អាជីព

បុគ្គលិកដែលមានជំនាញទំនាក់ទំនង ៩ យ៉ាងនេះ ក្រុមហ៊ុនណាក៏ទទួលយក

បានផុស

៥ years មុន

នៅ

ថ្ងៃចន្ទ ៥ មេសា ២០២១

ដោយ

យោងតាមការស្ទង់មតិរបស់សមាគមជាតិ នៃមហាវិទ្យាល័យនិងបុគ្គលិកជំនាញទំនាក់ទំនងបានបញ្ជាក់ថា ជំនាញទំនាក់ទំនងត្រូវបានចុះបញ្ជីជាជំនាញសំខាន់បំផុត ដែលបេក្ខជនស្វែងរកការងារធ្វើគួរមាន។

នេះគឺជាគន្លឹះទាំង ៩ សម្រាប់កែលំអជំនាញទំនាក់ទំនង ដែលបុគ្គលិកគួរតែមាន ៖

១. ចាត់ទុកការប្រាស្រ័យទាក់ទងជាអាទិភាព៖ យកថ្នាក់អានសៀវភៅ អត្ថបទ ទស្សនាវដ្ដី ឬរៀនពីអ្នកទំនាក់ទំនងនៅជុំវិញយើង។ ស្វែងរកអ្នកណែនាំ ឬគ្រូបង្វឹកណាម្នាក់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

២. សរសេរសារសាមញ្ញ៖ ប្រើភាសាសាមញ្ញ និងត្រង់ តែមានអត្ថន័យអន្ទងដល់អ្នកដែលបានអានសាររបស់យើង ឲ្យជាប់ចិត្ត។

៣. ភ្ជាប់ទំនាក់ទំនងជាមួយអ្នកស្ដាប់ឬអ្នកអាន៖ ទាញអ្នកស្ដាប់និងអ្នកអានរបស់អ្នក ទៅក្នុងការសន្ទនា។ សួរសំណួរនិងអញ្ជើញយោបល់។ កុំភ្លេចសុំយោបល់របស់ពួកគេផង។

៤. ចំណាយពេលឆ្លើយតប៖ បន្ទាប់ពីយើងបានស្ដាប់និងយល់ពីពេលវេលាដែលយើងចង់និយាយ។ សូមចំណាយពេលរបស់យើងឆ្លើយតបទៅកាន់ពួកគេវិញ ដើម្បីឲ្យការទំនាក់ទំនងកាន់តែល្អជាងមុន។

៥. ត្រូវប្រាកដថាអ្នកយល់៖ កុំស្ដីបន្ទោសមនុស្សម្នាក់ទៀតដែលមិនយល់។ ផ្ទុយទៅវិញរកមើលវិធីដើម្បីបញ្ជាក់ឬបកស្រាយឡើងវិញ នូវអ្វីដែលអ្នកកំពុងព្យាយាមនិយា យដើម្បីអាចយល់បាន។

៦. អភិវឌ្ឍជំនាញស្ដាប់៖ អ្នកប្រាស្រ័យទាក់ទងល្អបំផុត គឺតែងតែជាអ្នកស្ដាប់ដ៏ល្អបំផុតដូចគ្នា។ ស្ដាប់ដោយគ្មានការវិនិច្ឆ័យ ហើយកុំរំខានដោយគិតពីអ្វីដែលអ្នកចង់និយាយបន្ទាប់។ បន្ទាប់មកឆ្លើយតប កុំប្រតិកម្ម។

៧. ភាសារាងកាយមានសារៈសំខាន់ណាស់៖ ការសិក្សាបង្ហាញថា ៦៥% នៃការប្រាស្រ័យទាក់ទងទាំងអស់ មិនមែនជាពាក្យសំដីទេ។ មើលសញ្ញាដែលមើលឃើញថាអ្នកស្ដាប់យល់យល់ស្របឬមិនយល់ស្រប នឹងសាររបស់អ្នក។ ហើយត្រូវដឹងថារាងកាយរបស់អ្នក កំពុងបញ្ជូនសញ្ញាផងដែរ។

៨. រក្សាទំនាក់ទំនងដោយប្រើភ្នែក៖ មិនថាការនិយាយទៅកាន់ហ្វូងមនុស្សច្រើន ឬមួយទល់មួយ ការប្រើភ្នែកសម្លឹងគឺបង្កើតភាពជឿជាក់ និងបង្ហាញថាអ្នកយកចិត្តទុកដាក់ចំពោះអ្នកស្ដាប់របស់អ្នកដែរ។

៩. គោរពដៃគូរបស់អ្នក៖ អ្នកគួរយកចិត្តទុកដាក់ចំពោះតម្រូវការនិងទស្សនៈពិសេសរបស់អ្នកដែលអ្នកកំពុងប្រាស្រ័យទាក់ទង។

វិធីល្អបំផុត ដើម្បីបង្ហាញការគោរពរបស់អ្នក គឺគ្រាន់តែយកចិត្តទុកដាក់លើអ្វីដែលពួកគេនិយាយតែប៉ុណ្ណោះ៕

ប្រែសម្រួល៖ សាង ស្រីល័ក្ខ

ចុចអាន៖៩ យ៉ាងត្រូវចៀសវាងដើម្បីបង្កើតមិត្តនៅកន្លែងធ្វើការ

ចុចអាន៖ខ្វះ ៣ យ៉ាងនេះនឹងធ្វើឲ្យផលិតភាពការងារធ្លាក់ចុះ