ព័ត៌មានជាតិ

មណ្ឌលពិព័រណ៍កោះពេជ្រ ត្រូវបានប្រើប្រាស់ជាមន្ទីរព្យាបាលអ្នកឆ្លងកូវីដ

បានផុស

៥ years មុន

នៅ

ថ្ងៃសៅរ៍ ១០ មេសា ២០២១

ដោយ

សម្តេចតេជោហ៊ុន សែន បានប្រកាសប្រើប្រាស់មណ្ទលពិព័រណ៌កោះពេជ្រ ធ្វើកន្លែងព្យាបាលអ្នកកើតជំងឺកូវីដកម្រិតស្រាល។

ការប្រកាសនៅព្រឹកមិញនេះ ស្របពេលប្រមុខរដ្ឋាភិបាលបានស្នើទៅអ្នកឧកញ៉ាពុង ឃាវសែ ដើម្បីប្រើប្រាស់អគារជាបន្ទាន់ សម្រាប់សម្រួលជាកន្លែងព្យាបាលអ្នកជំងឺកូវីដដែលកំពុងខ្វះខាត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រមុខរដ្ឋាភិបាលបានបន្តថា ក្រៅពីផ្តល់មណ្ទលពិព័រណ៌កោះពេជ្រដ៏ធំទូលាយប្រើប្រាស់ជាមន្ទីរព្យាបាល អ្នកឧកញ៉ាពុង ឃាវសែ ក៏ផ្តល់អគាររៀបមង្គលការនៅក្នុងទីក្រុងកោះពេជ្រ ក្នុងពេលចាំបាច់ដែលត្រូវប្រើប្រាស់។

គួរបញ្ជាក់ថា ដោយសារការកើនឡើងចំនួនអ្នកឆ្លងកូវីដ រដ្ឋាភិបាលប្រើប្រាស់សណ្ឋាគារ រួមសាលារៀនមួយចំនួនក្នុងរាជធានីភ្នំពេញ រៀបចំទទួលអ្នកឆ្លងកូវីដ ១៩។

អភិបាលនៃគណៈអភិបាលរាជធានីភ្នំពេញ លោកឃួង ស្រេង បានដឹកនាំអាជ្ញាធរនិងមន្ទីរសុខាភិបាល ចុះពិនិត្យទីតាំងវិទ្យាល័យជាស៊ីមសាមគ្គី ដោយមានរៀបចំលាងទឹកសំអាត ដាក់គ្រែពូក បំពាក់ កង្ហាររួចរាល់ដើម្បីត្រៀមទទួលអ្នកជំងឺមុនបញ្ជូនអ្នកជម្ងឺកូវីដ-១៩ មកសំរាកព្យាបាលខណៈដែលអ្នកជម្ងឺកូវីដ-១៩ រាប់រយនាក់ មិនទាន់មានកន្លែងសម្រាប់សំរាកព្យាបាលនៅឡើយ។

ក្រៅពីវិទ្យាល័យជាស៊ីមសាមគ្គី ស្ថិតនៅតាមបណ្តោយផ្លូវ២៧១ វិទ្យាល័យជម្ពូវ័នក៏នឹងត្រូវរៀបចំបន្តទៀត ទៅជាកន្លែងសម្រាប់សំរាកព្យាបាលជម្ងឺកូវីដ-១៩ ដូចនៅវិទ្យាល័យជាស៊ីម សាមគ្គីដែរ ដោយវិទ្យាល័យជម្ពូវ័ននេះមានចំនួន១៨០ គ្រែ៕

អត្ថបទ៖ ប៊ុណ្ណារ៉ា

Related Topics:កូវីដ-១៩