ព័ត៌មានជាតិ
អភិបាលខេត្តកំពង់ស្ពឺ ជំរុញអ្នកវិនិយោគសាងសង់ផ្ទះតម្លៃសមរម្យសម្រាប់លក់ឱ្យកម្មករ
ស្របពេលដែលកំណើនរោងចក្រសហគ្រាសកើនឡើងច្រើននៅខេត្តកំពង់ស្ពឺ ធ្វើឱ្យមានតម្រូវការកម្លាំងពលកម្មកើនឡើងច្រើនផងដែរ។ ទន្ទឹមនឹងការកើនឡើងនៃកម្លាំងពលកម្មនេះ តម្រូវការកន្លែងស្នាក់នៅកំពុងខ្វះខាត ដែលទាមទារឱ្យមានការអភិវឌ្ឍសាងសង់លំនៅឋានតម្លៃសមរម្យសម្រាប់លក់ឱ្យកម្មករ។
![](https://www.kampucheathmey.com/wp-content/uploads/2023/03/november-activities-update-27.jpg)
លោក វ៉ី សំណាង អភិបាលខេត្តកំពង់ស្ពឺ បានជំរុញឱ្យអ្នកវិនិយោគសាងសង់បុរី ឬផ្ទះសម្រាប់កម្មករ ដោយលក់ ឬជួលក្នុងតម្លៃសមរម្យ ខណៈដែលបច្ចុប្បន្នកំណើនកម្មករនៅក្នុងខេត្តជាច្រើន កំពុងខ្វះកន្លែងស្នាក់នៅ។
លោកអភិបាលខេត្តកំពង់ស្ពឺ ថ្លែងប្រាប់កម្ពុជាថ្មី ដូច្នេះថា« នៅពេលដែលដំណើរការរោងចក្រវាយនភណ្ឌកាត់ដេរ ផលិតស្បែកជើង កាបូប កើនឡើង យើងក៏ជំរុញឱ្យមានការសាងសង់ហេដ្ឋរចនាសម្ព័ន្ធទឹក ភ្លើង បុរី ផ្ទះស្នាក់នៅសម្រាប់កម្មករ កម្មការិនី ឱ្យដើរទន្ទឹមគ្នាផងដែរ»។
![](https://www.kampucheathmey.com/wp-content/uploads/2023/03/334828434_523380796631469_7309756961960997718_n-1-1024x683.jpg)
តាមរយៈកំណើននៃការបង្កើតរោងចក្រសហគ្រាស នៅខេត្តកំពង់ស្ពឺ បានផ្តល់ការងាររាប់ម៉ឺនកន្លែង ដល់ពលរដ្ឋនៅក្នុងតំបន់។ ជាមួយគ្នានេះ លោក វ៉ី សំណាង ក៏បានអំពាវនាវដល់កម្មករ កម្មការិនី ដែលកំពុងស្វែងរកការងារ អាចមកធ្វើការនៅខេត្តកំពង់ស្ពឺ ខណៈដែលរោងចក្រសហគ្រាសជាច្រើន កំពុងមានតម្រូវការកម្លាំងពលកម្មបន្ទាន់។
សម្តេចតេជោ ហ៊ុន សែន នាយករដ្ឋមន្រ្តីកម្ពុជា បានថ្លែងក្នុងទិវាអន្តរជាតិនារី ៨ មីនា ខួបលើកទី១១២ នៅវិមានសន្តិភាពថា នៅដើមឆ្នាំ ២០២៣នេះ មានរោងចក្រប្រមាណ ៧១ បានបិទទ្វារ មានកម្មករ-កម្មការិនីជាង ៣២០០០នាក់ ក្នុងនោះ ស្រ្តី ២៦០០០នាក់។ ប៉ុន្តែស្របពេលជាមួយគ្នានេះ នៅខេត្តកំពង់ស្ពឺឯណោះ មានតម្រូវការកម្មករប្រមាណ ៣ម៉ឺននាក់។
ពាក់ព័ន្ធនឹងបញ្ហានេះ សម្តេចតេជោ បានណែនាំដល់រដ្ឋមន្រ្តីក្រសួងការងារឱ្យយកចិត្តទុកដាក់ដើម្បីធានាឱ្យពលរដ្ឋ ជាពិសេសស្រ្តីទទួលបាននូវអត្ថប្រយោជន៍ផ្សេងៗ៕
![](https://www.kampucheathmey.com/wp-content/uploads/2023/03/photo_2022-04-19_14-09-25-2-1024x682.jpg)
-
សន្តិសុខសង្គម៤ ថ្ងៃ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
KPT+៦ ថ្ងៃ ago
ប្រវត្តិដ៏គួរឱ្យចាប់អារម្មណ៍របស់ វត្តចំណាស់ទាំង ៧ ក្នុងខេត្តបាត់ដំបង
-
សន្តិសុខសង្គម៤ ថ្ងៃ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម៤ ថ្ងៃ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៣ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ៤ ថ្ងៃ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+១ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ១ សប្តាហ៍ ago
ស្ពានអាកាសភ្លោះភ្ជាប់ផ្លូវ ៦០ ម៉ែត្រ ទៅព្រលានអន្តរជាតិតេជោ ប្រកាសបើកការដ្ឋាននៅថ្ងៃ ១៧ មិថុនា នេះ