នយោបាយ
ប្រមុខដឹកនាំកម្ពុជា មិនជឿឡើយថា រុស្ស៊ី អាចវាយយកក្រុងគៀវរបស់អ៊ុយក្រែនបាន
សង្រ្គាមឈ្លានពានរបស់រុស្ស៊ីនៅក្នុងប្រទេសអ៊ុយក្រែន បានអូសបន្លាយជាង១ខែមកហើយគិតដល់ពេលនេះ ប៉ុន្តែកងទ័ពរុស្ស៊ីមិនទាន់អាចវាយគ្រប់គ្រងទីក្រុងគៀវបាននៅឡើយទេ។ ប្រមុខរាជរដ្ឋាភិបាលកម្ពុជា សម្តេចតេជោ ហ៊ុន សែន បានអះអាងថា សម្តេចមិនជឿឡើយថា កងទ័ពរុស្ស៊ីអាចវាយដណ្តើមកាន់កាប់ទីក្រុងគៀវបាន ព្រោះវាមិនងាយស្រួលក្នុងការវាយយកឡើយ។
នៅចំពោះឯកអគ្គរដ្ឋទូតកូរ៉េខាងត្បូងប្រចាំនៅកម្ពុជាក្នុងពិធីសម្ពោធដាក់ឱ្យប្រើប្រាស់ជាផ្លូវការ អគារមជ្ឈមណ្ឌលត្រចៀក ច្រមុះ បំពង់ក នៃមនី្ទរពេទ្យព្រះអង្គឌួង នាព្រឹកថ្ងៃចន្ទនេះ សម្តេចតេជោ ហ៊ុន សែន បានអះអាងថា៖ «សម្រាប់ខ្ញុំ ខ្ញុំយល់ឃើញថា មិនមែនជារឿងងាយស្រួលរុស្ស៊ីវាយចូលអ៊ុយក្រែនទៅយកក្រុងគៀវបានភ្លាមៗទេ ឥឡូវជាង១ខែហើយ វាយយកអត់បានទេ។ ខ្ញុំមិនជឿថា វាយយកបាន ខ្ញុំអត់ជឿទេ ហើយខ្ញុំមិនជឿថា រុស្ស៊ីអាចរំលាយរដ្ឋាភិបាលបាលអ៊ុយក្រែនបានទេ បើទោះបីវាយចូលក្រុងគៀវបានក៏ដោយ ក៏មិនអាចរំលាយរដ្ឋាភិបាលអ៊ុយក្រែន ឬប្រជាជាតិអ៊ុយក្រែនបានដែរ»។
បើតាមសម្តេចនាយករដ្ឋន្រ្តី បើទោះបីស្លាប់ប្រធានាធិបតី ឫនាយករដ្ឋមន្រ្តីមួយ ក៏ប្រទេសអ៊ុយក្រែននៅមានមនុស្សជាង៤០នាក់ទៀត ដើម្បីប្រឆាំងនឹងរុស្ស៊ីដែរ។ សម្តេចតេជោ បានគូសបញ្ជាក់ឲ្យដឹងថា អ៊ុយក្រែនមានកម្លាំងទ័ពសកម្មប្រមាណ២០ម៉ឺននាក់ ហើយមកដល់ពេលនេះ គឺមិនទាន់មានការបែកបាក់កម្លាំងណាមួយធ្ងន់ធ្ងរឡើយ។ នេះ មិនទាន់គិតដល់កម្លាំងទ័ពបម្រុងដែលបានបំពាក់អាវុធបន្ថែមផងទេ។ បន្ថែមលើនេះ អ៊ុយក្រែនក៏មានរថក្រោះ អាវុធប្រឆាំងនឹងរថក្រោះ និងមានកាំភ្លើងសម្រាប់ទប់ទល់នឹងរុស្ស៊ី ដែលធ្វើឲ្យរុស្ស៊ី មិនងាយនឹងវាយផ្តួលរលំអ៊ុយក្រែនបាន។ នេះបើតាមសម្តេចតេជោនាយករដ្ឋមន្រ្តីដដែល។
សម្រាប់សម្តេចតេជោ ហ៊ុន សែន បញ្ហាសង្រ្គាមរុស្ស៊ីនៅអ៊ុយក្រែននេះ គឺមានតែជម្រើសឈប់បាញ់ និងឈានទៅមានកិច្ចព្រមព្រៀងមួយដែលអាចទទួលយកបានរវាងរុស្ស៊ី និងអ៊ុយក្រែនប៉ុណ្ណោះ ទើបអាចបញ្ចប់សង្រ្គាមបាន។ សម្តេចបានគូសបញ្ជាក់ជាថ្មីថា សង្រ្គាម មិនអាចបញ្ចប់សង្រ្គាមបាននោះនោះទេ៕
ដោយ ៖ វណ្ណ សុគន្ធា
-
ព័ត៌មានជាតិ៦ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៤ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៤ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ចរាចរណ៍៤ ម៉ោង ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ៤ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
សេដ្ឋកិច្ច៥ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៤ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
ព័ត៌មានអន្ដរជាតិ២ ថ្ងៃ ago
លម្អិតហេតុការណ៍រន្ធត់ កប៉ាល់ដឹកកុងតឺន័រ បុកបាក់ស្ពាននៅទីក្រុង Baltimore