នយោបាយ
លោក ខៀវ សុភ័គ ៖ លោក សុន ឆ័យ ដឹងច្បាស់ហើយ ប្រសិនបើមិនអនុវត្តតាមសេចក្តីជូនដំណឹងក្រសួងមហាផ្ទៃ
លោក ខៀវ សុភ័គ អ្នកនាំពាក្យក្រសួងមហាផ្ទៃបានអះអាងថា អ្វីដែលគណបក្សភ្លើងទៀនបានធ្វើ គឺខុសទៅនឹងលក្ខន្តិកៈរបស់គណបក្សដែលបានតម្កល់ទុកនៅក្រសួងមហាផ្ទៃ ហើយករណីនេះគណបក្សភ្លើងទៀន ក៏មានអ្នកច្បាប់ ជាពិសេសលោក សុន ឆ័យ នឹងដឹងដោយខ្លួនឯងថា ប្រសិនបើមិនអនុវត្តតាមសេចក្តីជូនដំណឹងនេះ។
នៅថ្ងៃនេះក្រសួងមហាផ្ទៃ បានស្នើឲ្យគណបក្សភ្លើងទៀន ពិនិត្យមើលឡើងវិញ ចំពោះការតែងតាំងលោក សុន ឆ័យ ជាអនុប្រធានគណបក្សភ្លើងទៀន ដោយសំអាងថា ការតែងតាំងនោះផ្ទុយនឹងប្រការ២០ និងប្រការ៣៣ នៃលក្ខន្តិកៈគណបក្ស ដែលបានតម្កល់ទុកនៅក្រសួងមហាផ្ទៃ។
លោក ខៀវ សុភ័គ អ្នកនាំពាក្យក្រសួងមហាផ្ទៃបានថ្លែងប្រាប់កម្ពុជាថ្មីនារសៀលថ្ងៃទី២៥ ខែឧសភា ឆ្នាំ២០២២នេះថា ការតែងតាំងនេះ ទី១គឺខុសទៅនឹងលក្ខន្តិកៈរបស់គណបក្ស ដែលបានតម្កល់ទុកនៅក្រសួងមហាផ្ទៃ ហើយទី២ ខុសពីច្បាប់ ស្ដីពីគណបក្សនយោបាយ ដែលតម្រូវឲ្យគណបក្សនយោបាយធ្វើសេចក្តីរាយការណ៍។ បើតាមលោក ខៀវ សុភ័គ ករណីនេះគណបក្សភ្លើងទៀន ក៏មានអ្នកច្បាប់ដែរ ដូច្នេះនឹងចេះដឹងអំពីនីតិវិធីនេះ ជាពិសេសលោក សុន ឆ័យ តែម្ដង នឹងដឹងដោយខ្លួនឯងថា ប្រសិនបើមិនអនុវត្តតាមសេចក្តីជូនដំណឹងនេះ នឹងមានលទ្ធផលបែបម៉េច។
យោងតាមលិខិតរបស់សម្ដេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ ដែលផ្ញើជូនលោក ទាវ វណ្ណុល ប្រធានគណបក្សភ្លើងទៀន នៅថ្ងៃទី២៥ ខែឧសភា ឆ្នាំ ២០២២នេះ បានលើកឡើងថា ក្រសួងមហាផ្ទៃបានពិនិត្យឃើញថា ការសម្រេចតែងតាំងលោក សុន ឆ័យ ជាអនុប្រធានគណបក្សភ្លើងទៀន តាមរយៈសេចក្ដីសម្រេចដូចចុះយោងខាងលើ គឺជាការអនុវត្តផ្ទុយនឹងប្រការ២០ និងប្រការ ៣៣ នៃលក្ខន្តិកៈគណបក្ស ដែលបានតម្កល់ទុកនៅក្រសួងមហាផ្ទៃ និងលិខិតលេខ៥៧៩ សជណ ចុះថ្ងៃទី០៩ ខែមីនា ឆ្នាំ២០២២ របស់ក្រសួងមហាផ្ទៃ ព្រមទាំងបញ្ញត្តិមាត្រា២៦ថ្មី នៃច្បាប់ ស្ដីពីគណបក្សនយោបាយ។ ដូច្នេះក្រសួងមហាផ្ទៃ ស្នើឲ្យគណបក្សភ្លើងទៀន ត្រូវពិនិត្យឡើងវិញ និងអនុវត្តតាមលក្ខិន្តិកៈគណបក្ស ដែលបានតម្កល់ទុកនៅក្រសួងមហាផ្ទៃ និងបទប្បញ្ញត្តិ នៃច្បាប់ស្ដីពីគណបក្សនយោបាយ។
យោងតាមលក្ខន្តិកៈគណបក្សភ្លើងទៀន ដេលបានតម្កល់ទុកនៅក្រសួងមហាផ្ទៃ ត្រង់ប្រការ២០ បានសរសេរថា សមាជគណបក្ស គឺជាស្ថាប័នកំពូលរបស់គណបក្ស។ សមាជិកចូលរួមដោយប្រតិភូតំណាងសមាជិកគណបក្ស។ សមាជកំណត់ទិសដៅ និងនយោបាយរបស់គណបក្សហើយអនុម័តលើសេចក្តីសម្រេចសំខាន់ៗ ដែលគណៈកម្មាធិការនាយកដាក់ជូន។
សមាជជ្រើសតាំងប្រធានគណបក្សតាមរយៈការបោះឆ្នោតដោយមតិភាគច្រើនដាច់ខាត (៥០ភាគរយ បូក១) នៃសមាជិកវត្តមាន។
សមាជបោះឆ្នោតជ្រើសតាំងសមាជិកគណៈកម្មាធិការនាយកគណបក្ស ដោយមតិភាគច្រើនដាច់ខាត (៥០ភាគរយ បូក១) នៃសមាជនៃសមាជិកវត្តមាន។
សិទ្ធិ និងនីតិវិធីនៃការបោះឆ្នោតជ្រើសតាំងប្រធានគណបក្ស និងសមាជិកគណៈកម្មាធិការនាយកមានចែងក្នុងបទបញ្ជាផ្ទៃក្នុងគណបក្ស។ សមាជិកអាចធ្វើការកែទម្រង់រចនាសម្ព័ន្ធរបស់គណបក្ស។
ចំណែកប្រការ៣៣ បានបញ្ជាក់ថា ប្រធានគណបក្សតែងតាំងអនុប្រធានយ៉ាងតិចមួយរូបក្នុងចំណោមសមាជិក គណៈកម្មាធិការនាយក បន្ទាប់ពីមានការយល់ព្រមពីមតិភាគច្រើនដាច់ខាត នៃគណៈកម្មាធិការនាយកសម្រាប់អាណត្តិប្រាំឆ្នាំ។ អនុប្រធានគណបក្សទទួលដឹកនាំការងារគណបក្ស តាមការកំណត់របស់ប្រធាន។ នៅពេលអវត្តមានរបស់ប្រធានគណបក្ស អនុប្រធានមួយរូបត្រូវបានប្រគល់សិទ្ធិដោយប្រធាន ជាប្រធានស្តីទីគណបក្ស។
រីឯមាត្រា២៦ ថ្មីនៃច្បាប់ស្ដីពីគណបក្សនយោបាយបានបញ្ជាក់ថា គណបក្សនយោបាយដែលបានចុះបញ្ជីរួចហើយ ត្រូវបញ្ជូនទៅក្រសួងមហាផ្ទៃ នូវបញ្ជីឈ្មោះប្រធាន និងអនុប្រធាន នៃគណបក្សនយោបាយ ក្នុងករណីដែលមានអនុប្រធាន និងសមាសភាព នៃគណៈកម្មាធិការនាយក ឬគណៈកម្មាធិការអចិន្ត្រៃយ៍ ឬអង្គការសមូល នឹងគណៈកម្មាធិការនាយក ឬគណៈកម្មាធិការអចិន្ត្រៃយ៍ នៃគណបក្សនយោបាយ ដោយភ្ជាប់មកជាមួយនូវជីវប្រវត្តិសង្ខេប ដែលបិទរូបថតទំហំ៤ គុណនឹង៦។
ការផ្លាស់ប្ដូរប្រធាន ឬអនុប្រធាន គណបក្សនយោបាយ ឬសមាសភាព នៃគណៈកម្មាធិការនាយក ឬគណៈកម្មាធិការអចិន្ត្រៃយ៍ ឬអង្គការសមូល និងគណៈកម្មាធិការនាយក ឬគណៈកម្មាធិការអចិន្ត្រៃយ៍ នៃគណបក្សនយោបាយ ត្រូវជូនដំណឹងជាលាយលក្ខណ៍អក្សរទៅក្រសួងមហាផ្ទៃ ដោយភ្ជាប់មកជាមួយនូវជីវប្រវត្តិសង្ខេបរបស់សមាសភាពថ្មី ដែលមានបិទរូបថតទំហំ៤ គុណនឹង៦៕
ដោយ ៖ កោះកែវ
Update! សង្ស័យផ្ដើមពីផ្ទុះធុងហ្គាស ទើបឆេះឃ្លាំងរោងចក្រ៣ រាលដាលដល់ផ្ទះពលរដ្ឋ០៤ខ្នង
ព្រឹត្តិការណ៍ “សង្ក្រាន្តវត្តភ្នំ” ៣ថ្ងៃមានរៀបចំកម្មវិធីបែបប្រពៃណីជាតិ និងកម្មវិធី កម្សាន្តសប្បាយជាច្រើន
អ្នកវិភាគ និងអ្នកឃ្លាំមើល៖ នាយករដ្ឋមន្ត្រីកម្ពុជាតែងផ្ដល់អាទិភាពខ្ពស់ ចំពោះសុខទុក្ខប្រជាពលរដ្ឋ
លោក Munoz និយាយពីកីឡាករចំណូលថ្មី ក្រោយរកបាន Hat-trick
កូនខ្មែរដំបូង! បង្កើតចង្វាក់ថ្មី KHMER VIBE កំពូលតារាចម្រៀងឧកញ៉ា ខេមរៈ សិរីមន្ត និងស្ដេចភ្លេង tempo tris បង្កើតស្នាដៃដ៏អស្ចារ្យនេះ
និស្សិតពេទ្យដ៏ស្រស់ស្អាតជិតទទួលសញ្ញាបត្រ ស្លាប់ជាមួយសមាជិកគ្រួសារក្នុងអគាររលំដោយរញ្ជួយដី
ក្រោយមរណភាពបងប្រុស ទើបសម្ដេចតេជោ ដឹងថា កូនស្រីម្នាក់របស់ឯកឧត្តម ហ៊ុន សាន គ្មានផ្ទះផ្ទាល់ខ្លួននៅ
នគរបាលឡោមព័ទ្ធខុនដូមួយកន្លែងទាំងយប់ ឃាត់ជនបរទេសប្រុសស្រីជាង ១០០នាក់
រថភ្លើងដឹកស្រូវក្រឡាប់ធ្លាក់ចេញពីផ្លូវ នៅស្រុកថ្មគោល
ផ្ទុះបំពង់បង្ហូរឧស្ម័ននៅម៉ាឡេស៊ី បណ្ដាលឲ្យរបួសមនុស្ស២៥នាក់
-
ព័ត៌មានអន្ដរជាតិ៤ ថ្ងៃ agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៦ ម៉ោង agoនិស្សិតពេទ្យដ៏ស្រស់ស្អាតជិតទទួលសញ្ញាបត្រ ស្លាប់ជាមួយសមាជិកគ្រួសារក្នុងអគាររលំដោយរញ្ជួយដី
-
ព័ត៌មានជាតិ៦ ម៉ោង agoក្រោយមរណភាពបងប្រុស ទើបសម្ដេចតេជោ ដឹងថា កូនស្រីម្នាក់របស់ឯកឧត្តម ហ៊ុន សាន គ្មានផ្ទះផ្ទាល់ខ្លួននៅ
-
សន្តិសុខសង្គម៦ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ១ សប្តាហ៍ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ៥ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ១ សប្តាហ៍ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
សន្តិសុខសង្គម២៣ ម៉ោង agoនគរបាលឡោមព័ទ្ធខុនដូមួយកន្លែងទាំងយប់ ឃាត់ជនបរទេសប្រុសស្រីជាង ១០០នាក់