សន្តិសុខសង្គម
ផឹកស្រវឹងបុរសម្នាក់បើករថយន្ត ទៅបុករថយន្តសណ្តោងចំពីក្រោយ បណ្តាលឲ្យស្លាប់
បុរសម្នាក់ បានបើករថយន្តយ៉ាងលឿន ទៅបុករថយន្តសណ្តោងចំពីក្រោយ បណ្តាលឲ្យស្លាប់ បន្ទាប់ពីជួបជុំផឹកស៊ីស្រវឹងរួចមក។ ករណីគ្រោះថ្នាក់ចរាចរណ៍នេះ បានកើតឡើងនៅយប់ម៉ោង ១២ និង ២០នាទី រំលងអាធ្រាត ឈានចូលថ្ងៃទី ៧ ខែធ្នូ ឆ្នាំ ២០២១ នៅលើកំណាត់ផ្លូវជាតិលេខ ៥៧B ចន្លោះបង្គោលគីឡូលេខ ៦ និងលេខ ៧ ស្ថិតក្នុងក្រុមទី ១ ភូមិតាំងយូ ឃុំអូរដា ស្រុកកំរៀង ខេត្តបាត់ដំបង។
សមត្ថកិច្ចមូលដ្ឋាន បានឲ្យដឹងថា នៅមុនពេលកើតហេតុ គឺមានរថយន្តមួយគ្រឿង ម៉ាកលុចស៊ីស ៣០០ ពណ៌ខ្មៅ ពាក់ស្លាកលេខ 2I-0908 ភ.ព បើកបរដោយឈ្មោះ ហុន ឆាន ភេទប្រុស អាយុ ៥៣ រស់នៅភូមិអូរគគី ឃុំអូរដា ស្រុកកំរៀង ខេត្តបាត់ដំបង។ បុរសរូបនេះ បានបើករថយន្តយ៉ាងលឿន ចេញពីផ្ទះប្រពន្ធចុង និងស្ថិតក្នុងសភាពស្រវឹង ហើយស្លៀកតែខោលីអូប៉ុណ្ណោះ ក្នុងគោលបំណងត្រឡប់ទៅផ្ទះប្រពន្ធដើមវិញ នៅភូមិកំប្រង់ ឃុំតាក្រី ស្រុកកំរៀង។
លុះមកដល់ចំណុចកើតហេតុ បានបុកពីក្រោយរថយន្តធំ ដែលរថយន្តធំនោះកំពុងសណ្តោងគ្នា បណ្តាលឲ្យស្លាប់នៅកន្លែងកើតហេតុតែម្ដង។ ចំណែករថយន្តធំ ដែលធ្វើដំណើរស្របទិសគ្នានោះ ម៉ាក NISSAN DIESEL ពណ៌ក្រហម-លឿង ពាក់ស្លាកលេខ 3A-0034 ប.ជ អ្នកបើកបររត់គេចខ្លួនបាត់។
សមត្ថកិច្ច បានឲ្យដឹងបន្តថា បុរសរងគ្រោះខាងលើ បានបើករថយន្តចេញដោយផឹកស្រវឹងហើយ ទើបបណ្តាលឲ្យគ្រោះថ្នាក់បែបនេះ។ បច្ចុប្បន្នសមត្ថកិច្ច បាននាំយករថយន្តទាំងពីរគ្រោះង ទៅរក្សាទុកជាបណ្តោះអាសន្ន រីឯសពបុរសរងគ្រោះ ត្រូវបានប្រគល់ឲ្យប្រពន្ធទាំងពីរ យកទៅធ្វើបុណ្យតាមប្រពៃណីផងដែរ៕
អត្ថបទ៖ សោ និយមរ័ត្ន
-
ព័ត៌មានជាតិ៤ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ២ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ១ សប្តាហ៍ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ២ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានជាតិ៣ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
កីឡា១ សប្តាហ៍ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៦ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៣ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ