Connect with us

នយោបាយ

មន្រ្តីការបរទេសជាន់ខ្ពស់អាមេរិក នឹងមកទស្សនកិច្ចនៅកម្ពុជា២ថ្ងៃ ដើម្បីជជែកពីទំនាក់ទំនងទ្វេភាគី

បានផុស

នៅ

លោក Daniel J. Kritenbrink ឧបការីរដ្ឋមន្រ្តីក្រសួងការបរទេសសហរដ្ឋអាមេរិក នឹងធ្វើទស្សនកិច្ច​នៅកម្ពុជារយៈពេល២ថ្ងៃ គឺនៅថ្ងៃទី ១២ ខែកក្កដានេះ និងថ្ងៃទី ១៣ ខែកក្កដា ឆ្នាំ២០២២។ នេះបើតាមការបញ្ជាក់ឲ្យដឹងរបស់ស្ថានទូតអាមេរិកប្រចាំនៅប្រទេសកម្ពុជានាព្រឹកថ្ងៃអង្គារនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើតាមស្ថានទូតអាមេរិកដដែល គឺពេលនៅក្នុងប្រទេសកម្ពុជា លោក Daniel J. Kritenbrink នឹងជួបជាមួយលោក ប្រាក់ សុខុន ឧបនាយករដ្ឋមន្រ្តី និងជារដ្ឋមន្រ្តីក្រសួងការបរទេស និងមន្រ្តីជាន់ខ្ពស់ដទៃទៀត ដើម្បីពិភាក្សាពីទំនាក់ទំនងទ្វេភាគី ការគាំទ្ររបស់សហរដ្ឋអាមេរិក​ចំពោះកម្ពុជា ក្នុងនាមជាប្រធានអាស៊ាន និងបញ្ហាក្នុងតំបន់ និងក្នុងសាកលលោក។ ជាមួយគ្នានេះ លោកក៏នឹងជួបជាមួយក្រុមយុវជន និងថ្នាក់ដឹកនាំអង្គការសង្គមស៊ីវិលមួយចំនួនទៀតផងដែរ។

បន្តពីប្រទេសកម្ពុជា លោក Daniel J. Kritenbrink នឹងទៅធ្វើទស្សនកិច្ចនៅក្នុងប្រទេសជប៉ុន ដើម្បីគោរពវិញ្ញាណក្ខន្ធសពលោក ហ្សិនហ្សូ អាបេ អតីតនាយករដ្ឋមន្រ្តីជប៉ុនដែលទើបត្រូវបានគេធ្វើឃាត និងជួបជាមួយមន្រ្តីជាន់ខ្ពស់ជប៉ុនដទៃទៀត ដើម្បីជជែកពីបញ្ហាទំនាក់ទំនងទ្វេភាគី បញ្ហានៅក្នុងតំបន់ និងបញ្ហានៅក្នុងពិភពលោក៕

ដោយ៖ វណ្ណ​ សុគន្ធា

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម