សន្តិសុខសង្គម

តុលាការពន្យារពេលសាកសួរបន្ថែមលើអតីតផ្កាយ ២ សូយ ចាន់សឿន ករណីអំពើហិង្សា និងបរិហារកេរ្តិ៍

បានផុស

៥ years មុន

នៅ

ថ្ងៃចន្ទ ២០ ធ្នូ ២០២១

ដោយ

អតីតផ្កាយ២យោធា សូយ ចាន់សឿន ដែលកំពង់ជាប់ឃុំឃាំងនៅឯពន្ធនាគារខេត្តកំពង់ស្ពឺ ត្រូវបានបញ្ជូនមកកាន់សាលាដំបូងរាជធានីភ្នំពេញកាលពីព្រឹកថ្ងៃទី ២០ ខែធ្នូ ឆ្នាំ ២០២១ នេះ ដើម្បីសាកសួរបន្ថែមតាមការស្នើរបស់តំណាងអយ្យការអមសាលាដំបូង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រភពព័ត៌មានពីសាលាដំបូងបានឲ្យដឹងថា ជនជាប់ចោទត្រូវបានអនុរក្សពន្ធនាគារបញ្ជូនមកដល់តុលាការហើយ ប៉ុន្តែចៅក្រមមិនអាចបំពេញកិច្ចបានទេ ដោយសារមេធាវីការពារក្ដីឲ្យជនជាប់ចោទមិនបានទទួលដីកា ឬសេចក្ដីជូនដំណឹងរបស់តុលាការ។ ដូច្នេះចៅក្រមសើបសួរបានពន្យារពេលការសាកសួរជនជាប់ចោទ សូយ ចាន់សឿន ទៅថ្ងៃទី ០៤ ខែមករា ឆ្នាំ២០២២ខាងមុខវិញ ។

ប្រភពបន្តថា សំណុំរឿងដែលតុលាករបំពេញកិច្ចស៊ើបសួរបន្ថែមលើជនជាប់ចោទឈ្មោះ សូយ ចាន់សឿន គឺជាសំណុំរឿង « ប្រើអំពើហិង្សាទៅលើអ្នកកាន់កាប់អចលនវត្ថុដោយសុចរិត , និងបទបរិហារកេរ្តិ៍ជាសាធារណៈ » ប្រព្រឹត្តនៅភូមិ ស្រែអំពិល ឃុំឈើទាល ស្រុកកៀនស្វាយ ខេត្តកណ្ដាល និងតាមបណ្ដាញសង្គមហ្វេសបុក កាលអំឡុងឆ្នាំ ២០១៩ ថ្ងៃទី ៣០ ខែតុលា ២០១៩ និងថ្ងៃទី ២២ ខែវិច្ឆិកា ២០១៩ ដែលត្រូវបានប្ដឹងដោយលោក កើត ខេង ជាប្រជាពលរដ្ឋរស់នៅរាជធានីភ្នំពេញ៕

អត្ថបទ៖ មករា