សន្តិសុខសង្គម

ពលករខ្មែរ ៧០ គ្រួសារ នៅបាងកក ជួបគ្រោះអគ្គិភ័យឆេះកន្លែងស្នាក់នៅ

បានផុស

៥ years មុន

នៅ

ថ្ងៃចន្ទ ២៧ ធ្នូ ២០២១

ដោយ

KC Virak

ពលករខ្មែរ ៧០ គ្រួសារ ជាពលករនៅទីក្រុងបាងកក បានរងផលប៉ះពាល់ដោយសារគ្រោះអគ្គិភ័យឆេះកន្លែងស្នាក់នៅ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក កុយ គួង អ្នកនាំពាក្យក្រសួងការបរទេស និងសហប្រតិបត្តិការអន្តរជាតិកម្ពុជា នៅព្រឹក ថ្ងៃទី២៧ ខែធ្នូ ឆ្នាំ ២០២១ បានឱ្យដឹងថា កាលពីល្ងាចថ្ងៃទី ២៦ ខែធ្នូ ឆ្នាំ២០២១ ម្សិលមិញ មានករណីភ្លើងឆេះកន្លែងស្នាក់នៅរបស់កម្មករក្នុងសហគមន៍កែច្នៃសំរាម។ ទីតាំងស្ថិតនៅពុទ្ធមណ្ឌលសាយ៣ សង្កាត់ណងខាងភ្លូ ខណ្ឌណងខែម ទីក្រុងបាងកក ដែលបណ្តាលឱ្យបងប្អូនពលករខ្មែរចំនួន ៧០ គ្រួសារបាន រងផលប៉ះពាល់ក្នុងហេតុការណ៍នេះ។

លោក កុយ គួង បានឱ្យដឹងបន្ថែមថា បន្ទាប់ពីមានហេតុការណ៍នេះ ក្រុមអនុព័ន្ធការងារតំណាង ស្ថានទូតកម្ពុជាប្រចាំប្រទេសថៃ បានចុះសួរសុខទុក្ខ និងនាំយកអំណោយមានដូចជា អង្ករ មី និងត្រីខ ចែកដល់បងប្អូនពលករខ្មែរទាំង ៧០ គ្រួសារ ដែលរងគ្រោះខាងលើ។ ករណីអគ្គីភ័យនេះ មិនមានអ្នកណារងរបួសទេ៕

អត្ថបទ៖ កោះកែវ