សន្តិសុខសង្គម
មេប៉ូលិសណែនាំឲ្យពង្រឹង គោលដៅត្រួតពិនិត្យមន្រ្តីចរាចរណ៍ផ្លូវគោក
នាយឧត្តមសេនីយ៍ នេត សាវឿន អគ្គស្នងការនគរបាលជាតិបានចេញសេចក្តីណែនាំដោយដាក់ចេញវិធានការបង្ការនិងទប់ស្កាត់នៅគោលដៅត្រួតពិនិត្យរបស់មន្រ្តីចរាចរណ៍ផ្លូវគោក ក្រោយកើតហេតុការណ៍មានបុគ្គលមួយចំនួនបានបង្កសកម្មភាព រារាំង និងប្រមាថ និងមានចេតនាប្រើអំពើហិង្សាប្រឆាំងចំពោះប្រតិបត្តិការរបស់មន្ត្រីនគរបាលចរាចរណ៍នៅ តាមគោលដៅមួយចំនួនក្នុងរាជធានី-ខេត្ត។
ដើម្បីបង្ការ និងទប់ស្កាត់បាតុភាពអសីលធម៌ អគ្គស្នងការដ្ឋាននគរបាលជាតិបានណែនាំដល់នាយកដ្ឋានជំនាញ និងស្នងការដ្ឋាននគរបាលរាជធានី-ខេត្ត ត្រូវបន្តជម្រុញការអប់រំ និងហ្វឹកហ្វឺនជាប្រចាំដល់មន្ត្រីនគរបាលចរាចរណ៍ផ្លូវគោកគ្រប់រូប អំពីច្បាប់ឯកទេសជំនាញ នីតិវិធីនៃការត្រួតពិនិត្យបទល្មើសចរាចរណ៍ បច្ចេកទេសក្នុងការចាប់ខ្លួនជនបង្ក វិធីឆែកឆេរលើខ្លួនបុគ្គល វិធីឆែកឆេរយានយន្ត និងវិធីរៀបចំគោលដៅត្រួតពិនិត្យ។ ជាមួយនេះ ត្រូវពង្រឹងអំពីវិន័យនិងសីលធម៌បំពេញភារកិច្ចប្រកបដោយមនសិការវិជ្ជាជីវៈ មានអាកប្បកិរិយាទន់ភ្លន់ សុភាពរាបសារ ប៉ុន្តែម៉ឺងម៉ាត់ក្នុងការអនុវត្តច្បាប់ ដោយមិនត្រូវឆ្លៀតឱកាសយកតួនាទីទៅប្រព្រឹត្តអំពើខុសច្បាប់ ធ្វើឲ្យប៉ះពាល់ដល់ផលប្រយោជន៍ប្រជាពលរដ្ឋនិងសង្គមឡើយ។
លោកនាយឧត្តមសេនីយ៍ ឲ្យមានកម្លាំងអន្តរាគមន៍ដើម្បីត្រៀមប្រតិបត្តិការគាំទ្រ ជួយដល់នគរបាលចរាចរណ៍ ផ្លូវគោក នៅគ្រប់គោលដៅត្រួតពិនិត្យការអនុវត្តច្បាប់ស្តីពីចរាចរណ៍ផ្លូវគោក ក្នុងករណីមានហេតុការណ៍កើតឡើងជាយថាហេតុ។ កងកម្លាំងអន្តរាគមន៍ត្រូវបំពាក់ឲ្យបានគ្រប់គ្រាន់នូវមធ្យោបាយ និងសម្ភារៈបម្រើឲ្យប្រតិបត្តិការ ដើម្បីទប់ស្កាត់ការគេចវេស ការតបតដោយហិង្សា ឬសកម្មភាពរារាំងបង្កឧបសគ្គដល់ ការបំពេញភារកិច្ចរបស់មន្ត្រីនគរបាលចរាចរណ៍ផ្លូវគោក។
ក្នុងករណីមានបុគ្គលណាម្នាក់ ឬច្រើននាក់ បង្កបាតុភាពនៅតាមគោលដៅត្រួតពិនិត្យរៀបចំសណ្តាប់ធ្នាប់ ឬអនុវត្តច្បាប់ស្តីពីចរាចរណ៍ផ្លូវគោកមន្ត្រីនគរបាលចរាចរណ៍ផ្លូវគោកដែលឈរជើងនៅ គោលដៅនោះត្រូវប្រើសិទ្ធិការពារខ្លួនស្របច្បាប់ ដើម្បីធ្វើការទប់ស្កាត់នូវរាល់សកម្មភាពរារាំងរំខាន បង្កឧបសគ្គ តាមរូបភាពនៃការប្រើប្រាស់ពាក្យសម្ដី អាកប្បកិរិយាប្រមាថដល់កិត្តិយស សេចក្តីថ្លៃថ្នូរ ឬការប្រើអំពើហិង្សា មកលើមន្ត្រីនគរបាលចរាចរណ៍ផ្លូវគោកដែលកំពុងបំពេញភារកិច្ច ដោយមិនទុកឲ្យបុគ្គលទាំងនោះធ្វើសកម្មភាពទំនើង អសីលធម៌បង្កហេតុធ្វើឲ្យសាធារណជនមានទស្សនៈភ័ន្តច្រឡំ និងវាយតម្លៃបែបអវិជ្ជមានចំពោះកិត្តិយសរបស់មន្ត្រីនគរបាលចរាចរណ៍ផ្លូវគោក និងត្រូវផ្តល់ព័ត៌មានដល់អង្គភាពជាបន្ទាន់ ដើម្បីស្នើសុំកម្លាំងអន្តរាគមន៍ ធ្វើការឃាត់ខ្លួននៅហ្នឹងកន្លែង រួចបញ្ជូនទៅការិយាល័យចរាចរណ៍ផ្លូវគោកដើម្បីរៀបចំនីតិវិធី និងកសាងសំណុំរឿងបញ្ជូនទៅ តុលាការ។
លោកនាយឧត្តមសេនីយ៍នេត សាវឿន ក៏ណែនាំឲ្យចាត់តាំងស្នងការរង ឬនាយការិយាល័យចរាចរណ៍ផ្លូវគោកទទួលខុសត្រូវដឹកនាំនៅតាមគោលដៅ រៀបចំសណ្តាប់ធ្នាប់ ឬអនុវត្តច្បាប់ស្តីពីចរាចរណ៍ផ្លូវគោក ដោយត្រូវធ្វើការតាមដានត្រួតពិនិត្យជាប្រចាំ សំដៅកែលម្អចំណុចខ្វះខាត ឬទង្វើខុសឆ្គងណាមួយរបស់មន្ត្រីចរាចរណ៍ផ្លូវគោកបានទាន់ពេលវេលា សំដៅជៀសវាងមតិរិះគន់នានាពីសំណាក់សាធារណជន។
ជាមួយគ្នានេះ ត្រូវពង្រឹងយន្តការតាមដាននូវរាល់ប្រតិកម្មសាធារណមតិតាមប្រព័ន្ធផ្សព្វផ្សាយព័ត៌មាន និងបណ្តាញទំនាក់ទំនងសង្គមដើម្បីត្រួតពិនិត្យ វាយតម្លៃលើព័ត៌មាននិងធ្វើការបំភ្លឺ បកស្រាយឆ្លើយតប បន្សាបឥទ្ធិពលចំពោះព័ត៌មានមិនពិត សំដៅទប់ស្កាត់បានទាន់ពេលវេលានូវការភ័ន្តច្រឡំពីមជ្ឈដ្ឋានជាតិ-អន្តរជាតិ ចំពោះការបំពេញតួនាទីរបស់មន្ត្រីនគរបាលចរាចរណ៍ផ្លូវគោក និងត្រូវទទួលយកនូវគំនិតយោបល់ និងការទិតៀនបែបស្ថាបនា ដើម្បីកែលម្អចំពោះកំហុសឆ្គង និងបាតុភាពអសកម្មនានារបស់មន្ត្រីនគរបាលចរាចរណ៍ផ្លូវគោក ព្រមទាំងធ្វើការដោះស្រាយឆ្លើយតបឲ្យបានសមស្រប៕
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង