សន្តិសុខសង្គម
ទឹកស្ទឹងពោធិ៍សាត់ហក់ឡើងលើសកម្រិតប្រកាសអាសន្ន អាជ្ញាធរត្រៀមខ្លួន ជួយប្រជាជនតាមដងស្ទឹង
គិតត្រឹមព្រឹកថ្ងៃទី ១៦ ខែវិច្ឆិកានេះ ទឹកស្ទឹងពោធិ៍សាត់បានហក់ឡើងលើកម្រិតប្រកាសអាសន្នមានកម្ពស់ ៥.០៦ ម៉ែត្រ ខណៈកម្រិតប្រកាសអាសន្នត្រឹមតែ ៥ ម៉ែត្រ។
ប្រធានមន្ទីរធនធានទឹកខេត្តពោធិ៍សាត់ លោក កែវ វ័យ ប្រាប់កម្ពុជាថ្មី នៅព្រឹកថ្ងៃទី ១៦ ខែវច្ឆិកា នេះថា ថ្នាក់ដឹកនាំខេត្តបានត្រៀមកម្លាំងទាំង ៣ ប្រភេទ ដើម្បីត្រៀមជួយប្រជាពលរដ្ឋ ប្រសិនបើកម្ពស់ទឹកនៅតែបន្តហក់ឡើង។
លោក កែវ វ័យថ្លែងថា “យើងបានប្រកាសអាសន្នហើយ ជាពិសេសស្រុក ក្រុងពោធិ៍សាត់ ស្រុកកណ្ដៀង ដើម្បីត្រៀមលក្ខណៈចុះជួយប្រជាពលរដ្ឋដែលនៅតាមដងស្ទឹងពោធិ៍សាត់”។
លោក កែវ វ័យប្រាប់ថា ដោយសារនៅតំបន់ជួរភ្នំក្រវាញភ្លៀងមួយយប់ហើយ ទើបធ្វើឱ្យទឹកស្ទឹងហក់ឡើង ប៉ុន្តែមានតែស្ទឹងមួយទេ ដែលទឹកឡើង ខណៈស្ទឹងវាលវែងមានកម្រិតកម្ពស់ទាប ហើយបើមិនមានភ្លៀងទេ ទឹកនឹងស្រកទៅវិញលឿន ប៉ុន្តែបើនៅតំបន់ជួរភ្នំក្រវាញនៅបន្តភ្លៀង ដូច្នេះស្ថានភាពស្រកយឺត។
លោកបញ្ជាក់ថា អាជ្ញាធរបានត្រៀមជួយប្រជាជនហើយ ជាពិសេសក្នុងក្រុងពោធិ៍សាត់អាជ្ញាធរបានខ្ទប់លូ កុំឱ្យទឹកហៀរចូលមកទីប្រជុំជន។
ក្រសួងធនធានទឹក និងឧតុនិយម នៅថ្ងៃទី ១៦ ខែវិច្ឆិកានេះ បានប្រកាសថា ចាប់ពីថ្ងៃទី ១៧ ដល់ថ្ងៃទី ២៣ ខែវិច្ឆិកានេះ ដោយសារកម្ពុជាបន្តទទួលរងឥទ្ធិពលជ្រលងសម្ពាធទាបមកពីសមុទ្រចិនខាងត្បូង រុញចូលមកលើតំបន់វាលទំនាប ភាគខាងក្រោមប្រទេស។ ម្យ៉ាងទៀត ទ្រនុងសម្ពាធខ្ពស់ពីភាគខាងជើងបន្តធ្លាក់ចុះគ្របដណ្ដប់លើភាគខាងលើ តំបន់ជួរភ្នំដងរែក និងខ្ពង់រាបភាគឥសានប្រទេស។
ស្ថានភាពនេះ នឹងធ្វើឱ្យមានភ្លៀងធ្លាក់ពីតិចទៅច្រើនតាមតំបន់ទំនាបកណ្ដាល តំបន់ខ្ពង់រាប និងតំបន់មាត់សមុទ្រ៕
អត្ថបទៈ ឡេង ដេត
-
ព័ត៌មានជាតិ១ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ជីវិតកម្សាន្ដ៦ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ
-
សេដ្ឋកិច្ច៦ ថ្ងៃ ago
មួយឆ្នាំៗ វៀតណាម ប្រឈមខាតបង់ដំណាំជិត៣ពាន់លានដុល្លារ ដោយសារទឹកប្រៃ ហូរចូលដីបង្កបង្កើនផល