិនីទាំងឡាយណា ដែលមិនព្រមសហការទៅយកសំណាកកូវីដ-១៩ទៅតាមការណែនាំ រដ្ឋបាលរាជធានីភ្នំពេញ លើកទឹកចិត្តដល់វិនិយោគនិងអ្នកគ្រប់គ្រងរោងចក្រគឺមិនត្រូវអនុញ្ញាតឲ្យបុគ្គលិកទាំងនោះ ចូលបម្រើធ្វើការវិញឡើយនៅពេលដែលរោងចក្រនេះត្រូវបានដំណើរការឡើងវិញ។ នេះបើយោងតាមសេចក្តីជូនដំណឹងរបស់រដ្ឋបាលរាជធានីដែលសារព័ត៌មានយើងទទួលបាននៅយប់ថ្ងៃទី០៨ មេសានេះ៕

ដោយ ៖ ស្រីរ័ត្ន