អាជីព
ហេតុអ្វីបានជាគុណតម្លៃនៃការងារ គឺជាកត្តាចាំបាច់ដើម្បីបំពេញន័យឲ្យអាជីព?
តើគុណតម្លៃនៃការងារជាអ្វី?
យោងតាមលោក Liz Cannata អ្នកគ្រប់គ្រងផ្នែកប្រតិបត្តិការធនធានមនុស្សនៅ CareerBuilder មានប្រសាសន៍ថា “ ដូចគ្នានឹងតម្លៃផ្ទាល់ខ្លួនដែរ តម្លៃការងារត្រូវធ្វើជាមួយចំណង់ចំណូលចិត្ត គោលបំណងនិងផ្លូវដែលយើងចង់បាន។ គុណតម្លៃក៏ជាផ្នែកសំខាន់មួយនៃយើងជានរណា ហើយត្រូវបានគេចាត់ថ្នាក់ថាជារូបវ័ន្តរូបិយ និងតម្លៃនៃរបៀបរស់នៅ ” ។
គុណតម្លៃខាងក្នុងធ្វើឲ្យយើងមានកម្លាំងចិត្តចូលរួមក្នុងការងារ ជាអ្វីដែលធ្វើឲ្យយើងចង់ក្រោកចេញពីគ្រែនៅពេលព្រឹក ដោយបង្កើតឲ្យមានភាពច្នៃប្រឌិត ភាពខុសគ្នា មានអារម្មណ៍គោរពអ្នកជុំវិញខ្លួន រៀនអ្វីថ្មីៗ និងទទួលបានបទពិសោធន៍ការងារដែលពិបាកៗ។
តាមរយៈការកំណត់តម្លៃយើងអាចធ្វើការជ្រើសរើសអាជីពកាន់តែប្រសើរដោយឆ្លើយសំណួរដូចជា៖
តើការងារអ្វីដែលសមនឹងបុគ្គលិកលក្ខណៈរបស់ខ្ញុំ?
តើការងារប្រភេទណាដែលខ្ញុំនឹងពេញចិត្ត?
តើបរិយាកាសការងារណាដែលសមនឹងខ្ញុំ?
តើខ្ញុំអាចកំណត់តម្លៃការងាររបស់ខ្ញុំយ៉ាងដូចម្ដេច?
គុណតម្លៃរបស់យើងអាចជះឥទ្ធិពលដល់ការពេញចិត្តក្នុងអាជីពរបស់យើង។ ដូច្នេះសូមពិចារណានូវអ្វីដែលយើងចូលចិត្ត អ្វីដែលជំរុញយើង និងកន្លែងដែលយើងចង់ទៅនៅក្នុងអាជីពរបស់យើង។ គិតពីគុណតម្លៃទាំងនេះ ជាអ្វីដែលយើងមិនអាចរស់នៅដោយគ្មានវាបាន ជាអាទិភាពខ្ពស់បំផុត។
តើខ្ញុំប្រើគុណតម្លៃការងារដើម្បីស្វែងរកការងារក្នុងសុបិនយ៉ាងដូចម្ដេច?
នៅពេលដែលយើងបានកំណត់តម្លៃណាមួយដែលសំខាន់សម្រាប់យើងរួចហើយ យើងនឹងមានចំណុចយោងដើម្បីវាយតម្លៃការផ្ដល់ជូនការងារ នាពេលអនាគតមិនខាន។
បើសិនទៅសម្ភាសន៍កន្លែងណាមួយ ត្រូវត្រួតពិនិត្យលើសេចក្ដីថ្លែងការណ៍ បេសកកម្មគោលការណ៍និងសៀវភៅណែនាំរបស់ក្រុមហ៊ុនជាមុនសិន។ ការសម្ភាសន៍តាមបណ្ដាញ គឺជាវិធីល្អបំផុតមួយដើម្បីទទួលបានរូបភាពត្រឹមត្រូវ នៃរបៀបដែលអង្គភាពមួយធ្វើអាជីវកម្មនិងប្រព្រឹត្តចំពោះបុគ្គលិក។ ប្រសិនបើយើងកំពុងសម្ភាសន៍សម្រាប់មុខតំណែងដែលគិតថាសក្ដិសម សូមកុំខ្លាចក្នុងការសួរសំណួរ។
លោក Cannata មានប្រសាសន៍ថា“ ក្រុមហ៊ុនជាច្រើនរៀបចំព្រឹត្តិការណ៍ជ្រើសរើសនិម្មិត ដែលយើងក៏អាចសួរបុគ្គលិកពិតប្រាកដអំពីគុណតម្លៃរបស់អង្គភាពពួកគេ មុនពេលសម្ភាសន៍” ។
នៅក្នុងបទសម្ភាសន៍សូមរកមើលតម្រុយអំពីគុណតម្លៃរបស់ក្រុមហ៊ុន ប្រើពេលវេលាដើម្បីសួរអំពីតម្លៃនៃភាពជាអ្នកដឹកនាំរបស់អ្នកជួល និងវាយតម្លៃថា តើត្រូវគ្នាឬមានទំនាស់ជាមួយយើងឬអត់។
ចូរផ្ដោតលើការស្វែងរកការងារដែលពេញចិត្តនៃតម្លៃរបស់យើង នោះទើបអាចទទួលបានជោគជ័យពិតនៅក្នុងអាជីព៕
ប្រែសម្រួល៖ សាង ស្រីល័ក្ខ
ប្រភព៖ forbes
ចុចអាន៖ រវាងវិជ្ជាជីវៈនិងអាជីពមានភាពខុសគ្នាម៉េចខ្លះ?
ចុចអាន៖ ចរិតលក្ខណៈពិសេសដែលអ្នកដឹកនាំល្អៗរមែងតែងមានជាប់ខ្លួន
-
ព័ត៌មានជាតិ៥ ថ្ងៃ agoពិធី “រៀបមង្គលការលេង” មួយគូ នៅវត្តបឹងត្រាវ ប្រមូលថវិកាសាងសង់វត្ត អបអរបុណ្យចូលឆ្នាំខ្មែរ
-
ព័ត៌មានជាតិ៣ ថ្ងៃ ago៦ថ្ងៃក្នុងព្រឹត្តិការណ៍ «នគរសង្ក្រាន្ត» មន្ទីរសុខាភិបាលរាជធានីភ្នំពេញ បានពិនិត្យ និងព្យាបាលជូនពលរដ្ឋជាង២ពាន់នាក់
-
ព័ត៌មានជាតិ៥ ថ្ងៃ agoកម្ពុជារឹតបន្តឹង និងទប់ស្កាត់សំណល់អេឡិចត្រូនិក ខណៈអាស៊ីអាគ្នេយ៍កំពុងក្លាយជាគោលដៅថ្មី
-
ព័ត៌មានអន្ដរជាតិ១ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានជាតិ៦ ថ្ងៃ ago៣ ថ្ងៃចូលឆ្នាំថ្មី ខេត្តក្រចេះទទួលទេសចរមកកម្សាន្តប្រមាណ ៦៩ ៩៦២ នាក់ ខណៈព្រែកកាំពីជាគោលដៅទាក់ទាញបំផុត
-
ព័ត៌មានអន្ដរជាតិ៦ ថ្ងៃ agoវិនិយោគិនបរទេសដកខ្លួនពីទីផ្សារថៃ ខណៈវិបត្តិថាមពលគំរាមកំហែងសេដ្ឋកិច្ច
-
ព័ត៌មានជាតិ៤ ថ្ងៃ agoបដិសេធមិនឱ្យ សម រង្ស៊ី ចូលរួមការជួបជុំសមាគមខ្មែរនៅប៉ារីស គឺដើម្បីបញ្ចៀសការភ្ជាប់ជាមួយបុគ្គលនេះកំពុងជាប់ទោស
-
ព័ត៌មានអន្ដរជាតិ៤ ថ្ងៃ agoប្រធានាធិបតីអ៊ីរ៉ង់ ប្រាប់ត្រាំថា គ្មានសិទ្ធិដកហូតនុយក្លេអ៊ែរអ៊ីរ៉ង់ ទេ