សម្តេច ហ៊ុន សែន ស្នើឲ្យអាស៊ានណាប៉ូល បន្តកិច្ចសហប្រតិបត្តិការដើម្បី ឲ្យអាស៊ានជាតំបន់គ្មានភេរវកម្ម

នៅក្នុងជំនួបជាមួយនឹងគណៈប្រតិភូអាស៊ានណាប៉ូលនៅព្រឹកថ្ងៃទី៣ មីនានេះ សម្ដេចអគ្គមហាសេនាបតីតេជោហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានស្នើឲ្យអាស៊ានណាប៉ូលបន្តកិច្ចសហប្រតិបត្តិការ ដើម្បីឲ្យអាស៊ានជាតំបន់សេរ៉ូភេរវកម្ម ។

នៅក្នុងជំនួបនេះ សម្តេចតេជោ ហ៊ុន សែន បានស្វាគមន៍ និងសម្ដែងនូវអំណរគុណចំពោះគណៈប្រតិភូអាស៊ានណាប៉ូលដែលបានអញ្ជើញមកចូលរួមក្នុងសន្និសីទអាស៊ានណាប៉ូលលើកទី ៤០ នៅរាជធានីភ្នំពេញ ។ ជាពិសេសនៅក្នុងពេលដែលកូវីដ19 កំពុងរាតត្បាតពិភពលោកនេះ សម្តេចតេជោ ក៏បានមានប្រសាសន៍ថាកម្ពុជា ជាប្រទេសមួយដែលរងគ្រោះដោយសារការរាតត្បាតនៃកូវីដ១៩ ប៉ុន្តែដោយសារការចាក់ស្រោចវ៉ាក់សាំងទៅដល់ប្រជាពលរដ្ឋដែលរស់នៅក្នុងប្រទេសកម្ពុជារាប់ទាំងជនបរទេសផងដែរ ធ្វើឲ្យកម្ពុជាអាចបើកប្រទេសឡើងវិញកាលពីថ្ងៃទី ១ ខែវិច្ឆិកាឆ្នាំ ២០២១ កន្លងទៅ។

សម្ដេចតេជោ ក៏បានសម្តែងការរីករាយចំពោះកិច្ចសហប្រតិបត្តិការរវាងអាស៊ានណាប៉ូល ដែលអាចទប់ស្កាត់នូវអំពើភេរវកម្មបានទាន់ពេលវេលា ។ សម្ដេចបានលើកទឹកចិត្តឲ្យគណៈប្រតិភូអាស៊ានណាប៉ូលទាំងអស់រួមសហការគ្នា ដើម្បីទប់ស្កាត់ឲ្យខានតែបាននូវអំពើភេរវកម្មទាំងឡាយណា ក្នុងគោលបំណងប្រែក្លាយអាស៊ានឲ្យទៅជាអាស៊ានសេរ៉ូភេរវកម្ម ។

ជាមួយគ្នានេះ សម្ដេចតេជោ ក៏បានស្នើឱ្យអាស៊ានណាប៉ូលពិនិត្យលទ្ធភាពចែករំលែកនូវបទពិសោធន៍ព័ត៌មាន ហើយក៏ចង់ឲ្យអាស៊ានណាប៉ូលក្លាយជាឯកអគ្គរដ្ឋទូតសម្រាប់ពង្រឹងពង្រីកទំនាក់ទំនងរវាងប្រទេសនិងប្រទេសផងនិងជំរុញពាណិជ្ជកម្មនៅក្នុងតំបន់។ សម្ដេចតេជោហ៊ុន សែន ក៏បានថ្លែងអំណរគុណដល់គណៈប្រតិភូអាស៊ានណាប៉ូលទាំងអស់ ហើយសង្ឃឹមថា ប្រតិភូអាស៊ីណាប៉ូលទាំងអស់ នឹងចូលរួមធ្វើឲ្យសន្និ សីទនេះទទួលបានជោគជ័យ។

ជាការឆ្លើយតបគណប្រតិភូអាស៊ីណាប៉ូល បានប្ដេជ្ញាអនុវត្តតាមអនុសាសន៍របស់សម្ដេចតេជោផង និងប្រឹងប្រែងធ្វើយ៉ាងណាប្រែក្លាយតំបន់ធ្វើយ៉ាងណាប្រែក្លាយតំបន់ឱ្យក្លាយជាតំបន់កិច្ចសហប្រតិបត្តិការប្រកប​ដោយសុខដុមបនីយកម្ម ភាតរៈភាពនិងសន្តិភាព៕

ដោយ ៖ ណារី