នយោបាយ
សម្តេច ហ៊ុន សែន ជំរុញអ្នកគាំទ្របក្សប្រជាជននៅអាមេរិកធ្វើបាតុកម្មសួរនាំរឿងចង់ឱ្យមានការដកសញ្ជាតិ
សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជានៅព្រឹកថ្ងៃអង្គារ ទី២៣ ខែវិច្ឆកានេះ បានសម្តែងនូវការហួសចិត្តដែលក្រុមប្រឆាំងមួយចំនួនបានស្នើឱ្យរដ្ឋាភិបាលអាមេរិកដកសញ្ជាតិពីប្រជាពលខ្មែរនៅអាមេរិកដែលគាំទ្ររដ្ឋាភិបាល និងគណបក្សប្រជាជនកម្ពុជា។ ចំពោះបញ្ហានេះ សម្តេចតេជោ បានជំរុញឱ្យប្រជាពលរដ្ឋនៅទីនោះ នាំគ្នាធ្វើបាតុកម្មទៅសួរនាំរដ្ឋាភិបាលអាមេរិកតែម្តងពីរឿងនេះ។
ពីវេទិកាសម្ពោធដាក់ឱ្យប្រើប្រាស់ជាផ្លូវការស្ពានឆ្លងទន្លេមេគង្គ ស្ពានមិត្តភាពកម្ពុជា-ចិន ស្ទឹងត្រង់-ក្រូចឆ្មារ សម្តេចនាយករដ្ឋមន្រ្តីហ៊ុន សែន បានលើកឡើងថា ប្រជាពលរដ្ឋខ្មែរដែលគាំទ្រគណបក្សប្រជាជនកម្ពុជានៅអាមេរិកគួរតែនាំគ្នាងើបឈរឡើង ហើយទៅតវ៉ាសួរនាំថ្នាក់ដឹកនាំអាមេរិកថា តើពិតជាមានការចង់ដកសញ្ជាតិមែន ឬអត់? សម្តេច ថា អ្នកដែលចង់ឱ្យអាមេរិកដកសញ្ជាតិពីខ្មែរដូចគ្នានេះ គឺពួកគេយល់ថា អាមេរិក និងចិន ជាសត្រូវនឹងគ្នា ហើយរដ្ឋាភិបាលកម្ពុជា និងចិនមានទំនាក់ទំនងល្អនឹងគ្នា។ ដូច្នេះហើយ បើអ្នកណាគាំទ្ររដ្ឋាភិបាលកម្ពុជា ប្រៀបដូចជាគាំទ្រចិនដែលជាសត្រូវរបស់អាមេរិកយ៉ាងអ៊ីចឹងដែរ។
ប៉ុន្តែ សម្តេចតេជោ បានគូសបញ្ជាក់ថា អ្នកទាំងអស់នោះ ស្គាល់មេដឹកនាំអាមេរិក និងចិនតិចពេកហើយ ព្រោះមេដឹកនាំទាំង២រូបនេះ នៅតែមានមធ្យោបាយ ដើម្បីរក្សាឱ្យបាននូវទំនាក់ទំនងនឹងគ្នា ត្បិតមានការប្រជែងឥទ្ធិពលគ្នាទៅវិញទៅមកឥតឈប់ឈរក្តី។ យ៉ាងណាក៏ដោយ សម្តេចនាយករដ្ឋមន្រ្តីហាក់មិនជឿឡើយថា រដ្ឋាភិបាលអាមេរិកធ្វើបែបនេះ ព្រោះថា បើអាមេរិកហ៊ានធ្វើបែបនេះមែន នោះ គឺអាមេរិកមិនមែនជាប្រទេសប្រជាធិបតេយ្យទៀតនោះទេ៕
អត្ថបទ៖ វណ្ណ សុគន្ធា
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ