ព័ត៌មានជាតិ
កំណត់ព្រំដីរមណីយដ្ឋានទីលានទាត់សី ឃុនឆាងឃុនផែន បង្ការការរំលោភបំពាន
អាជ្ញាធរស្រុកមណ្ឌលសីមា និងមន្ទីរវប្បធម៌ ខេត្តកោះកុង បានសម្រេចឯកភាពបោះបង្គោលកំណត់ព្រំដីរមណីយដ្ឋានទីលានទាត់សីឃុនឆាងឃុនផែនឱ្យបានរឹងមាំជាងមុន ដើម្បីបង្ការការលួចរំលោភបំពានយកដីធ្វើជាកម្មសិទ្ធិឯកជនទៅថ្ងៃអនាគត។
ផ្ទៃដីសរុបជាង១ហិចតារបស់រមណីដ្ឋានប្រវត្ថិសាស្រ្តទីលានទាត់សីឃុនឆាងឃុនផែន ស្ថិតនៅភូមិនាងកុក ឃុំប៉ាក់ខ្លង ត្រូវបានក្រុមមន្រ្តីជំនាញចុះវាស់វែងចុចនិយាមការបុរាណដ្ឋានដែលមានស្រាប់ ក្នុងគោលបំណងងាយស្រួលគ្រប់គ្រងជាទ្រព្យសម្បត្តិរដ្ឋ។
លោក ប្រាក់ វិចិត្រ អភិបាលស្រុកមណ្ឌលសីមា គូសបញ្ជាក់នៅរសៀលថ្ងៃទី៩ ខែមេសា ឆ្នាំ២០២១នេះថា ទីតាំងប្រវត្តិសាស្រ្តមួយនេះ បច្ចុប្បន្នពុំទាន់មានប្លង់កំណត់ច្បាស់លាស់នៅឡើយទេដែលអាចនឹងបាត់បង់ ឬរងការរំលោភបំពានយកធ្វើជាសម្បត្តិឯកជនក្នុងប្រការណាមួយបាន។
លោកអភិបាលស្រុក បន្តថា ដូច្នេះទើបរដ្ឋបាលស្រុក និងមន្ទីរវប្បធម៌ ស្រុះស្រួលគ្នាចុះវាស់វែងជាប្រព័ន្ធ ដើម្បីបញ្ចៀសមានទំនាស់ដីធ្លីរវាងពលរដ្ឋដែលមានដីធ្លីក្បែរនោះ។
ប្រធានមន្ទីរវប្បធម៌ និងវិចិត្រសិល្បៈ ខេត្តកោះកុងបានឲ្យដឹងដែរថា មន្ទីរមិនទាន់រៀបចំធ្វើប្លង់កម្មសិទិ្ធរបស់រដ្ឋបានត្រឹមត្រូវនៅឡើយចំពោះទីតាំងរមណីយ ដ្ឋានប្រវត្ថិសាស្រ្តមួយនេះ។
ហើយកាលពីអាណត្តិអតីតប្រធានមន្ទីរមុនៗ គឺពុំទាន់បានចុះបញ្ចីលក្ខណៈជាប្រព័ន្ធរបស់រដ្ឋបាលស្រុកទេ ដូច្នេះដើម្បីបង្ការទប់ស្កាត់ខ្លាចក្រែងមានការរំលោភបំពានយកធ្វើជាសម្បត្តិឯកជនទៅអនាគត ទើបលោកស្រីស្នើសុំទៅរដ្ឋបាលស្រុក និងមន្រ្តីការិយាល័យដែនដីស្រុកពិនិត្យវាស់វែងកំណត់ព្រំទល់ដីទាំងអស់គ្នា។
រមណីយដ្ឋានប្រវត្តិសាស្រ្តទីលានទាត់សី ឃុនឆាងឃុនផែន ជាទីតាំងគោរព សក្ការៈតាម សាសនា និងទាក់ទាញ ភ្ញៀវ ទេសចរមកលេងកម្សាន្ត។ មិនត្រឹមតែប៉ុណ្ណោះ អាចផ្តល់ប្រាក់ ចំណូល មួយចំនួនតូចជូនដល់អ្នកស្រុកតាមរយៈការលក់ដូរ ផលិតផលផ្សេងៗ៕
អត្ថបទៈ សិរីវឌ្ឍនៈ
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៥ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ