ព័ត៌មានជាតិ
ប្រវត្តិ វីល្លៀម គ័ង ជីវិតតែលតោល ធ្លាប់ធ្វើការសំណង់ អ្នករត់តុក្នុងរង្គសាល
តាមបទសម្ភាសន៍មួយជាមួយវិទ្យុ VayoFm កាលអំឡុងឆ្នាំ២០២០ លោក សុខសុវណ្ណ វឌ្ឍនាសាប៊ុង ហៅ វីល្លៀម គ័ង បានរៀបរាប់ពីជីវប្រវត្តិជាក្មេងកំព្រាឪពុកម្ដាយ រស់នៅតែលតោល មានប្រវត្តិជាកម្មករសំណង់ រត់តុនៅហាងរង្គសាល រហូតក្លាយជាអ្នកនយោបាយ។
ក្នុងបទសម្ភាសន៍លោក សុខសុវណ្ណ វឌ្ឍនាសាប៊ុង បានឲ្យដឹងថា លោកកើតនៅថ្ងៃ ១៤ ខែ មីនា ឆ្នាំ ១៩៧៧ នៅខេត្តបាត់ដំបងនាសម័យកម្ពុជាប្រជាធិបតេយ្យ (ប៉ុលពត)។ ម្តាយរបស់លោកឈ្មោះ សុខ សុវណ្ណនារីកញ្ចរ៉ា និងឪពុកឈ្មោះ រស់ ស៊ីសុរិយាបុត្រ។
ម្ដាយរបស់លោកបានស្លាប់ក្រោយលោកកើតបានមួយសប្ដាហ៍ក្នុងជំនាន់ប៉ុលពត។ នៅឆ្នាំ ១៩៨២ ឪពុករបស់លោកក៏ស្លាប់ទៀត ដោយសារជំងឺ។ លោកបានរស់នៅជាមួយពូបង្កើតរហូតដល់ឆ្នាំ១៩៨៨ ពូរបស់លោករកស៊ីក្ស័យធន ក៏រត់ភៀសខ្លួនទៅក្រៅប្រទេសបាត់ទៅ ហើយលោកត្រូវបន្តស្នាក់នៅជាមួយព្រះសង្ឃពីឆ្នាំ១៩៨៨។
លោក វីល្លៀម គ័ង បានបញ្ចប់ការសិក្សាមធ្យមសិក្សាទុតិយភូមិនៅឆ្នាំ ១៩៩៥ និងបញ្ចប់បរិញ្ញាបត្រនីតិសាស្ត្រនៅឆ្នាំ២០០០។ អំឡុងពេលរៀននៅសាកលវិទ្យាល័យ លោកគ្មានប្រាក់ត្រូវបង្ខំចិត្តធ្វើជាអ្នករត់តុនៅរង្គសាល និងធ្វើកម្មករសំណង់។ បើតាមអតីតអ្នកនយោបាយវ័យក្មេងរូបនេះ មួយថ្ងៃលោកអាចគេងបានត្រឹម ៣ ម៉ោង ដោយសារលោកត្រូវធ្វើការចាប់ពីម៉ោង ៦យប់ដល់ម៉ោង ៣ភ្លឺរាល់ថ្ងៃ។
ក្នុងជីវិតខ្លួនត្រូវទីពឹងខ្លួន លោកត្រូវប្រឹងប្រែងដើម្បីរកប្រាក់ចិញ្ចឹមជីវីត និងធ្លាប់សរសេរអត្ថបទដើម្បីលក់ឲ្យកន្លែងនិពន្ធសៀវភៅថែមទៀតផង។
លោក សុខសុវណ្ណ វឌ្ឍនាសាប៊ុង ហៅក្រៅ វីល្លៀម គ័ង ត្រូវមហាជនស្គាល់តាមរយៈជាស្ថាបនិកនៃគណបក្សខ្មែរក្រោកដែលបានប្រឡូកក្នុងការបោះឆ្នោតក្នុងឆ្នាំ ២០១៨។ អ្នកនយោបាយរូបនេះក៏តែងតែបញ្ចេញមតិរិះគន់លើរឿងសង្គមតាមបណ្តាញ Social Media។ លោកបានក្លាយជាសមាជិកក្រុមឧត្តមក្រុមប្រឹក្សាពិគ្រោះ និងផ្តល់យោបល់ ដែលប្រមុខរដ្ឋាភិបាលបានផ្ដួចផ្ដើមគំនិតបង្កើតឡើងនៅឆ្នាំ២០១៨ ដោយផ្តល់ឱកាសឱ្យគណបក្សនយោបាយ ដែលបានចូលរួមបោះឆ្នោតទាំងអស់ ចូលរួមជាមួយរាជរដ្ឋាភិបាលផ្តល់មតិក្នុងភារកិច្ចសំខាន់ៗដើម្បីកសាងអភិវឌ្ឍជាតិ។
យ៉ាងណាមិញ ប្រមុខរដ្ឋស្តីទីសម្តេចវិបុលសេនាភក្តី សាយ ឈុំ កាលពីខែឧសភា ឆ្នាំ២០២០បានចុះហត្ថលេខាសម្រេចបញ្ចប់មុខតំណែងលោក សុខ សុវណ្ណ វឌ្ឍនាសាប៊ុង ពីសមាជិកនៃឧត្តមក្រុមប្រឹក្សាពិគ្រោះនិងផ្តល់យោបល់។ ការដកតំណែងនេះគឺកើតឡើងបន្ទាប់ពីលោកចុះទៅសិក្សាស្រាវជ្រាវអំពីវិវាទដីធ្លីមួយកន្លែងនៅស្រុកព្រៃនប់ខេត្តព្រះសីហនុ ហើយបានកើតមានបញ្ហាប្រទាំងប្រទើសជាមួយមន្ត្រីនៅខេត្តនោះ។
បើតាមលោក សុខសុវណ្ណ វឌ្ឍនាសាប៊ុង បានថ្លែងប្រាប់បណ្តាញព័ត៌មានក្នុងស្រុកថា លោកមិនបានដឹងអំពីមូលហេតុការដកតំណែងលោកពីសមាជិកឧត្តមក្រុមប្រឹក្សា និងពិគ្រោះយោបល់នោះទេ។
កាលពីម្សិលមិញនេះ កម្លាំងអាវុធហត្ថរាជធានីភ្នំពេញបានចាប់ឃាត់ខ្លួនមនុស្ស១២នាក់ ក្នុងនោះមាន លោក សុខសុវណ្ណ វឌ្ឍនាសាប៊ុង ហៅ វីល្លៀម គ័ង ប្រធានគណបក្សខ្មែរក្រោក ដែលសង្ស័យជាប់ពាក់ព័ន្ធករណីជាមួយក្រុមចោរប្លន់អ្នកលក់ឡេដ៏ល្បីឧកញ៉ា អ៊ាន សៀវម៉ី។ នៅក្នុងការបង្រ្កាបនេះ កម្លាំងអាវុធហត្ថរាជធានីភ្នំពេញ ដកហូតបានអាវុធវែងខ្លីមួយចំនួន និងគ្រឿងអលង្ការមួយចំនួន ដែលក្រុមចោរប្លន់បាន ស្ថិតនៅទីតាំងបុរី ប៉េងហួត ផ្លូវ៦០ម៉ែត្រ៕
អត្ថបទ៖ ប៊ុណ្ណារ៉ា
-
ព័ត៌មានជាតិ៧ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៧ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»