សន្តិសុខសង្គម

នាយឧត្តមសេនីយ៍ នេត សាវឿន បញ្ជាឱ្យអនុវត្តទូទាំងប្រទេស ករណីមើលងាយកម្លាំងសមត្ថកិច្ច ត្រូវវាយខ្នោះភ្លាម

បានផុស

៥ years មុន

នៅ

ថ្ងៃសុក្រ ២៦ វិច្ឆិកា ២០២១

ដោយ

លោកនាយឧត្តមសេនីយ៍ នេត សាវឿន បញ្ជារឱ្យយកករណីបុរសជេរដេញវាយសមត្ថកិច្ច ជាបទពិសោធន៍ជាកញ្ចប់សម្រាប់ស្នងការរាជធានី-ខេត្តទូទាំងប្រទេស ដោយវាយខ្នោះចំពោះអ្នកមើលងាយកម្លាំងសមត្ថកិច្ចដែលកំពុងបំពេញការងារ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកនាយឧត្តមសេនីយ៍ នេត សាវឿន អគ្គស្នងការនគរបាលជាតិ បានបញ្ជាឱ្យស្នងការនគរបាលរាជធានី-ខេត្ត ត្រូវដកពិសោធន៍ជាបន្ទាន់ ពិសេសកម្លាំងចរាចរណ៍ផ្លូវគោក លោក ហ៊ឹម យ៉ាន នាយកដ្ឋានចរាចរណ៍ និងចរាចរណ៍ទូទាំងប្រទេស។

លោកនាយឧត្តមសេនីយ៍ នេត សាវឿន ថ្លែងថា “ខ្ញុំបានណែនាំច្រើនដងហើយ មានករណីមើលងាយមើលថោក មកលើកម្លាំងសមត្ថកិច្ច ដែលកំពុងតែបំពេញកាតព្វកិច្ច នៅលើដងផ្លូវសាធារណៈ មានបញ្ហាហ្នឹងភ្លាមហៅអន្តរាគមដាក់ខ្នោះភ្លាមយកទៅប៉ុស្តិ៍ អត់មានឈ្លោះ អត់មានប្រកែកប្រណាំង យើងត្រូវប្ដឹងទៅតុលាការ ពីបទរារាំង បទបំផ្លាញកិច្ចការរបស់យើង មើលងាយមើលថោកកងកម្លាំង”។

បើតាមលោក នេត សាវឿន ករណីបុរសម្នាក់បានជេរប្រមាថមើលងាយ និងដេញវាយសមត្ថកិច្ច ដែលកំពុងអនុវត្តច្បាប់ចរាចរណ៍ផ្លូវគោក នៅចំណុចក្រោមស្ពានអាកាសស្ទឹងមានជ័យនោះ ត្រូវរៀបឯកសារទៅតុលាការ ហើយយកករណីនេះ ជាបទពិសោធន៍សម្រាប់កម្លាំងចរាចរណ៍ទូទាំងប្រទេសកុំឱ្យមានការឈ្លោះនៅលើផ្លូវ។

ដោយអនុវត្តតាមការណែនាំ និងបញ្ជាពីនាយឧត្ដមសេនីយ៍ នេត សាវឿន អគ្គស្នងការនគរបាលជាតិ និងបញ្ជាផ្ទាល់ពីឯកឧត្ដម ឧត្ដមសេនីយ៍ឯក ស ថេត ស្នងការនគរបាលរាជធានីភ្នំពេញ នៅរសៀលថ្ងៃទី ២៦ ខែវិច្ឆិកា ឆ្នាំ២០២១ នេះ កម្លាំងសមត្ថកិច្ចបានឃាត់ខ្លួនបុរសម្នាក់ដែលបានជេរប្រមាថកម្លាំងនគរបាលចរាចរណ៍នៅចំណុចស្ពានអាកាសស្ទឹងមានជ័យបានហើយ និងបញ្ជូនទៅសួរនាំនៅការិយាល័យចរាចរណ៍ នៃស្នងការនគរបាលរាជធានីភ្នំពេញ។

កាលពីថ្ងៃទី២៥ ខែវិច្ឆិកា ម្សិលមិញនេះ មានបុរសម្នាក់បានជិះម៉ូតូមួយគ្រឿងម៉ាកស្មាស ពាក់ស្លាកលេខភ្នំពេញ1BG-5792 ល្មើសច្បាប់ចរាចរណ៍នៅចំណុចស្ពានអាកាសស្ទឹមានជ័យ ដែលកម្លាំងនគរបាលកំពុងអនុវត្តច្បាប់ចរាចរណ៍ និងបានជេប្រមាថមកលើកម្លាំងសមត្ថកិច្ច ថែមទាំងរកវាយសមត្ថកិច្ចទៀតផង៕

អត្ថបទៈ ឡេង ដេត

Related Topics:លោក នេត សាវឿន