សន្តិសុខសង្គម
កោះហៅនារីវ័យក្មេងម្នាក់ បន្ទាប់ពីប្រើពាក្យសម្ដីមិនគប្បីលើសមត្ថកិច្ចក្នុងបណ្ដាញសង្គម
កម្លាំងនគរបាលស្រុកកំពង់សីលា ខេត្តព្រះសីហនុ បានកោះហៅនារីវ័យក្មេងម្នាក់ឲ្យចូលខ្លួនមកបំភ្លឺ និងតម្រូវឲ្យធ្វើការសុំទោសជាសាធារណៈ បន្ទាប់ពីប្រើពាក្យសម្ដីមិនគប្បី អសុរោះមកលើកម្លាំងសមត្ថកិច្ចក្នុងបណ្ដាញសង្គមហ្វេសប៊ុក និងtik tok។

នារីវ័យក្មេងដែលត្រូវកោះហៅឲ្យចូលមកបំភ្លឺនៅអធិការនគរបាលស្រុកកំពង់សីលា មានឈ្មោះ វី ស្រីហន ភេទស្រី អាយុ១៩ឆ្នាំ ជនជាតិខ្មែរ មានទីលំនៅបច្ចុប្បន្នភូមិស្ទឹងសំរោង ឃុំអូរបាក់ទេះ ស្រុកកំពង់សីលា ខេត្តព្រះសីហនុ ដោយប្រើប្រាស់គណនីហ្វេសប៊ុកឈ្មោះ សុខ លីន និងតិកតុក(tik tok)ឈ្មោះ ម៉ីម៉ីរៀល បានថតរូបធ្វើជាវីដេអូឃ្លីបប្រើពាក្យសម្តីមិនគប្បីចំពោះសមត្ថកិច្ច រួចបង្ហោះតាមបណ្តាញសង្គមទាំងពីរជាសាធារណៈ។

បើតាមសមត្ថកិច្ចបានបញ្ជាក់ថា កាលពីថ្ងៃទី២២ ខែវិច្ឆិកា ឆ្នាំ២០២១ នារីរូបនេះបានមកអធិការដ្ឋាននគរបាលស្រុកកំពង់សីលា ដើម្បីសុំផ្តល់អត្តសញ្ញាណប័ណ្ណសញ្ជាតិខ្មែរ ដោយមន្ត្រីជំនាញបានរៀបចំបំពេញពត៌មានរួចតម្រូវឲ្យរូបគាត់វាស់កម្ពស់ដើម្បីតម្រូវតាមលក្ខខ័ណ្ឌដែលត្រូវផ្តល់ តែគាត់បែជាគិតថាអ្នកដែលឈរវាស់កម្ពស់ គឺសុទ្ធតែជាអ្នកទោស។ ក្រោយពីត្រឡប់ទៅវិញគាត់បានថតរូបធ្វើជាវីដេអូឃ្លីបប្រើពាក្យសម្តីមិនគប្បីចំពោះសមត្ថកិច្ចរួចបង្ហោះតាមបណ្តាញសង្គមទាំងពីរ។

ក្រោយពីសួរនាំ នារីរូបនេះបានឆ្លើយសារភាពថា ខ្លួនពិតជាបានប្រព្រឹត្តដូច្នេះប្រាកដមែន ហើយសមត្ថកិច្ចតម្រូវឲ្យរូបគាត់ធ្វើវីដេអូឃ្លីបមួយដើម្បីសុំទោសជាសាធារណៈ និងធ្វើកិច្ចសន្យាអប់រំណែនាំរួចឲ្យត្រឡប់ទៅផ្ទះវិញ៕

-
ព័ត៌មានអន្ដរជាតិ៧ ថ្ងៃ ago
ពលរដ្ឋថៃ នៅជាប់ព្រំដែនមីយ៉ាន់ម៉ា កំពុងត្រៀមខ្លួនសម្រាប់ភាពអាសន្ន
-
បច្ចេកវិទ្យា៣ ថ្ងៃ ago
OPPO Reno14 Series 5G សម្ពោធផ្លូវការហើយ ជាមួយស្ទីលរចនាបថកន្ទុយទេពមច្ឆា និងមុខងារ AI សំខាន់ៗ
-
ព័ត៌មានអន្ដរជាតិ៥ ថ្ងៃ ago
ថៃ អះអាងថា ជនកំសាកដែលលួចវាយទាហានកម្ពុជា គឺជាទេសចរ ប៉ុណ្ណោះ
-
ព័ត៌មានជាតិ៥ ថ្ងៃ ago
កម្ពុជា រងឥទ្ធិពលពីព្យុះមួយទៀត គឺជាព្យុះទី៥ ឈ្មោះ ណារី (Nari)
-
ព័ត៌មានអន្ដរជាតិ៣ ថ្ងៃ ago
រដ្ឋមន្ត្រីក្រសួងថាមពលថៃ ប្រាប់ពលរដ្ឋកុំជ្រួលច្របល់ បើសង្គ្រាមផ្ទុះឡើង អ្នកខាតធំគឺខ្លួនឯង
-
ព័ត៌មានជាតិ១ សប្តាហ៍ ago
ព្យុះទី៣ និងទី៤ អស់ឥទ្ធិពល តែកម្ពុជានៅតែមានភ្លៀងធ្លាក់ជាមួយផ្គររន្ទះ និងខ្យល់កន្ត្រាក់
-
ព័ត៌មានអន្ដរជាតិ៥ ថ្ងៃ ago
«នាយករដ្ឋមន្ត្រី៣នាក់ក្នុងពេល៣ថ្ងៃ» ជារឿងដែលមួយពិភពលោក មិនអាចធ្វើបានដូចថៃ
-
សន្តិសុខសង្គម៤ ថ្ងៃ ago
អាវុធហត្ថបង្ក្រាបរថយន្ត ១ គ្រឿង លួចដឹកទឹកដោះគោស្រស់ ២៧ កេះ នាំចូលពីថៃ