គោលការណ៍ "កុំ៥" សម្រាប់យុវវ័យ មុនប្រឡូកអាជីពនានា
Connect with us
Helistar Cambodia - Helicopter Charter Services

អាជីព

គោលការណ៍ “កុំ៥” សម្រាប់យុវវ័យ មុនប្រឡូកអាជីពនានា

បានផុស

នៅ

យុវវ័យបញ្ចប់ការសិក្សា រមែងត្រូវការជ្រើសយកការងារធ្វើដោយស្របទៅតាមជំនាញរបស់ខ្លួន។ អ្នកខ្លះបម្រើការជាបុគ្គលិកក្រុមមហ៊ុន ស្ថាប័ន រីឯអ្នកខ្លះក៏ចេញរកស៊ីដោយខ្លួនឯងជាដើម។ មិនថា គ្នាយើងធ្វើការជាអ្វីទេ យើងត្រូវពិចារណាលើចំណុចទាំង ៥ ​ខាងក្រោមនេះសិន មុននឹងដាក់ចិត្តដាក់កាយចូលក្នុងអាជីពនោះ៖

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

១. កុំលក់អ្វីដែលសូម្បីតែខ្លួនឯងក៏មិនចង់ទិញ

យុវវ័យ គួរជ្រើសរើសអាជីពណាដែលខ្លួនស្រឡាញ់ និងជឿជាក់ ប្រសើរជាងរើសយកការងារដែលផ្តល់ប្រាក់ចំណូលខ្ពស់។

បើសិនយើងលក់ផលិតផល ឬផ្ដល់សេវាកម្មអ្វីមួយ ត្រូវគិតលើគុណភាព ដោយពុំគួរលក់ផលិតផលអន់ឲ្យអតិថិជន ហើយខ្លួនឯងជាអ្នកលក់បែរជាទៅទិញផលិតផលផ្សេងប្រើ ឬបរិភោគនោះទេ។

បើយើងគ្រាន់តែត្រូវការលុយ ការងារអ្វីក៏អាចធ្វើបានដែរ ប៉ុន្តែបើពិតជាចង់មានអារម្មណ៍ល្អចំពោះការងាររហូតដល់ចាស់ យើងគប្បីជ្រើសរើសកិច្ចការដែលខ្លួនស្រឡាញ់ ពេញចិត្ត ហើយតាមចាប់គោលដៅនោះឲ្យជាប់ជានិច្ច។

២. កុំធ្វើការឱ្យមនុស្សដែលខ្លួនមិនគោរព

ក្រៅពីការជ្រើសរើសការងារដែលខ្លួនមានទំនុកចិត្ត យើងក៏ចាំបាច់ធ្វើការជាមួយមនុស្សដែលពេញចិត្តផងដែរ។ គិតទៅមើល៍! បើមួយថ្ងៃៗជួបតែមុខមនុស្សដែលយើងមិនគោរព តើអារម្មណ៍និងដំណើរការការងារ វារលូនបានយ៉ាងម៉េច? ហេតុនេះហើយ បើយើងមិនឲ្យតម្លៃគេ កុំនៅក្បែរគេ។

៣. កុំធ្វើការឱ្យមនុស្សដែលធ្វើឲ្យខ្លួនមានអារម្មណ៍សម្ពាធ

យុវវ័យ គួរធ្វើការងារឱ្យមនុស្សដែលខ្លួនសប្បាយចិត្តនឹងបម្រើការឱ្យ។ ចៅហ្វាយនាយមិនមែនជាមនុស្សដែលមិនធ្លាប់មានទំនាស់នឹងគ្នាទាល់តែសោះជាមួយយើង ផ្ទុយទៅវិញ រវាងអ្នកទាំងពីរតែងតែរីករាយចំពោះគ្នាជានិច្ច នៅពេលធ្វើការជាមួយគ្នា។ កុំបង្ខំទទួលសម្ពាធដោយសារមេ បើមិនសប្បាយចិត្ត ឬរងបន្ទុកផ្លូវចិត្ត គួរស្វែងរកការងារផ្សេង។

៤. កុំចាប់ផ្តើមដំបូងពីចំណុចកំពូល

ជីវិតត្រូវឆ្លងកាត់ពេលវេលារបស់វាពីមួយជំហ៊ានទៅមួយជំហ៊ាន។ គ្រប់ពេលដែលយើងភ្ញាក់ពីដំណេក ចូរព្យាយាមធ្វើឱ្យថ្ងៃនេះប្រសើរជាងម្សិលមិញបន្តិច។ កុំប្រញាប់ពេក តែត្រូវបង្ហើយកិច្ចការដែលត្រូវធ្វើដោយភាពជឿជាក់ និងមានអារម្មណ៍ល្អ។ ចាប់ផ្ដើមពីចំណុចទាប ប៉ុន្តែត្រូវសំឡឹងមើលឲ្យឆ្ងាយ បន្តិចម្ដងៗ យើងនឹងទៅដល់គោលដៅ។ លើសពីនេះយើងក៏ត្រូវបង្កើនសន្ទុះចំពោះការងារណាដែលខ្លួនជំនាញ។

៥. កុំមួរហ្មងនឹងអ្វីដែលមានក្នុងពេលបច្ចុប្បន្ន

ប្រសិនបើយើងខិតខំតស៊ូខ្លាំងបំផុត រហូតក្លាយជាមនុស្សជោគជ័យ មានលុយចាយមិនអស់ ប៉ុន្តែយើងនៅតែមិនសប្បាយចិត្ត តើការខិតខំនោះមានន័យអ្វី? ដូច្នេះហើយ ការស់នៅបំពេញកិច្ចការដោយសប្បាយចិត្តជាមួយបច្ចុប្បន្នកាលដែលកំពុងមាន ជារឿងដែលយើងគួរទទួលយកមកដាក់ក្នុងជីវិត៕

ប្រែសម្រួល៖ សន្យា

ប្រភព៖ Forbes

ចុចអាន៖ យុវវ័យ​ចង់ប្រលូក​រកលុយ គួរអាន​អត្ថបទនេះ!

ចុចអាន៖ អ្នកណាថាលុយតិច មិនអាចបណ្ដាក់ទុនបាន? មកអានគន្លឹះទាំង ៦ នេះសិន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៣ នាទី មុន

ពលរដ្ឋប្តឹងហាងយីហោ ចំការននោង មានការជួបជុំផឹកស៊ីឡូឡាបង្កការរំខានដល់អ្នកជិតខាង

ព័ត៌មានជាតិ២៦ នាទី មុន

សមត្ថកិច្ច​បង្ក្រាប​បទល្មើស​លួច​ ឆក់​ ក្នុង​រាជធានី​​បានជិត១០០​នាក់​ ក្នុង១ខែ

ព័ត៌មានជាតិ៣៤ នាទី មុន

សាក្សី​​៖ ​ស្ត្រី​​ជន​ជាតិ​ចិន​​​បើក​ឡាន​ទំនើប​​​ បុក​បុរស​ម្នាក់​កំពុង​ដើរ​​​ រួច​ជ្រុល​​ទៅ​​បុក​ឡាន​​ផ្សេង​ ថយ​ក្រោយ​ប្រុង​រត់​ កិន​ជន​​រង​គ្រោះ​ថែម​​​ស្លាប់​​​ភ្លាម​ៗ​

ព័ត៌មានជាតិ៥៤ នាទី មុន

កងកម្លាំងក្រុងសៀមរាបបន្តចុះល្បាតតំបន់ក្រហមទាំងភ្លៀង និងដកហូតមធ្យោបាយធ្វើដំណើរល្មើសបម្រាម

ជីវិតកម្សាន្ដ១ ម៉ោង មុន

សម្រស់តារាស្រី ៤ដួងក្នុងឈុតប្រពៃណីនារដូវបុណ្យភ្ជុំបិណ្ឌ ពិតជាស្រស់ស្អាតមិនចាញ់គ្នាទេ

Sokha Hotels

ព័ត៌មានពេញនិយម

Helistar Cambodia - Helicopter Charter Services