ព័ត៌មានជាតិ

ដំណាប់ស្វាយ និងស្វាយចន្ទី ចំណីអាហារពេញនិយមអ្នកដំណើរបរទេសឆ្លងកាត់ព្រលានតេជោ

បានផុស

១០ ខែ មុន

នៅ

ថ្ងៃពុធ ១ តុលា ២០២៥

ដោយ

ដំណាប់ស្វាយ និងស្វាយចន្ទី បានក្លាយជាចំណីដ៏ពេញនិយមសម្រាប់ភ្ញៀវបរទេសដែលធ្វើដំណើរឆ្លងកាត់អាកាសយានដ្ឋានអន្តរជាតិតេជោ។ នេះបើតាមបុគ្គលិកនៅហាង I LOVE CAMBODIA ដែលមានទីតាំងនៅក្នុងស្ថានីយអ្នកដំណើរក្នុងអាកាសយានដ្ឋានអន្តរជាតិតេជោ។

ដោយមានលក់ផលិតផលជាច្រើនទាំងវត្ថុអនុស្សាវរីយដូចជាសូត្រ ចម្លាក់ និងផលិតផលជាចំណីអាហារសុទ្ធតែជាផលិតផលក្នុងស្រុក កញ្ញា រ៉ូវេន ចាន់ណា បុគ្គលិកនៅហាង I LOVE CAMOBDDIA បានសង្កេតឃើញពីចំណូលចិត្តរបស់ភ្ញៀវទេសចរបរទេសលើផលិតផលខ្មែរ ជាពិសេសផលិតផលចំណីអាហារ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងចំណោមផលិតផលផ្នែកចំណីអាហារ កញ្ញាសង្កេតឃើញទេសចរបរទេសចូលចិត្តទិញដំណាប់ស្វាយ និងស្វាយចន្ទី ដោយសារងាយស្រួលទុកដាក់ ណាមួយមានរសជាតិឆ្ងាញ់ ដោយមិនបន្ថែមសារធាតុនាំឲ្យប៉ះពាល់សុខភាព។

ពាក់ព័ន្ធតម្លៃវិញ បុគ្គលិកហាង I LOVE CAMOBDDIA ដែលមានរហូតដល់ ៥ ទីតាំងក្នុងព្រលានអន្តរជាតិតេជោបានអះអាងថា ក៏មិនសូវថ្លៃជាងទីផ្សារខាងក្រៅនោះដែរ។ យ៉ាងណាមិញ បុគ្គលិករូបនេះលើកឡើងពីផលិតផលមួយចំនួនដូចជាសូត្រ ចម្លាក់ មានតម្លៃថ្លៃដោយសារជាវត្ថុធ្វើដោយដៃ និងចំណាយពេលយូរ៕