នយោបាយ
លោក សួន សេរីរដ្ឋា៖ ការការពារសន្តិភាព គឺជាកាតព្វកិច្ចរបស់ពលរដ្ឋគ្រប់គ្នា
ប្រធានវេទិកាសន្តិភាពកម្ពុជា លោក សួន សេរីរដ្ឋា បានមានប្រសាសន៍មកកាន់ “កម្ពុជាថ្មី” ថា សន្តិភាព គឺមិនមែនទទួលបានដោយងាយស្រួលឡើយ។ ដូច្នេះហើយ នៅក្នុងប្រទេសមួយដែលមានសន្តិភាព ប្រជាពលរដ្ឋគ្រប់រូប គួរគប្បីចូលរួមការពារសន្តិភាពទាំងអស់គ្នា មិនមែនចាំបាច់តែជាតួនាទីរបស់នរណាម្នាក់ឡើយ។
លោក សួន សេរីរដ្ឋា បានថ្លែងបែបនេះ ក្រោយពីប្រទេសផ្សេងៗក្នុងពិភពលោក មានប្រទេសខ្លះកំពុងជួប នូវវិបត្តិសង្គ្រាមរ៉ាំរៃ ដូចជាសង្គ្រាមនៅរស្ស៊ី និងអ៊ុយក្រែន ស្របពេលដែលកម្ពុជាមានសន្តិភាពពេញលេញ គ្មានសង្រ្គាម គ្មានជម្លោះ។ សន្តិភាពដែលកម្ពុជាមាននៅពេលនេះ គឺក្រោមការស្វែងរកដោយលះបង់សាច់ស្រស់ ឈាមស្រស់របស់សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា។
ទោះបីជាប្រទេសមានសន្តិភាពយ៉ាងណាក៏ដោយ ក៏ត្រូវការឱ្យមានការរក្សាពីសំណាក់ជនរួមជាតិគ្រប់រូប មិនថាជាយុវជន ឬស្ថិតក្នុងវ័យណាឡើយ ពោល គឺគ្រប់កោសិកានៃធនធានមនុស្សគួរស្វែងយល់ឱ្យច្បាស់ពីប្រវត្តិនៃអតីតកាលសង្គ្រាមដែលកម្ពុជាធ្លាប់ឆ្លងកាត់ ហើយពង្រឹងខ្លួនឯងឱ្យក្លាយជាអ្នកការពារសន្តិភាពមួយរូប។ នេះបើតាមការអះអាងរបស់លោក សួន សេរីរដ្ឋា។
លោកអះអាងទៀតថា៖ “ការការពារសន្តិភាពជាកាតព្វកិច្ចរបស់ពលរដ្ឋខ្មែរ ទាំងក្មេង ទាំងចាស់ ទាំងប្រុសទាំងស្រី។ ខ្ញុំអាចនិយាយបានថា ជាខ្មែរកើតមកលើមាតុភូមិខ្មែរ មានកំណើតភ្លាមគឺជាកោសិកា ការពារសន្តិភាពមួយ ចឹងយើងត្រូវបណ្តុះនូវវប្បធម៌ហ្នឹង។ ក្នុងនាមជាឳពុកម្តាយ ត្រូវនិយាយប្រាប់កូន ឱ្យយល់ពីប្រវត្តិនៃប្រទេសឆ្លងកាត់សង្រ្គាមមានភាពលំបាកវេទនាយ៉ាងម៉េច។ អ៊ីចឹងកាលណាកូនខ្មែរយល់ និងដឹងគុណសន្តិភាព យើងចាប់ផ្តើមមានភាពរឹងមាំក្នុងការការពារសន្តិភាពហើយ ”។
គួររំលឹកថា ក្រោមការដឹកនាំស្វែងរកសន្តិភាពរបស់សម្តេចតេជោ ហ៊ុន សែន នាយករដ្ឋមន្ត្រីកម្ពុជាចាប់តាំងពីឆ្នាំ១៩៩៨មក គឺមានរយៈ ២៣ឆ្នាំហើយដែលកម្ពុជាមិនធ្លាប់មានសង្រ្គាម ឬជម្លោះធំដុំ ធ្ងន់ធ្ងរជាមួយប្រទេសណាឡើយ គឺកម្ពុជាស្គាល់តែសន្តិភាព និងភាពរីកចម្រើននៅក្នុងប្រទេស៕
អត្ថបទ៖ អុន ស្រីមាន
-
ព័ត៌មានជាតិ៣ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ១៣ ម៉ោង ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ៥ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៦ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៥ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សន្តិសុខសង្គម២ ថ្ងៃ ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
សន្តិសុខសង្គម២១ ម៉ោង ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល
-
ព័ត៌មានជាតិ១ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ